هل حصل فعلا نزول واضح في اسعار اراضي مخطط عريض بالرياض الاسبوعين الاخيرين

[mutaiam]

اليوم في العمل تناقل الغالبيه الحديث عن نزول واضح لاسعار اراضي المخططات ومنها عريض الي املك فيه قطعه مقسومه نصفين من عام 1421 لاجل التقديم عالصندوق العقاري والي انتظر صدور اسمي رمضان القادم ان شاء الله :)

المهم واحد قال ان الي كانت تسوى 130 الف قبل اسبوعين مايشترونها الا ب95 الف

ماصدقت يعني نزول لهالدرجه في اسبوعين فقط
والله لو انها اسهم :redf:

فياليت الاخوان الي يتعاملون هناك على ارض الواقع يفيدوننا عن التغير الفعلي بالاسعار

يعني الي عنده ارض شراها ب200 الف قبل شهر في عريض
الان كم تسوى ؟

[عابر الأوطان]

ليس لدي علم ولكن في هذا المنتدى شريطية عريض اختفوا من الساحة والظاهر طلعوا من السوق ، بس ليتك بايع من قبل رمضان الماضي الاسعار مصيرها تنزل بعريض أو غير عريض..أنا نزل اسمي بالصندوق ومانويت اشتري بانتظر لين الله يسهلها رغم انه باستطاعتي اخذ قرض إضافي من اي بنك واشتري أرض يأي مكان بس اشوف ان بالاسعار هذي ماتخارج أبد..وليش اتحمل ديون ؟
بمتع النفس واروح عنها واعيش حياتي والحمدلله رب العالمين العمر رحلة ودامه بربيعه ليش ارهنه للديون والشقى ؟

[شموخ رجل]

هذا منقول من منتدى أخر وبعض التعليقات كثيره وتفيد بأن أرضي عريض تعرضة لنزول
وليس عندي علم

--------------

بما أن التناسب بين العقار والأسهم عكسي فمن المهم متابعة سوق العقار , ولذلك يعتبر هذا الموضوع له علاقة بالأسهم http://www.tdwl.net/vb/images/smilies/smile.gif ,,

..

بالأمس يقول لي أحد الزملاء أن أخاه عرض أرض قبل كم اسبوع وانسامت بـ 160 ألف

وقبل يومين راح لهم قالوا ماعندنا إلا 110 آلاف ,,

واحد ثاني - قريبي - باع أرض في مخطط عريض بـ 115 ألف قبل شهرين تقريبا ,,

يقول أنها الآن تسام بسعر 80 ألف ,

ولعلكم تتذكرون الخبر الذي أوردته جرية الشرق الأوسط قبل يومين عن إيقاف ثلاثة بنوك لبرامج التمويل العقاري ,

قد تكون هذه البنوك لها نظرة مستقبلية وتعتقد أن العقار مقبل على نزول ولذلك أوقفت التمويل ,


---------------------------------
هوامير عريض عندهم حركات وإشاعات كاذبة أشد من هوامير الأسهم ,,

من سنتين - والعهدة على الراوي - يقول جمعوا لهم أراضي وبعدين استأجروا كم بوكلين ونشروها في المخطط وطلعوا إشاعة إن هذي بوكلينات البلدية وإنها راح تزفلت المخطط ,,

لكيعين

[أبوعبدالسلام]

منطقة عريض جبليه و قريبه من وسط البلد و قريبه من الحاير ايضا

معضم شوارعها الرئسيه مسفلته , خصوصا الطريق الرئيس الواصل

بين طريق ديراب و طريق الحاير , و لكن المشكله في عدم وجود اي

خدمة من الخدمات الرئيسيه , ولا اشك ان الشريطيه لهم دور في رفع

اسعار اراضي عريض مثل المهدية و نمار , و لكن الاسعار ما زالت

على حالها او اقل بنسبة 15 - 20 % من الاسعار قبل شهرين في بعض المواقع

[amjad2000]

نبيع وونسوووق في اااراااضي عريض
ارسل برساااالة اااو اتصل على الجوااال
ووللمعاااينة على طبيعة الارض
ومعرفة مكااانها وموقعها
اابو عبدالرحمن0505248653

[adeam]

نبيع وونسوووق في اااراااضي عريض
ارسل برساااالة اااو اتصل على الجوااال
ووللمعاااينة على طبيعة الارض
ومعرفة مكااانها وموقعها
اابو عبدالرحمن0505248653
ليتك وضعت الايميل وعنوان الحساب في تويتر حتى نتواصل معك بشكل افضل

[mutaiam]

بالامس كان عندي واحد ممن اشترى ارض هناك
يقول شاريها ب50 الف
ووصلت قبل اسبوعين 150 الف
والاسبوع الماضي قالوا مافيه الا 100 الف

واليوم الخميس العصر حراج الاراضي هناك وبنشوف مدى تاكد المعلومه او رجوع الاسعار للارتفاع
علما ان هذه الهزات السعريه حصلت قبلها حوالي 3 مرات من 2008 الى الان
اعنفها ان كانت مانسيت التاريخ قبل رمضان عام 1431 هجري وصل النزول الى 50% في ظرف 3 اسابيع فقط

[الاسرار العجيبه]

مااقولك واحد يقول لي اخوي شاري وتسام الان باقل من مشتراه ومحذره قبل يشتري

لكن ماسمعني المشكله يقول لي يوم جيت اشتري قالوا لاتفوتك بيصير في عريض مطار وجامعه

ومدري وش قالوا له المهم انتبهوا من شريطيه العقار في عريض اكثرهم حرامي ومايخاف الله

يكذب عشان يبيع بمكسب مايدري ان بيعه حرام وفلوسه صارت حرام الله المستعان

وترى اسعار عريض كانت 5000 الاف ريال للقطعه ووصلت قبل النزول 150 الف يعني

هوامير العقار اللي جمعوا باعوا بمكسب 30 تدبيله :602: لو يبيع ب50 الف

كسبان 10 تدبيلات

[شموخ رجل]

نقلاً عن المحلل المالى والكاتب الإقتصادي في جريدة الرياض مقبل السلمي على موقعه في تويتر:
يبدو أن التصحيح بدأ في السوق العقارية .. أراضي عريض تتراجع 30-40% خلال أسبوع، والتصحيح غالباً يبدأ من عريض، لدورتين سابقة

http://i10.photobucket.com/albums/a139/craino/meqbil.jpg

http://twitter.com/muqbelalsolami

[عابر الأوطان]

بالامس كان عندي واحد ممن اشترى ارض هناك
يقول شاريها ب50 الف
ووصلت قبل اسبوعين 150 الف
والاسبوع الماضي قالوا مافيه الا 100 الف

واليوم الخميس العصر حراج الاراضي هناك وبنشوف مدى تاكد المعلومه او رجوع الاسعار للارتفاع
علما ان هذه الهزات السعريه حصلت قبلها حوالي 3 مرات من 2008 الى الان
اعنفها ان كانت مانسيت التاريخ قبل رمضان عام 1431 هجري وصل النزول الى 50% في ظرف 3 اسابيع فقط

لاحول ولاقوة إلا بالله صارت اسهم ماصارت أراضي !!
50% خلال اسبوع ؟؟

وأنا اشوف لاتلوح للمسافر ودليل عريض ماعاد لهم وطوطة بالمنتدى..:eek:

[mutaiam]

تواصلت اليوم مع احد المتواجدين في عريض عصر الخميس والجمعه
وقال ان النزول قارب 30%
من الاسبوع الماضي وهو مستقر على هالنسبه
يعني ارضك قبل شهر شريتها 200 الف
الان لاتدور غير 140 الف

وان هناك محاولات لانعاش السوق من جديد ولو بصفقات وهميه بين المكاتب ووكلائهم
حتى يعرفون سبب النزول هل هو للرجوع من جديد كالعاده باسعار اقل
او هو مغادره نهائيه للمضاربين الكبار

[مرحبا 1000]

الى الآن النزول طبيعي

اتوقع نزول اقوى من كذا بكثير

[B R O]

السلام عليكم ورحمة الله وبركاته

طيب اسمعو يا ساده .. الاسعار اللي الان باذن واحد احد بترجعون تبكون ولا اقول تندمون بل " تبكون " عليها .. والاخبار قدام والوعد بكره.

الله يكتب مافيه خير للجميع وييسر الامور ويوسعها على المسلمين والمسلمات

[تيار هواء]

السلام عليكم ورحمة الله وبركاته

طيب اسمعو يا ساده .. الاسعار اللي الان باذن واحد احد بترجعون تبكون ولا اقول تندمون بل " تبكون " عليها .. والاخبار قدام والوعد بكره.

الله يكتب مافيه خير للجميع وييسر الامور ويوسعها على المسلمين والمسلمات

متحمس مرررره لدرجة اننا بنبكي على وصخ دنيا ياخسارة ... مع الاسف يكون تفكيرك (دنيوي) بحت
،ان الراسمالية قد اكلت تفكيرك بشكل كبير.
في الحقيقة ان (بكينا) لا لزيادة او نزول وانما على ماوصل اليه حالك وحال امثالك ممن تعلق وتشبث بدنيا زائلة فانية .

[ابوصهيب2]

العروض اكثرمن الطلب

[مبارك.سعد]

السلام عليكم ورحمة الله وبركاته

طيب اسمعو يا ساده .. الاسعار اللي الان باذن واحد احد بترجعون تبكون ولا اقول تندمون بل " تبكون " عليها .. والاخبار قدام والوعد بكره.

الله يكتب مافيه خير للجميع وييسر الامور ويوسعها على المسلمين والمسلمات

تتوقع نشتري قدام ال***** رقم 1 حقت الجامعة أفضل ، والا الاحسن نشتري غرب مطار عريض

[B R O]

ياناس .. يااحباب .. احذرو

هناك من الناس من قل لديه الوازع الديني واغرته الدنيا فعلا ونسي الامانه والمصداقيه والخوف من الله .. الى درجه انه يقوم بالتدليس على الناس بالفكر السئ والتشاؤمي .. نحمد الله ميزانيتنا قويه والدعم متواصل وهناك اخبار بزيادة الرواتب تدرجا من الفئات الاقل الى الاعلى تبدأ من اربعين بالمئه وكل ذلك يصب الى زياده في الاسعار في كل السلع ومن ضمنها العقار .
انا لست مسوقا ولا مسوفا .. انا ارى الامور من منظور اقتصادي بحت وارى بان هناك فرصه للاستثمار واحب للناس مااحبه لنفسي وما يجري في عريض لا اعتقد بانه يتجاوز اكثر مضاربات واتفاقيات لا تلبث الا وان تندحر ويبقى لك القرار انظر الى الطرق والاسراع في انجازها انظر الى مداومة العمل هناك وانظر وانظر .....لا ادعو للشراء ولكني امنع من البيع حتى لا يحصل الندم .... لا اعلم كيف ينام اولئك اللذين يسوفون على الناس ويخادعونهم ومن اسميهم " اذناب لرؤوس الاموال " اقول لهم اتقو الله اتريدون ان ترهقو الناس بالكذب وظلم انفسكم فتجردونهم من منافعهم وامولهم واستثماراتهم واستثمارات اسرهم .

انظروا الى ما كتبت وعودوا بمشيئة الله اليه بعد عام من الان وسترون مااعنيه الان.

واعيد لمن هم " اذناب لاصحاب رؤوس الاموال " واقول لهم اتقو الله في حاجات الناس ولا تبخسونهم اشيائهم.

[شموخ رجل]

ياناس .. يااحباب .. احذرو


هناك من الناس من قل لديه الوازع الديني واغرته الدنيا فعلا ونسي الامانه والمصداقيه والخوف من الله .. الى درجه انه يقوم بالتدليس على الناس بالفكر السئ والتشاؤمي .. نحمد الله ميزانيتنا قويه والدعم متواصل وهناك اخبار بزيادة الرواتب تدرجا من الفئات الاقل الى الاعلى تبدأ من اربعين بالمئه وكل ذلك يصب الى زياده في الاسعار في كل السلع ومن ضمنها العقار .
انا لست مسوقا ولا مسوفا .. انا ارى الامور من منظور اقتصادي بحت وارى بان هناك فرصه للاستثمار واحب للناس مااحبه لنفسي وما يجري في عريض لا اعتقد بانه يتجاوز اكثر مضاربات واتفاقيات لا تلبث الا وان تندحر ويبقى لك القرار انظر الى الطرق والاسراع في انجازها انظر الى مداومة العمل هناك وانظر وانظر .....لا ادعو للشراء ولكني امنع من البيع حتى لا يحصل الندم .... لا اعلم كيف ينام اولئك اللذين يسوفون على الناس ويخادعونهم ومن اسميهم " اذناب لرؤوس الاموال " اقول لهم اتقو الله اتريدون ان ترهقو الناس بالكذب وظلم انفسكم فتجردونهم من منافعهم وامولهم واستثماراتهم واستثمارات اسرهم .

انظروا الى ما كتبت وعودوا بمشيئة الله اليه بعد عام من الان وسترون مااعنيه الان.


واعيد لمن هم " اذناب لاصحاب رؤوس الاموال " واقول لهم اتقو الله في حاجات الناس ولا تبخسونهم اشيائهم.



أقول أخوي نصيحه لك مني مثل مثل ما أريده لي
عض على ثوبك وأنحش من العقار أصرف لك وتذكر كلاميه
هذا بعد فتره وهذا التطبيل منك واضح للعقار ولا تحاول تغرر
بغيرك
http://www2.aleqt.com/2011/12/17/article_607692.html

http://www2.aleqt.com/2011/12/17/article_607693.html

[B R O]

أقول أخوي نصيحه لك مني مثل مثل ما أريده لي
عض على ثوبك وأنحش من العقار أصرف لك وتذكر كلاميه
هذا بعد فتره وهذا التطبيل منك واضح للعقار ولا تحاول تغرر
بغيرك
http://www2.aleqt.com/2011/12/17/article_607692.html

http://www2.aleqt.com/2011/12/17/article_607693.html

شكلك قريت العناوين بس .. اقرا المقال مضبوط وترى بانه مؤيد لكلامي
ومعذره يا اخي .. قبل لا اتعب قلبي في النقاش معاك ممكن اعرف مستواك الاكاديمي ؟

[الاسرار العجيبه]

ماشاء الله وش ذا النسب في سوق الاسهم اليوم

والله يابعض الناس بيصور مع عقاره ياوووووو

[شموخ رجل]

شكلك قريت العناوين بس .. اقرا المقال مضبوط وترى بانه مؤيد لكلامي



ومعذره يا اخي .. قبل لا اتعب قلبي في النقاش معاك ممكن اعرف مستواك الاكاديمي ؟



مستواي الاكاديمي في التطبيل والكذب على خلق الله 0 صفر مربع
وما نعرفه عن شريطية العقار والسيارات هم تغلبوا على المصاريه في الكذب
والتدليس والنصب والاحتيار ولا يهمهم أكل الحرام حتى بالحف بالله العلى العظيم
ومهم كابذون وأضيف لهم الرشايده في سوق الاغنام يحلف بالله أن الخروف عليه بسعر
معين وبعد المكاسره معاه يعطيكاك بأقل من ماقال أنه عليه فهل يعلق يبيع بسخاره
مستحيل

نحن نشاهد بأم أعيننا بأن العقار سوف ينهار فلا تحاول تغرر وأقر الخبر زين الموجود في الروابط يقول تدوير بنهم ومحاولة أنعاش العقار ولكن ممكن أنك لم تقرا مابين السطور

http://www.tdwl.net/vb/showthread.php?t=303950

[الاسرار العجيبه]

الزبده نصيحه للجميع ابعدوا عن العقار ولا يهمكم اللي يجي يطبل

ياعشان سعي لانهم ذا الايام يهشون ذباب مايبيعون شي ولا جاهم احد

او عنده اراضي انتبهوا منهم تراهم نصابين مثل شريطيه السيارات واكثر

الهوامير باعوا وشفهم اكثرهم في سوق الاسهم وانواع النسب والسيوله

يوميا 7 مليار من وين جت وهي قبل 6 شهور ماتصل 2.70 مليار نصيحه

خلوهم يهشون ذباب لين يتعبون وبيسكرون مكاتبهم وانتبهوا من راعين المطارات والجامعات هههههههههه

[عابر الأوطان]

لاحول ولاقوة إلا بالله والله قل الخوف من الله وكثر الغش والتدليس في كل شيء وصار الكثير من الناس مايهمه حلال وحرام وبالأخص شريطية العقار أغلبهم تعود على الغش واصبح الأمر شيء عادي بالنسبة له ..

[شموخ رجل]

سوال يا الاكاديمي تقول بأن الدوله سوف تزود مرتبات موظفيها
فهل الشعب السعودي كله من ضمن موضفي الحكومه أم فيه موضفين
في القطاع الخاص لا يتجاوز راتبه 3000 ريال وفيه متقاعدين لا يتجاوز
راتبه 1700 ريال وفيه منهم يعمل أعمال حره كل يوم يعمله لا يتجاوز 100 ريال
مصروف أطفاله وفيه من لا يجدوضيفه راجع نفسك يا أكاديمي وتعرف أنك من جنب القده
وليس لديك الاكاديميه إلا في التسويق والدعايه وقد سبقك شريطيه أدعوا بأن عريض سوف
يكون فيه مطار وجامعه وكأنهم يتكلمون عن محافظه ليس عن حى من ضمن أحياء الرياض
لا وتقول بأن العقار سوف يرتفع وهو الوقت الراهن يتقاذفه الشريطيه بين أيديهم مثل الجمره
وكلا منهم يريد الخلاص منه ونحن ترانيا معاكم في نفس الارض وليس في كوكب ثاني خارج
كوكبكم نشاهد العروض على جميع أنواع العقار والبعض له سنتين لم يتم تصريفه سواء كانت أراضي
أم عمائر وفلل وشقق معروضه وجميع انواع الدعايه عليها والبعض عزف عن البيع ويحاول أن يأجرها ولم يفلح حتى في الايجار وأعلم بأن أغلب الناس تشوف هذا الركود ومايعقب الركود إلا الهبوط المنتظر وتقول بعد سنه سوف يرتفع وبتشوفون أسعار أعلى من ماهي عليه الان أذا كان بهذه الاسعارولم يجرواأويستطيع الشراء فكيف أذا أرتفعة أكثر وأنا فاهم ماتقوله وأعلم ماذاتريد من طرحك
أنه تطبيل مبطن بصوره غيرواضحه كما تدعي بأنك ليس مسوق وماكتبته ليس ينطبق على مابداخلك
وأنت تعرف ذلك جيدا

ملاحظه بسيطه
أنظر العروض في هذا المنتدى وغيره بدون ما احد يسومها مشاهدات فقط لاغير
وبعض مكاتب العقار أكيد أنك شايفهم واضعين لوحات في الشوارع الريئسه تسويق
ودعايه والبعض فاتح موقع لعرض العقار خاص به وبما يخص العقار ولم يفلحون
والكثير الكثير

[مبارك.سعد]

شكلك قريت العناوين بس .. اقرا المقال مضبوط وترى بانه مؤيد لكلامي
ومعذره يا اخي .. قبل لا اتعب قلبي في النقاش معاك ممكن اعرف مستواك الاكاديمي ؟

ابفهم وش علاقة الشهادة الاكاديمية في الموضوع ترى البيع والشرا حتى البنقالي يجي من ديرته راكب حمار يجي عندنا يصير احسن بياع وهامور لو بغيت...

[عابر الأوطان]

ياجماعة ماحد شاف لاتلوح للمسافر منا ولا مناا ؟؟

الرجال شكله متوهق...اذكره ينتظر جامعة عريض ولاادري وش صار عليه .؟

[ابو دموع]

اللهم سهل الامور علي المواطنين يااااااااااااااااااااااااااااااااااااااااااااااااا رب

[سهم ثابت]

ياجماعة ماحد شاف لاتلوح للمسافر منا ولا مناا ؟؟

الرجال شكله متوهق...اذكره ينتظر جامعة عريض ولاادري وش صار عليه .؟



فعلاً وين المطبلين واهل الصنادق يوم جا النزول معد شفناهم

[تحكمني قناعاتي]

بحكم خبرتي التسويقية وخاصة في مخططات عريض

هو لعب جامد ومضاربة من هوامير كباار

يعني رفعو السوق بدون مبررات واضحة للعيان

صارو يرفعون السوق بشكل رهيب خلال 6 اشهر تقريبا ارتفع بنسبة 100%

والناس شغالة بيع وشرى وكل واحد يشتري اليوم يبيع اليوم الثاني بسعر اعل

واصبح فيه قوة شرائية ضخمة ومازال السعر في عريض يعتبر ارخص مخطط في الرياض وهذا اللي شجع على

الشراء فيه

والركووود لابد من وجوده يعني لو استمر الارتفاع الى الان كم يوصل سعر المتر 1000 ريال مثلا !!!!


الحاصل ياجماااعة ان هذا اللي صاير تصحيح مثل الاسهم

والشريطيه لقوها فرررررصة ينتظرونها عشان يستغلونها ويشترون من تحت

عموماًً الخير مقبل في عررررريض

وصدقوني راح يكون له مستقبل جميل

والخدمات سوف تصل اليه عااجلاا ام اااجلاا

والمسألة شويه صبر

وعلى فكررره يمكن هذي المره الثالثة او الرابعة اللي يصير في عريض مثل كذا


وبالتوفيق للجميع ....

[صاحب مساهمة]

الزبده نصيحه للجميع ابعدوا عن العقار ولا يهمكم اللي يجي يطبل

ياعشان سعي لانهم ذا الايام يهشون ذباب مايبيعون شي ولا جاهم احد

او عنده اراضي انتبهوا منهم تراهم نصابين مثل شريطيه السيارات واكثر

الهوامير باعوا وشفهم اكثرهم في سوق الاسهم وانواع النسب والسيوله

يوميا 7 مليار من وين جت وهي قبل 6 شهور ماتصل 2.70 مليار نصيحه

خلوهم يهشون ذباب لين يتعبون وبيسكرون مكاتبهم وانتبهوا من راعين المطارات والجامعات هههههههههه

مساك الله بالخير
طيب أبسألك ياخوي عن مخططات شرق الرياض الي على طريق الدمام الي بعد نقطة التفتيش فية حولها مرافق ومنتزه للوليد بن طلال كبير جدا آري والله اعلم انها افضل من غيرها ماوجه نظرك تجاهها؟؟؟؟

[عابر الأوطان]

بحكم خبرتي التسويقية وخاصة في مخططات عريض

هو لعب جامد ومضاربة من هوامير كباار يعني رفعو السوق بدون مبررات واضحة للعيان صارو يرفعون السوق بشكل رهيب خلال 6 اشهر تقريبا ارتفع بنسبة 100%

والناس شغالة بيع وشرى وكل واحد يشتري اليوم يبيع اليوم الثاني بسعر اعل

واصبح فيه قوة شرائية ضخمة ومازال السعر في عريض يعتبر ارخص مخطط في الرياض وهذا اللي شجع على

الشراء فيه

والركووود لابد من وجوده يعني لو استمر الارتفاع الى الان كم يوصل سعر المتر 1000 ريال مثلا !!!!


الحاصل ياجماااعة ان هذا اللي صاير تصحيح مثل الاسهم

والشريطيه لقوها فرررررصة ينتظرونها عشان يستغلونها ويشترون من تحت

عموماًً الخير مقبل في عررررريض وصدقوني راح يكون له مستقبل جميل

والخدمات سوف تصل اليه عااجلاا ام اااجلاا

والمسألة شويه صبر وعلى فكررره يمكن هذي المره الثالثة او الرابعة اللي يصير في عريض مثل كذا

وبالتوفيق للجميع ....

اسمحلي أقول خبرتك خانتك هالمــرة ..وإلا كيف تقول بأن المستقبل لعريض وأنت تعلم أن الحاصل مجرد مضاربات وشغل اسهم وناس تشتري للبيع بأعلى ، ولم تسعفك خبرتك بقراءة مستقبل السوق العقاري بمجمله وأنت تعلم المشاريع التي تعمل عليها الدولة وليست في صالح سوق العقار وبالاخص عريض وطقته ..

- تقر بوجود التلاعب وتقول الخير مقبل في عريض !!

[B R O]

اولا اعتذر عن الاطاله ولكن للفائده قمت بنقل هذا الموضوع

قام مجموعة من المسوقين بالاتفاق مع بعض المكاتب الذين لايخافون الله بنشر شائعات في السوق بأن العقار في عريض خاصة سوف ينهار
وقاموا بإرسال رسائل عبر المنتديات والجوالات لعروض وهمية باسعار تنزل عن السوق بواقع 40 %
والهدف التجميع وأن يحصلوا على عروض من المشترين السابقين باسعار رخيصة ومن ثم رفع الأسعار
وعندما تتصل على أحدهم تستفسر عن الرسائل المرسلة يخبرك بأن الأرض بيعت وهو كااااااذب

المخطط الاستراتيجي لمدينة الرياض للمرحلة الثالثة 1433هـ -1437هـ
يشمل طرق دائرية وشرايين رئيسية وكهرباء ومياه وصرف صحي لعريض



اولاً. استراتيجية النقل


http://www.arriyadh.com/ar/cgi-bin/l...egy/index.html


ثانياً. استراتيحية المرافق العامة

http://www.arriyadh.com/ar/cgi-bin/l...ies/index.html



ثالثاً. استراتيجية الإسكان

http://www.arriyadh.com/ar/cgi-bin/l...egy/index.html

رابعاً. استراتيجية الخدمات العامة


http://www.arriyadh.com/ar/cgi-bin/l...egy/index.html


خامسا. مخطط استعمالات الاراضي


http://www.arriyadh.com/ar/cgi-bin/l...use/index.html

سادساً. المراكز الفرعية الخمسة

http://www.ada.gov.sa/ar/cgi-bin/loc...ers/index.html

هذه المعلومات مجهود احد الاخوه في منتدى اخر الله يكتب له الاجر

واللي حاب اقوله كل شي الان اصبح واضح امامك كصاحب ارض او راغب بشراء ارض والقرار لك .. ولكن احذر ممن يدلسون ويكذبون على الناس

نسأل الله ان يرزقنا واياكم من فضله بما فيه خير لنا

[مطلب العلي]

يعني نشري والا نحتري

[mutaiam]

كما سبق ذكره انه من عام 2008 حصل مثل هاللانخفاض واقوى منه 3 الى 4 مرات تقريبا واقواها الي حصلت قبل اقل من سنتين وصل الانخفاض 50% واستمر حوالي شهرين الى ثلاثه قبل ان يعاود الارتفاع بشكل اقوى مما قبل الانخفاض

الي اذكره ارض في 2746 مساحة 625 متر كانت ب70 الف وشريتها ب32 الف منتصف 1431 هجري
وقبل النزول الاخير وصلت تقريبا فوق 200 الف من واقع الاراضي المشابهه لها ولست متابع باستمرار هناك

الخلاصه
ان موضوع النزول يستمر او يعود الارتفاع هذا يبي له ناس واصلين بشكل خاص مع كبار المضاربين والي تحتهم عشرات من الوكلاء الشرعيين الي يقومون بتدوير الاراضي فيما بينهم باسعار متصاعده لسحب البقيه لمستوى الاسعار المرغوب وفي النزول ايضا يحصل العكس

[خالد ناصر]

اولا اعتذر عن الاطاله ولكن للفائده قمت بنقل هذا الموضوع

قام مجموعة من المسوقين بالاتفاق مع بعض المكاتب الذين لايخافون الله بنشر شائعات في السوق بأن العقار في عريض خاصة سوف ينهار
وقاموا بإرسال رسائل عبر المنتديات والجوالات لعروض وهمية باسعار تنزل عن السوق بواقع 40 %
والهدف التجميع وأن يحصلوا على عروض من المشترين السابقين باسعار رخيصة ومن ثم رفع الأسعار
وعندما تتصل على أحدهم تستفسر عن الرسائل المرسلة يخبرك بأن الأرض بيعت وهو كااااااذب

المخطط الاستراتيجي لمدينة الرياض للمرحلة الثالثة 1433هـ -1437هـ
يشمل طرق دائرية وشرايين رئيسية وكهرباء ومياه وصرف صحي لعريض



اولاً. استراتيجية النقل


http://www.arriyadh.com/ar/cgi-bin/l...egy/index.html


ثانياً. استراتيحية المرافق العامة

http://www.arriyadh.com/ar/cgi-bin/l...ies/index.html



ثالثاً. استراتيجية الإسكان

http://www.arriyadh.com/ar/cgi-bin/l...egy/index.html

رابعاً. استراتيجية الخدمات العامة


http://www.arriyadh.com/ar/cgi-bin/l...egy/index.html


خامسا. مخطط استعمالات الاراضي


http://www.arriyadh.com/ar/cgi-bin/l...use/index.html

سادساً. المراكز الفرعية الخمسة

http://www.ada.gov.sa/ar/cgi-bin/loc...ers/index.html

هذه المعلومات مجهود احد الاخوه في منتدى اخر الله يكتب له الاجر

واللي حاب اقوله كل شي الان اصبح واضح امامك كصاحب ارض او راغب بشراء ارض والقرار لك .. ولكن احذر ممن يدلسون ويكذبون على الناس

نسأل الله ان يرزقنا واياكم من فضله بما فيه خير لنا

جزاك الله خير والشكر موصول لصاحب الموضوع

[mutaiam]

نهاية الاسبوع الماضي الاسعار مستقره عند اول نزول حصل لها بما يقارب 25-30%

[mutaiam]

سنتابع معكم اخر تطورات الاسعار هنا خصوصا حراج نهاية الاسبوع

[دعاني^الشوق]

السلام عليكم ورحمة الله بركاته

نصيحه لوجه الله

اخواني اخواتي الافاضل

اتقوا الله وخافو على محاسبتكم لكلامك هذا يجب تحري الدقه و الصدق المكسب الحلال طيب وفيه بركه باذان الله ناس تقول ارتفاع وناس تقول انخفاض هل شريت وبعت بخساره لا تنسب الكلام لغيرك فلان من الناس يحكى بانه شراء بكذا وعرض الان بسعر كذا نزول 20% والمحللون اكبر مطبلين لو صدقو لكان المؤشر في هذا الوقت 30000 نقطه
بس بيع كلام سمي العقار عقاراً لأنه يعقر ( يحفظ ) مالك من الضياع

[mutaiam]

الاسبوع الماضي شهد ثبات للاسعار مع محاولات لانعاشها خصوصا في المخططات القريبه من الاحياء والطرق القائمه
النزول يتروح الان 20-25% حسب مميزات المخطط
بعد ان كان وصل في اول اسبوع للنزول مع الخوف والتسرع الى 30%

[شموخ رجل]

الاسبوع الماضي شهد ثبات للاسعار مع محاولات لانعاشها خصوصا في المخططات القريبه من الاحياء والطرق القائمه
النزول يتروح الان 20-25% حسب مميزات المخطط
بعد ان كان وصل في اول اسبوع للنزول مع الخوف والتسرع الى 30%


كلام شخص متزن ومعقول ويحترام طرحك
أولا احترمت عقلك وثانيا أحترمت عقول القراء
فجزاك الله خير على ساس مايتوهق مسلم وهذا يجب
علينا جميعا النصح بماتمليه علينا عقيتدنا السمحه
وليس مثل الذي لا يهمه إلا نفسه وجيبه الخاص لابدنكون
مسلمين متعاونين ونحب الخير لجميع أخواننا وخواتنا وان لاتغرنا
الدنيا وننسا الاخره مشكور أخوي الله يعطيك العافيه

[أبوعبدالسلام]

الاسبوع الماضي شهد ثبات للاسعار مع محاولات لانعاشها خصوصا في المخططات القريبه من الاحياء والطرق القائمه
النزول يتروح الان 20-25% حسب مميزات المخطط
بعد ان كان وصل في اول اسبوع للنزول مع الخوف والتسرع الى 30%

ما زالت الاسعار ثابتة في الاحياء التي و صلتها الخدمات , و لكن البيع و الشراء متوقف

اما اراضي المضاربات مثل عريض و نمار و المهدية , فقد حصل فيها نزول بسيط

و قد يعقبه نزول اكثر مستقبلا

توقعنا ان يعقب هذا الركود ارتفاع في الاسهم , و لكن الاسهم ما زالت تراوح مكانها

اعتقد ان الاوضاع السياسية لها دور كبير في ركود الاسواق العقاريه و المالية

[سهم ثابت]

النزول عام وليس في عريض فقط

[mutaiam]

توقعنا ان يعقب هذا الركود ارتفاع في الاسهم , و لكن الاسهم ما زالت تراوح مكانها

اعتقد ان الاوضاع السياسية لها دور كبير في ركود الاسواق العقاريه و المالية

الموضوع كتب قبل 3 شهور بالظبط
الان زاد نزول اسعار الاراضي في عريض واراضي المنح وصولا الى 50% في اجزاء منها
والاسهم تواصل ارتفاعها المتوالي من شهرين ووصلت سيولة السوق لمايقارب 17 مليار
بعد ماكانت لاتتجاوز 4 مليار طيلة ال3 سنوات الماضيه

[الاسرار العجيبه]

الموضوع كتب قبل 3 شهور بالظبط
الان زاد نزول اسعار الاراضي في عريض واراضي المنح وصولا الى 50% في اجزاء منها
والاسهم تواصل ارتفاعها المتوالي من شهرين ووصلت سيولة السوق لمايقارب 17 مليار
بعد ماكانت لاتتجاوز 4 مليار طيلة ال3 سنوات الماضيه

والله ياخوي من رمضان وحنا نحذر ونقول اطلعوا لكن فيه ناس مايعجبهم ان نقوم بالتحذير

بل البعض يقول لاتكتب تحذير عن العقار العقار ماهو مثل الاسهم العقار الابن البار والنتيجه

امامكم الان وحسبي الله على اللي علق الناس في العقار ومابعد شفتوا شئ النزول في بدايته

[mutaiam]

الله لايخسر مسلم
واتوقع محد تعلق هناك الا المضاربين فقط
اما الي طالع اسمه بالبنك وحلاله على قده ماراح يغامر ب200 الف في ارض في البر

[حكيم الأسهم]

مهما قلتم ياأخواني ((( الأرض فيها من البركة مايطمئن الواحد عليها بعد الله ))

وجزاكم الله خير ..... والحمدلله أنا مادخلت الأسهم من بعد النزول الكبير ..

[mutaiam]

من متابعة الاسعار ال3 اشهر الاخيره
انتعشت الاسعار قبل شهرين بعد نزولها الحاد قبل 4 اشهر المتوافق مع الطفره السريعه في سوق الاسهم والي انتهت سريعا

ولكن الفتره الاخيره عادت للركود المصاحب لنزول تدريجي بالاسعار

وكمثال ارض قبل طفرة الاسهم القريبه كانت ب90 الف
ورجعت مع الطفره الى 50 الف ريال
انتعشت بعد تصحيح سوق الاسهم قبل شهرين ووصلت 70-75 الف ريال
والان اسعارها حول 60 الف ريال تقريبا

[ابو عبد الرحمن2]

وش آخر أخبار المخطط المنزوع رقم 2702 في عريض

[mutaiam]

والله ماعندي علم عنه اخوي

لكن الي اعرفه ان الاسعار لاتزال في ركوود قاتل من شهرين والتنفيذ ضعيف جدا خصوصا في المخططات البعيده

[mutaiam]

الاسعار لاتزال في ركوود قاتل من شهرين والتنفيذ ضعيف جدا خصوصا في المخططات البعيده

[مبارك.سعد]

حتى المؤشر العقاري لا يمكن الاستدلال به على ارتفاع او انتعاش او اي شي لانه بكل بساطه ناقص جداً

فهو لا يحدد ما اذا كان العقار المنفذ فله أم شقه أم قصر اقصد لا يحدد ماهية العقار ، الجميع ينغش ويحسبه فقط يرصد عمليات بيع وشراء الاراضي وهو بالعكس يشمل جميع العقارات