المساعد الشخصي الرقمي

مشاهدة النسخة كاملة : الذكرى ...


راكان``
21-05-2009, 02:33 AM
.
.
في غير الزمان
في نفس المكان

مرتني الذكرى وأنا واقف
في نفس المكان في غير الزمان
في ذا ضحكت أيّام لكنّي بكيت
في ذا حلمت أحلام لكنّي صحيت
منها أبتديت
وفيها أنتهيت
إلا من الذكرى
في نفس المكان في غير الزمان

قالت لي الذكرى كلام عنّي
كلام واللّه بغيت أنساهـ ..
وصاحت ربابة شوق وأثر النّغم مني
يشكي وأنا شكواهـ
وغنّى صوت في ليلة فرح
وهلـّت عين وقلب أنجرح
في صوتها جرح وتعب
وفي عينها نظرة عتب
وشفت إبتسامه عليها هلّت الدمّعه
ونظرة ملامه من الماضي على ربّعه
وأنا مع الذكرى
في نفس المكان في غير الزمان

تعطيني الذكرى ولا تاخذ أبدْ
تحكي لي الذكرى ولا تسّمع لـ..أحدْ
وأنا عندي كلام ممنوع حتى عن الخاطر
لا ياخذهـ أمْسي ولا يقبلـه باكر
ما أقدر أوضّح غايمْ الصورهـ
ولا أزوّد للمسا نُورهـ

اللّه يا ذكرى ياما فهمتيني خطا ..؟
ياما قدم رجلي علَى جمرك وطا
واليوم هيّضني هواي
أشكي ولا أدري وشْ بلاي
هو من شقاي الّلي مضى وإلا هناي
وأنا مع الذكرى
في نفس المكان في غير الزمان ..!!

.
.


[line]
[line]
[line]

زيــنــه
22-05-2009, 03:03 AM
الوعد

أنتظرت أزمان في ظل الوعد

احسب الخفقات يا أغلى وعد

انتظرت و الظاهر انك يا وعد ما جيت

عيّا عليك الوقت و إلا يا وعد عيّيت

انتظرت لكن النجمة سرت

والقمر راحوا أصحاب السمر

ونسمة وفا مرّت

ولفّت مكان الوعد ضمّت

تعتذر

وانتظر

انتظرت أزمان في ظل الوعد

ما احسب يجيني يوم أكذب إحساسي

وإلاأقول طوّلت يا قاسي

سقى الله أمسي العاشق

ونورك في السما شارق

تعاطينا المحبة شوق

تساقينا هوانا ذوق

نقول لليل لا ترحل

ترى الباقي معك أجمل

سرينا و الوعد باكر

حضرت و لا حضر باكر

انتظرت أزمان في ظل الوعد

الله يا هو الوعد ظالم

إذا جيته و لا جاني

وأنا ما أظن ينساني

ويتركني لأشجاني

دعاني بالأمل لكن مسّح قدّامي دروبي

و لا أدري شي أو لا شي

أغني فيه مسحوبي

تأكد يا وعد وإلا

ترى لى جيت باتغلّى

وبتأخر و لو لحظة

وأجيك أسابق اللحظة

و لاأغمض و لا غمضة

تفوّت من سناك ومضة

انتظرت أزمان في ظل الوعد

major
22-05-2009, 11:29 AM
مشكورين ياراكان وزينه

واعتقد أن القصيدة الأولى ( مغناة ) إن لم أكن مخطئ

راكان``
12-06-2009, 10:30 PM
ما احسب يجيني يوم أكذب إحساسي

وإلاأقول طوّلت يا قاسي

زينــــــــــة

ردودك تدل على عمق تفكيرك وأصالة قلمك
صدقيني تتركين بصماتك لتعطي المواضيع قيمة

الله يحفظك

راكان``
12-06-2009, 10:32 PM
مشكورين ياراكان وزينه

واعتقد أن القصيدة الأولى ( مغناة ) إن لم أكن مخطئ

شكرا على مرورك شرفتنا يالغالي

صندوق التوازن
03-12-2009, 02:32 PM
الله يعطيك العافيه.......

المستشارة_777
01-02-2010, 04:26 AM
من اروع ماقرات لخالد الفيصل ... سلمت اناملك ..

خطوات أنثى
23-11-2013, 09:23 PM
http://www.youtube.com/watch?v=5GFjwdD49xc

الـريـس
02-12-2013, 12:41 AM
https://www.youtube.com/watch?v=cmSuWpRYkWo