المواشي....نبيع براس المال أو ننتظر ‍‍‍‍!!!

[أبو فتون]

أخواني... نصيحتكم


أخوكم شاري كميه كبيرة من أسهم المواشي بسعر 37.75 على أمل أنها تتعدى 40 مثل, ماحصل للقصيم.... بس أشوفها رجعت تراوح مكانها بين 37.50 و 37.75

هل أصبر على أمل؟‍‍!!..... أو أتخلص منها و لو بخسارة ربع أو نص?.


تحياتي للجميع

[bremo]

المواشي سهم مضاربه ... ومخاطرنه عاليه ..
واحتمال صعوده مثل احتمال هبوطه ...
لا حظ ان البيتا ( التذبذب) يساوي 1:65 ان لم تخني الذاكره ...
فالقرار لك .. في ظل هذه المعطيات

[العاقل0]

ما الاحظه على المواشي من اسبوع واكثر يدعوني لأقول لك

اصبر ولا تطمع 39.5 زينه

وفقك الله ورعاك

[سهم متفائل]

أنا رأيي إنك تنحاش .. وترى الخسارة فيها كبيرة لصغر السهم في قيمته
..

[الصاروخ]

صحيح الطمع مو زين ، أرض بمكسب ولو بسيط ولاتنتظر المبلغ المذكور 40 .

[الفيصـــــل]

عزيزي ابو فتون
نصيحه من اخوك ماودي من وراها الا الاجر والمثوبه من رب العالمين
نصيحة اخوك لاتبيع بخساره اولا الا ان كنت محتاج فلوسك بامر هام طوارئ علاج دين مستحق واقول الله يبعد عنك وعنا ويسلمنا اجمعين بس في هالحاله لاسمح الله تبيع المبلغ اللى يكفي حاجتك اما انك تبيع وترجع تشتري كثر منها ارجوك اسمع كلامي اليوم بس وصدقنى رح تدعي لي حتى لو اتاخر راس مالك بس مو تطلع خسران وهذا رائ شخصي حبيبي وادعي لي

[أبو فتون]

الله يجزاكم خير جميعاً على ردودكم و تفاعلكم الطيب مع أخوكم... وهذا إن دل على شئ فإنما يدل على معدن أعضاء تداول الأصيل

شكر خاص و حار للأخوين العاقل و الفيصل... و بعد متابعة و تفكير فإني أميل لرأيكما بارك الله فيكم جميعاً

تقبلو تحيات أخوكم أبو فتون

[BADER M H]

نصيحة من اخوك لاتبيع الرجال ضاغط على السهم اليومين
ولارايح تشوف شي بأذن الله يسرك
اخوك مشتري كميااااات 38.5 اصب معي ورايح تشوف
والله اعلم

[العاقل0]

حركة السهم نهاية التداول تبشر بالخير

غدا انشالله

وفقك الله ورعاك

[khlm88]

ان شاء الله بكره فووووووووق

ان شاء الله بكره فووووووووق

فووووووق ان شاء الله بكره

[hamodee3000]

السلام عليكم
انا من احد ملاك المواشي على طول انصحك اخي الكريم لا تبيع السعر اللي انت شريته فيه ممتاز جدا وانا متعود اشوف الهوامير تسحب في السهم لما يكون 34 او 35 او اقل من كذا بصراحه لي اول مره اشوفهم يسحبون وبكميات كبيره في 38 او 37.5 وغيرها وغيرها الشركه اكيد فيها اخبار حلوه وانا اتوقع التخفيض اكيد السهم رايح يشهد مضاربه عنيفه وارتفاع كبير في الايام الجايه خلي السهم عندك ولا تبيعه اذا طلع خبر التخفيض او اي خبر تتوقع انو هو اللي رفع السهم على طول شوته
واتمنى لك التوفيق من كل قلبي

[daloolh1981]

والله انا متعلقه فيها بـــ 43 ريال يعني شي يقهر

وانشالله يوصل لها القيمه وابيع علطول وحتى لو احد قالي انها بكره بـــ 50 والله ما اصبر

[ثابت]

الله كريم

[ابوحمزة]

كاتب الرسالة الأصلية العاقل0
حركة السهم نهاية التداول تبشر بالخير

غدا انشالله

وفقك الله ورعاك

[الــــذيــب]

السعر وصل 39.25 المفروض انك بايع لانه سهم مضاربه..بالنسبه لي انا اضارب فيه بكثره لكن لاتأمنونه وخلكم قنوعين بالربح لو جزء بسيط لانه مثل ماقلت سهم مضاربه فقط واللي مشتري فوق الاربعين وعنده سيوله يشتري من هالاسعار الحاليه ويعدل سعره ويطلع ..وشكرا