ثنيت رجلي عن الروحات والجيه عندي قناعه وغيري ناس قنعانه

[محمدالمانع]

ثنيت رجلي عن الروحات والجيـه
عندي قناعه وغيري ناس قنعانه
ما فاتني من المشاريع التجاريه
عنها يعوضني المصحف وقرآنه
بدخل رياض المساجد وارفع يديه
واطلب شفاعةجليـل الملك سبحانه
واقول يــــــالله تغفر لنا السيـــــة
تغفر لعين على ما فات ندمـــانه
خمسين عام مضت للعمر وشويه
اتبع هوى القلب تبع العبد عمانه
ابني مشاريع الأهام الخيالـــــــه
واسوقها بين وقت وبين عنوانه
احاول ذي مع ذيك مع ذيــــــــه
هذي تجي راس مالي وذيك كسبانه
عيني على النظرهالعليا نحاويه
والرجل ماني معودها على الهانه
لا صار مالي على الماء دلو ورعيه
جذبت حبلي لو الكبد عطشــــــــانه
لناطبايع وكل له طبيعيـــــــــــــــه
كل على سلم ابوه وسلم جدانــــــــه
والعالم الي صداقتها صناعيــــــــــه
ضحاكة السن والغايات تعبانـــــــه
اخترت عنهم بلاقيع خلاويــــــــــه
الذيب فيها يجر الصوت لأخوانــــه
كثر التجاريب مدرسة خصوصيــه
تعلم الرجل صدقانه وعدوانــــــــه
وقت الرخا كم صديق مخلص ليه
ومسجل رقم جواله وعنوانـــــــه
وقت العوافي با ساليب سياسيـــــه
وليا بدالي لزوم صك بيبانــــــــــه
لابوه لا بو صداقته الخداعيــــــــه
فرقاه طب الفؤاد وساس برهانــــه
صديقي ألي إلى احتجته فزع ليه
وليا بداله لزوم قمت في شانــــه
والفت نظر للنشامى والمعذريـــه
الهرج ما ينحصى زوده ونقصانـه

[العضو المنتدب]

جميله بارك الله فيك

[متابع السوق]

بارك الله فيك

[AL_Harthy]

صح لسانك ..

[hawee]

صح لسانك

ابدعت في قصيدتك

[صائد الاسهم]

يا سلام جميل
بارك الله فيك
وصح السانك وبدنك

[مرايم]

كثر التجاريب مدرسة خصوصيــه *** تعلم الرجل صدقانه وعدوانــــــــه

**
جزاك الله خير يـ محمد المانع

[الطرف الغامض]

بارك الله فيك

[العضو المنتدب]

ومن رسب في الحب ماله دور ثاني <== ودي اعرف بس من وين جبتا هالبيت

[أبو عبدالهادي]

وقت الرخا كم صديق مخلص ليه )()( ومسجل رقم جواله وعنوانـــــــه
وقت العوافي با ساليب سياسيـــــه)()( وليا بدالي لزوم صك بيبانــــــــــه
لابوه لا بو صداقته الخداعيــــــــه )()(فرقاه طب الفؤاد وساس برهانــــه
صديقي ألي إلى احتجته فزع ليه )()( وليا بداله لزوم قمت في شانــــه

صح السانك :601:

وسلمت يميتك لا عدمتك

تحيتي لك

[أبو جلال]

تغفر لعين على ما فات ندمـــانه **** خمسين عام مضت للعمر وشويه


الله يغفر لنا و لك

إى و الله صح لسانك

[تخطيط]

لعل في قلبي من خواطرك شيه ======يعجز عنها اللسان وتملها ايديه

صح اللسان

[ZOOZ الأسهم]

أحسنت وجزاك الله الف خير

[الموووج]

صح لســـــــــــــــــــــانك

[Al-Ruwaili]

يعطيك العافيه.

[الزيــــ أبوعمر ــــد]

القنــــــــــــــــــــــــــــــــــاعــــــــــ ــــــــــــــــــــه


كـــــــــــــنــــــــــــــــــز


لا يـــــــفـــــنى


( صح لسانك )

[اسعد]

قصيدة رائعة بارك الله فيك ، وقد لاحظت بعض الأخطاء الإملائية التي تكسر وزن بعض الأبيات وهي كالتالي :
( ابني مشاريع الأهام الخيالـــــــه )
ابني مشاريع لآوهامٍ خيالية
( عيني على النظرهالعليا نحاويه )
عيني على النظرة العليا نحاويه
(جذبت حبلي لو الكبد عطشــــــــانه )
جذبت حبلي لو ان الكبد عطشــــــــانه

مع اطيب تحياتي ، ولولا إعجابي بها لما لاحظت ذلك ...


(

[محمدالمانع]

مشكور يا أسعد ( الأخطاء إملائية ) وشكراً على التصحيح والقصيدة منقولة .

[Al-Ruwaili]

القنــــــــــــــــــــــــــــــــــاعــــــــــ ــــــــــــــــــــه


كـــــــــــــنــــــــــــــــــز


لا يـــــــفـــــنى


( صح لسانك )

[الخبر]

صح لسانك
في الصميم

[الشاهري]

صح لسانك ونصيحة ثمينة

[saadq]

الله الله الله

محمــــــد ينثر الابداع رائعه وقصيده اروع

ولكن محمد اقتباس البيت الاول يجب توضيحه وشاعريتك اجمل وفقك الله لما تحب وترضى

[00 سهم خيالي00]

يا ســـــــلام ..... يا ســـــلام ....... يا ســـــــــــلام
هذا القصيد و الا بلاش .... الشعر اللي ما فيه وصف دقيق للواقع ماهو شعر
قصيدة يا خوي يا محمد المانع وربي اطربتني مرررررره ...
الناقل يا محمد كالقائل ،
الله يعطيك الف عافيه و جب لنا يا خوك مثل هالقصيد تراه يوسع الصدر