اكتتاب و اكتتبنا.. طيب كيف نبيع....؟؟؟

[bibo2001]

طيب الحين خلوكم معي....
اكتتبنا عن طريق شركة الراجحي التي لا نملك بها محفظة و انا ابصم بالعشرة إن اكثر من نصف المكتتبين لا يملكون محافظ .
طيب يوم يجي التداول و ودنا نبيع ....

كيف نبيع وحنا ما نملك محفظة في هذه الشركة؟؟؟ هل تمشي محافظنا اللي في سامبا و الا اللي في الرياض؟؟؟ و الا يلزمونا نستخرج محفظة من عندهم كمان؟؟؟

انا لي مع بنك الرياض و المحافظ هذي قصة يوم اكتتاب الصحراء... رفضوا يبيعون لي الا بالمحفظة. و لك الله شهر الى أن جات هالمحفظة و ابيع بخسارة حدود 37 ريال عن اول يوم قررت ابيع فيه ؟؟

علما إني طلبت محفظة منهم قبل كذا لكن ما فتحوها.. قالوا لازم تغذي الحساب بمية الف و قلت لهم انتظروني بكره الصباح ومن يومها لا شفتهم الى هالاكتتاب .

وش الراي .. و كيف الطريقة أو الاسلوب اللي الواحد يتبعه مع هالجماعه؟

[ابو زياد2]

خلاص يا الحبيب

فتحوا لك محفظة في الراجحي
تبيع عن طريقهم ولو بغيت تشتري كمان عن طريقهم

[adm 2005]

((jj4 3333333

[fmm]

]خلاص يا الحبيب

فتحوا لك محفظة في الراجحي
تبيع عن طريقهم ولو بغيت تشتري كمان عن طريقهم[/quote]

:601: :601: :601:

[وصاف]

لاتشيل همها ياخوي ترى موب من كثر الأسهم اللي بيعطونك إياها ..!!

[bibo2001]

ما فهمت شي ؟؟؟

[cataroma]

لما تكتتب في اي بنك راح يفتح لك محفظة تلقائيا...:)

[بنت الديره]

سؤال يحتاج الي اجابه من مجرب او عنده علم اكيد
الي عنده علم يفيدنا

[bibo2001]

ياجماعه انا مجرب

قلنالكم اكتتبنا ببنك الهم بنك الرياض ايام الصحراء . و عند الاكتتاب عادي ما فيه شي كود وجود حساب لك .
لكن عند البيع قالوا ما لك محفظة رغم اني عبيت نموذج طلب محفظة بدري من يوم الاكتتاب و ما طلعوا لي محفظة الا بعد العنا .
وانا خايف ان هالراجحي مثلهم و لا جينا نبيع علعلوا كبدنا .
واذا انتم تقولوا يفتحوها اتوماتيك نصبر و نشوف لكن قلبي مو مطمن

[هامور أليف]

انا حسابي في سامبا واكتتبت عن طريقهم فهل سيفتحون لي محفظة وهل استطيع زيادة اسهمي وشراء اسهم شركات اخرى وشكراً

[أبو بسمه]

المفروض ان البنوك هذ المرة فتحت محافظ وقد لا يكون لك علم .. اعطهم يومين يهدون من زوبعة الأكتتاب ثم راجع الفرع مع حسابك أو الأستماره واطلب منهم رقم المحفظه الخ .. يعني تابع الموضوع للتأكد أن لك محفظه وإذامافيه قل لهم تبي محفظه

[المتعامل]

الله يعينك تصبر حتى تجي الشركة الثالثة في المملكة للاتصالات دامك اكتتبت بالراجحي انا اعرف ناس اكتتبوا في الاتصالات السعودية من الراجحي وحتى تاريخه لم يتمكنوا من بيع اسهمهم والسبب لا ادري .
اما بالنسبة للصحراء فمشكلتها كانت بسبب ان الشركة فتحت محافظ لمساهميها مباشرة في تداول دون التنسيق مع البنوك مما خلق مشكلة للشركة والمساهمين والبنوك وأمام عيني في احد فروع بنك الرياض جاء شخص مكتتب في الصحراء وتم طلب رقم محفظته هاتفيا من ادارة البنك وارسال نموذج خاص بتنشط المحفظه وخلال عشر دقائق وقيمة اسهمه في حسابه علما إنه شخص من فئة الثمانية اسهم

ونصيحتي لك ان تتابع مع الراجحي خلال هالاسبوع للتأكد من تأسيس محفظتك لا تضيع في الطوشه
وكان الاجدر بك ان تكتتب من احد البنوك التي لديك بها محفظه وتشتري دماغك

[الهايم]

في هالحاله راجعهم قبل ان يتم التداول وخذ رقم المحفظه وتستطيع البيع بعد التداول ولكن عن طريق الفرع ..يعني مو محفظه نت لو تبغاها محفظه نت بيطلبوا منك فلوس زياده وتختلف من بنك لاخر بعضهم يبغى 100 الف وبعضها مثل سامبا 50 الف..تحياتي