المساعد الشخصي الرقمي

مشاهدة النسخة كاملة : في خاطري كلمة


ام الغالي2008
19-07-2010, 08:25 PM
وشلون ماأحبك ولا عدت مغليك
............... وانت الدوا لـ انسان دونك يعاني



و وشلون رحت وكل صوتي يناديك
............... ياهيييه اسمعني ترى العمر فاني



ماقلت لك من قبل ماني مخليك
............... ياكيف تنساني ــ وقلبك نساني ؟



كتبت لك في صدر الايام ... ابغيك
............... وكتبت لي :.. خلاص غيرك خذاني



حتى جدار الصمت لو التفت فيك
............... بكيت من صمته .. وضيق الثواني



عشقت كل لحظات عمرك وماضيك
............... ومعك : عرفت ان الأماني .. أماني



وسويت لك في داخلي شي يرضيك
............... وان كان مايرضيك ؟؟ ... سويت ثاني



نزعت فرحت خاطري .. ليت تكفيك ؟
............... وزرعتها في داخلك .......... ماكفاني



ضحكت لك وآنا من الحزن أسليك
............... وحبست دمعي لجل أقدم حناني



وصديت وقت الضيق .. مابيك مابيك
............... تشوفني أضحك .. وأنا اللي أعاني



ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني



قد قلت له : مقدر أفارق وأحاتيك
............... وقد قلت له : هـ البعد ياما كواني



لكن حسافه كل صوتــ (ن) يطريك
............... ياما معا نفسي ذكرتك .... أغاني



بـ ايديك كل اللي حصل اييه بـ ايديك
............... بديت احسك شي ... خااارج زماني



ودامك زرعت انسان غيري بـ أراضيك
............... فـ أنا ماحب يكون غيري ..... مكاني



بـ تغيب ؟ غيب ولكن اسمع محاكيك
............... قبل السفن تنوي بــــــ هجر المواني



في خاطري كلمة < ويمكن > تبكيك
............... ابيك تسمعها / . دقايق عشاني



لو الزمن يعطيك - ماهوب معطيك
............... شخص يحطك بين عوج المحاني !!





..مما راق لي..

سعد السالم
19-07-2010, 10:53 PM
قصيده مليئه بالايثار الصادق للحب الحقيقي
شكرا لك يام الغالي

ذوووق
21-07-2010, 04:45 AM
لو الزمن يعطيك ماهوب معطيك
شخص يحطك بين عوج المحاني






همسات ونبضات وحروف دافئة


http://dc03.arabsh.com/i/01749/d27xeu0hxjdn.gif (http://arabsh.com/d27xeu0hxjdn.html)

ام الغالي2008
24-07-2010, 12:07 AM
قصيده مليئه بالايثار الصادق للحب الحقيقي
شكرا لك يام الغالي




الاخ الفاضل /سعد السالم

كل الشكر لكـ ولهذا المرور الجميل
الله يعطيكـ العافيه يارب
تقبل تحياتي

ام الغالي2008
24-07-2010, 12:11 AM
همسات ونبضات وحروف دافئة


http://dc03.arabsh.com/i/01749/d27xeu0hxjdn.gif (http://arabsh.com/d27xeu0hxjdn.html)



الاخ الفاضل / ذوووق

اسعد الله قلبكـ وامتعه بالخير دوماً

أسعدني كثيرا مرورك وتعطيركـ هذه الصفحه