المساعد الشخصي الرقمي

مشاهدة النسخة كاملة : ياااااافهد

هترل
20-10-2009, 04:17 AM
بسم الله الرحمن الرحيم

القصيده هذي .. كتبتها للاخ مغلي الجميع .. فهد88 .. وهو يستاهل ... الله يوفقه
في محاوره بيني وبينه في استراحه المساهمين .. كان يشكي لي .. واشكي له
وطلعت هذي الابيات .. ان شاء الله تعجبكم




ذكرتني بشيٍ ... نسيته زمـــــــــــاني
همٍ دفنته بالجــــــــــــــــروح العميقه

الــعين تذرف دمعهـــــــــــا ياخواني
والقلب يرجي شوفها لو دقيقـــــــــه

الغايب الي مـــــــــــــاله اليوم ثاني
عيت عيوني تشوف غيـــره واطيقه

يــــــــــــافهد لا تنشد وش الي بلاني
غـــــــروٍ صغير السن يسلك طريقه

عطشان جيته مــــــوت ولما سقاني
حلفت ماشرب غيـــــر من بعد ريقه

واليوم انــــــــــا يافهد همك شقاني
اشعلت لــــه قابوس فكري حريقـه

لو هو بيدي قلت لك خذ مكــــــــاني
وعطني جروحك ترى روحك رقيقه

ذكرتني بشيٍ نسيته زمــــــــــــاني
همٍ دفنته بلجـــــــــــــروح العميقه


هترل
wolfe
20-10-2009, 04:31 AM
صح لسانك...

قصيدة جزلة أخوي هترل.. وفهد يستاهل

والله يوفقك ويسمح أمرك
راكان``
20-10-2009, 11:23 AM
صح الله لسانك اخوي هترل ... دمت مبدع بهذه القصيدة الرائعة
صديقي ابوبدر يستاهل كل خير
هترل
21-10-2009, 02:26 AM
صح لسانك...

قصيدة جزلة أخوي هترل.. وفهد يستاهل

والله يوفقك ويسمح أمرك

بسم الله الرحمن الرحيم


صح بدنك اخوي ..ولفي

تسلم يالغالي .. بارك الله فيك .. وفهد يستاهل وانت بعد تستاهل الله يوفقنا ويوفقك
اسعدني مرورك الكريم ..


من يوم فرقانا الى يومنا اليوم
ما فات يوم الا وهي مشغلتني

اليا غفيت اشوفها في حلا النوم
وليا صحيت بكل الاحلام جتني

عشقتها من كل قلب ميس ومحروم
وتركتها يوم انها عاندتني

نارٍ تشب بداخل القلب بسموم
حاولت اطفي ضوها واحرقتني

دنيا ثقيله كلها هموم بهموم
كني حملت جبالها فوق متني


الابيات للشاعر / حامد زيد

تحياتي لك ،،
هترل
21-10-2009, 02:49 AM
صح الله لسانك اخوي هترل ... دمت مبدع بهذه القصيدة الرائعة
صديقي ابوبدر يستاهل كل خير


بسم الله الرحمن الرحيم

صح الله بدنك اخوي .. راكان

الرائع حضورك وتشريفك للموضوع .. تسلم وبارك الله فيك
وابو بدر يستاهل وانت تستاهل اكثر ... الله يوفقك

وهذي بيتين متواضعه جت على بالي ... اذا لها نصيب وكملت القصيده ابشربها كامله


افرح بطاريك.. كيف شوفك
والقلب يغليك يامبعد هناك

الله يجازيك وش هي ضروفك
علمني يازين وقلي وش جاك

تبعد ونا ابغيك مامل شوفك
لو بعت نشريك والروح تفداك

علقتني فيك مقدر اعوفك
واشغلتني في طله محياك

تحياتي لك ،،

هترل
هترل
24-10-2009, 04:08 AM
بسم الله الرحمن الرحيم



افــــــرح بطاريك .. كيـــف شــــــــــوفك
والقلب يغليك .. وانت مبعد هنـــــــــــاك

الله يجازيك .. وش هــــــــي ظروفــــك
علمني يـــــــازين وقلي وش جـــــــاك

تبعد ونـــــــا ابغيك .. مامـل شوفــــك
لــو .. بعت .. نشريك.. والروح تفداك

علقتني فيك .. مقـــــــــــــــدر اعوفك
واشغلتني .. في طله محيــــــــــــــاك

تزعل واراضيك محــــــــــلا وصوفك
مثل القمر .. لا .. بانت ثنايــــــــــــاك

تهجرني واجيك اتبــــــــــــــع طيوفك
محلا وصالك .. ويــا .. مر .. فرقاك

يــــــــــــازين مغليك .. يكتب حروفك
مابين قوسين احبـــــــــــــك واهواك

تعبت اداريـــــــــــك واخفي صروفك
ملت عيوني وهي ترجي لقــــــــــاك

ودي احــــــــــــاكيك..والمس كفوك
ولا جيت اوريك جروحي الي تخفاك

ان كــــــــــــان يمديك..بطل عزوفك
مديت لك يدي هـــــــــــــــــات يمناك

هترل
صندوق التوازن
03-12-2009, 03:21 PM
الله يعطيك العافيه.......
هترل
15-12-2009, 07:39 PM
الله يعافيك اخوي

شكرا لمرورك الكريم

كن بخير ،،
سالم فرج
16-12-2009, 10:35 AM
صح لسانك .................
هترل
16-12-2009, 11:16 PM
صحت ابدانكم .. لاهنت اخوي

شكرا لمرورك الكريم