وش بقا يا مضارب التعمير

[فوازتركي الفواز]

مضارب الغفله مضارب التعمير وش بقا ما وصلك وتعداك ترى شمس مي بعيده بكره او بعد بكره متعديتك ولا تهون صدق وسيسكو والبقيه اقول الله يعطيك على قد نيتك امين امين امين ونيتك واضحه يا ...؟

[الغامدى]

الله المستعان

[النسر]

انت تقوله مضارب التعمير هذا صاير ما فيه مثله انواع الملل

[فوازتركي الفواز]

يالله يا كريم وقت هالخير والامطار انك تخسف بكل جشع وطماع بأذنك يارحمن يا رحيم اللهم امين امين امين

[المحررالإقتصادي]

أنواع الحسد والتجميع بيجي له يوم وياما ناس تدعي عليه
نصيحه لا يفوتكم السوق كل ما طلع سهمه تحرك المضارب بأنواع الرش

[علي]

ياناس يا ان الانسان هذا نايم !!! او انه مو داري وش السالفة ؟؟؟؟؟
اما انكم تقولون انه طماع او ... او..... ما اتوقع لان مافي مضارب يجلس هالفترة كلها مايطلع سهمه او يحركه مثل مضارب تعمير افندي الا ويكون نايم او موفاهم اصول اللعب

[غشيم اسهم]

هذا الضارب حقير مع مرتبة الشرف

[فوازتركي الفواز]

الله يفرجها من عنده حنا صابرين والباقي على رب العالمين

[العضو المنتدب]

ياساتر منه اخر واحد يتفعال مع الارتفاع واول واحد مع النزول
حسبي الله ونعم الوكيل

[د حامد]

انا لا أشك في انا مضارب التعمير انسان جشع وحقود وأناني
لا يتمنى الرزق لأحد الا نفسه
والمشكلة شكله مليان سيولةبحيث لا يمكن المضاربين الاخرين يقتربوا عند سهمه
عسى انشوف فيه يوم قولو امين

[السعدون]

انتظروا وتذكروا:::
ابا زيد ان قام قومة(ن) سرني بها**** لكن الا يكيف ابا زيد يقوم..

[العضو المنتدب]

الكاتب الأصلي: السعدون
انتظروا وتذكروا:::
ابا زيد ان قام قومة(ن) سرني بها**** لكن الا يكيف ابا زيد يقوم..

:D ;) :)

[بيت الطين]

الكاتب الأصلي: السعدون
انتظروا وتذكروا:::
ابا زيد ان قام قومة(ن) سرني بها**** لكن الا يكيف ابا زيد يقوم..

أبشر بأبا زيد يالسعدون 00 ترى قربت قومته 00 والله ين قام إن ما تشوف إلا غبرته 00

[غشيم اسهم]

اليوم 7 اسهم مقفلين نسب وبعضها قريب النسب والرجال قاعد يرش

[المحررالإقتصادي]

والله أنا من طلعت من سهمه لقيت كل خير لو أنتظرته لين يطلع 250 ما لقيت الي لقيته من يوم طلعت من سهمه .

والله يا عليه رش جنان تقول ما يهمه بايعها ولا انه لاقي القروش في الشارع بس أنا الي عرفته أنه خبير تدوير أي يشتري ويرش ويربح بصراحه خطييييييييييييير .
شكله واحد ملياااااااااااااااااان

[فوازتركي الفواز]

شكرا لجميع الاخوان الذين تفاعلوا مع الموضوع وبالذات الخبير السعدون والله يخارجنا من هذا السهم ونربح في ربح وفير ما هو ضنتي ههههههههههههه:o :cool:

[غصن الزيتون]

الكاتب الأصلي: العضو المنتدب
ياساتر منه اخر واحد يتفعال مع الارتفاع واول واحد مع النزول
حسبي الله ونعم الوكيل


يأخي الكريم عشق السهم مصيبه نصيحة لوجه الله خذها مني اذا كان السوق طالع طب بأي سهم شختك بختك وتبي تربح اما التعمير اجدعه بحلق راعيه انت وش يهمك غير الربح شف صدق من الثمانينات الى 130.5 ومضارب التعمير جالس يراوح بالثلاثينات والاربعينات

وانت ياخي مابينك وبين السهم صلة قرابه ولا وارثه دور غيره لعلمك فيه ناس اللي تفهم اسلوب مضارب التعمير ربحت معه خير يشترون من تحت ويقنعون بريالين وثلاثه اما النسب لاتدورها عند راع التعمير

تراي عليمي بس هذا اللي فهمته من الاسهم

تقبل تحياتي اخوك غصن الزيتون

[العضو المنتدب]

الكاتب الأصلي: غصن الزيتون
يأخي الكريم عشق السهم مصيبه نصيحة لوجه الله خذها مني اذا كان السوق طالع طب بأي سهم شختك بختك وتبي تربح اما التعمير اجدعه بحلق راعيه انت وش يهمك غير الربح شف صدق من الثمانينات الى 130.5 ومضارب التعمير جالس يراوح بالثلاثينات والاربعينات

وانت ياخي مابينك وبين السهم صلة قرابه ولا وارثه دور غيره لعلمك فيه ناس اللي تفهم اسلوب مضارب التعمير ربحت معه خير يشترون من تحت ويقنعون بريالين وثلاثه اما النسب لاتدورها عند راع التعمير

تراي عليمي بس هذا اللي فهمته من الاسهم

تقبل تحياتي اخوك غصن الزيتون

صدقني انا اتفق معك واخر ماكنت افكر فيه اني ادخل هالسهم بس وش نقول اليوم طلعت منه مرتين ورجعت له لا وكل القرنقش فيه

[فوازتركي الفواز]

يا اخي اللي يخلي الواحد يصبر على التعمير اخباره الطيبه واخرها خبر اخونا الحامي عنه بس مشكلة السهم مضاربه الجشع الطماع الحسود وجميع الصفات السيئه يستاهلها هذا المضارب والله ما ادري هذا المضارب ما يخاف على نفسه ولا على ابنائه من دعوات كثيره تصدر من مرتادي السوق والله لو السهم ما يستاهل كان عذرناه بس السهم يستاهل ويستاهل ونص الـ 200 ريال واكثر

[faisalo]

هو صح عنده فلوس كثيره وعنده اسهمه بس مثل مايقولون اكل العنب حبه حبه
وان شاء الله بنشوف منه خير كثير
بعدين صح هو مع نزول السوق تشوفه اول سهم نازل ماشاء الله عليه بس لاتلومونه تراه يحب الخير للجميع ومع الاخبار الجديده المتداوله ان شاء الله بنشوفه فوق
ونصيحه لوجه الله لا تدورون على نسب معه تراه مايحب النسب
يعني رجل قنوع جدا جدا

[زائد الشوق]

الكاتب الأصلي: فوازتركي الفواز
مضارب الغفله مضارب التعمير وش بقا ما وصلك وتعداك ترى شمس مي بعيده بكره او بعد بكره متعديتك ولا تهون صدق وسيسكو والبقيه اقول الله يعطيك على قد نيتك امين امين امين ونيتك واضحه يا ...؟


شكلك كذا مع التعمير ومضاربه
>>>>>>>>>http://images.animfactory.com/animations/people_a_l/cooks/butcher_chopping_at_chicken_md_wht.gif

معليش بس غصب تخيلتك كذا وانا اخوك ولا يهونون الربع

[علك ابو سهم]

المنحه هي السبب لانه وده يجمع اكبر كميه...

على العموم انطلاقته قربت الاسبوع هذا راح يكسر حاجز 150 بالراحة