المساعد الشخصي الرقمي

مشاهدة النسخة كاملة : الشغل والمرجله


الــــذيــب
26-03-2009, 12:46 AM
يقهرني اللـي فـي شبابـه مايفيـد ولا يثيـب

اللي علـوم المرجلـه مايربطـه معهـا صلـه



اللي لا جيته تنصحه يضرب على نصحك صليب

ويقول ياشيـخ استـرح مالـي ومـال البهذلـه



ويعجبني اللي في شبابه يتعـب وتقـول ذيـب

اللي ليا منّه تعب يتعـب مـن اجـل المرجلـه


والمرجله ماهي بسهلـه دربهـا دربٍ صعيـب

واللاّش يجهل دربها وامّـا الكفـو مـا يجهلـه


ومن لا جمعها في شبابه ماجمعها فـى المشيـب

ورجّـلٍ بليّـا مرجلـه مالـه مكـان ومنزلـه


ماهو غريب الرجْل يعمل لكن الشـي الغريـب

شخصٍ تعدّى عمـره العشريـن ويخسّـر اهلـه


هذاك في قلبه مـرض لكـن جعلـه مايطيـب

لا صار ماينفـع اهلـه ولا يجيـب النفـع لـه


يخسى ترى ماهو رجل أقولهـا وانـا مصيـب

ويقلـون قـولٍ تستحـي يالآدمـي منـه قلـه


أقولهـا ولا استحـي لا مـن بعيـد ولا قريـب

واللّي زعل من كلمتي ما همّنـي هـو وزْعلـه


اللي ماينفع فى الزمن ودّك عن عيونـك يغيـب

ياليت يوجـد لـه قطـع غيـار لجـل انبدّلـه


والمشكله هو كيف عايش يا عجايب يا عجيـب

ما حقّـه ألاّ مـن يفجّـر فـوق راسـه قنبلـه


يقهرْك يوم تعاتبه ويقول انا مـن ويـن اجيـب

عاطل وما حصّلْتلي عمل علـى شـان أعملـه


ياخي ماهو لازم تصير استاذ أو تصبح طبيـب

الشغْـل واجـد ومتوفّـر ميـر عقلـك شغْلـه


أي شغله واشتغل ترى الشغل ماهو بعيـب

العيـب يـوم انّـك كـذا لاشغـل ولا مشغلـه


إليا متى وابوك شايل حملك اصحـى يالحبيـب

ربّاك واليومه رجل والحمْل عن ضهـره شلـه


إليا متى همّـك بقلبـه يشتعـل مثـل اللهيـب

ربّاك لجل تساعـده واصبحـت عنـده مشكلـه


أقل حاجه سد نفسـك لا متـى وانتـه عطيـب

رجّال طول وعرض فوق الارض عايش مهزله


أنا معك إن الحيـاه أرزاق وحظـوظ ونصيـب

لكن سـوّ اللـي عليـك وكـل مجهـود ابذلـه


خلّك على الله متّكل أمـر الحيـاه أمـرٍ تعيـب

واجبك لا تقعد عنـه واللـي علـى الله ازهلـه


إليا تقفّل باب غيـره بـاب واصبـر ماتخيـب

واعلم بـأن أبـواب ربّـك دوم ماهـي مقفلـه


اغنم شبابك قبل شيبك بكـره اتشيـب وتعيـب

وما انته بفايد تال عمْـرك كـان مافـدت أوّلـه

outlook
27-03-2009, 05:07 AM
إذا المراجـل لبسـة شمـاغ وعقـال *****قـل للـعـذارى يلبـسـنّ العمـايـم

ما عاد يفـرق زول حرمـه ورجـال***** دام الفعايـل تشبـه البـعـض دايــم

المرجلـه مـا هيـب كلمـه وتنقـال *****وتروح مـا راحـت هبـوب النسايـم

وإلا خشونة صوت أو رفـع الأثقـال *****أو رزة صــدور وفـعـل الـزلايـم

ولا هي بعد مفتـاح موتـر وجـوال***** وإلا ردى لسـانـن حديـثـه شتـايـم

المرجله شيمـه عـن القيـل والقـال***** رفيع نفـس (ن ) حـر بالجـو حايـم

المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم

يا مسندي لو مايل الوقـت بـي مـال***** يـا ولـد أبويـه يـا عظيـم العزايـم

يا معرب الجدين مـن العـم والخـال *****يـا نخـوة المفـزوع وقـت الهزايـم

المرجله يا خوي هـي طولـة البـال***** هـي العـزم هـي الصبـر فالظلايـم

فيهـا الكـرم عـزه دلـه وفنـجـال***** فيها الكرامه عـن ردى الطبـع شايـم

والدين لامنـه خـذا القلـب منـزال *****مشـى طريـق الحـق وابليـس نايـم

ومن لا عرف ربه في طيـب الحـال *****لابـد وقـت الضيـق بالـهـم هـايـم

حتى صلاتك مع جماعـات ورجـال *****في خيرهـا يـا خـوي نعـم الغنايـم

ولامن نصف ليلك قـم صفـي البـال***** يا عظـم أجـرك بيـن ساجـد وقايـم

ولا من رفع ربي لـه كـل الأعمـال *****حسـن الذكـر لا قالـو فـلان صايـم

وخلك شريف القصد يا طيـب الفـال *****سـوء المقاصـد فالبـيـوت الهـدايـم

واحذر تبيع النفس فـي دب الأنـذال***** وتتبـع خـوي إبليـس راع النمـايـم

النفـس خيـل لـك إذا كنـت خيّـال *****ومـن لا قـوى نفسـه قوتـه الهزايـم

ولا صرت ما تدري لو يش أنت رجال***** والله خسـارة فيـك ذبــح التمـايـم

outlook
27-03-2009, 05:13 AM
ماكل من خط شنبه قيـل رجـال ************** ولا كل من شاف المراجل ندبهـا
ولاكل من ركب الفرس قيل خيال ************ ولاكل من شاف الاصايل ركبهـا
ترى الرجال انواع وامثال واشكال ********** فيهم كريم الساس يشرف نسبهـا
وفيهم رجال ن تنقل القيل والقـال *********** تشعل مابين الناس نار بحطبهـا
وفيهم حكيم الراي للنـاس حـلال *********** يحل المشاكل مايجي فـي نشبهـا
وفيهم خسيس ورفقته دايم انـذال ********** يحب المشاكل دايمن هـو سببهـا
يقوله اللي معرب الجـد والخـال ************ من نسل زعب " ويل منهو قربها

مضارب وهارب
06-04-2009, 08:51 PM
المراجل ماتهيا السويا .... كود من عض النواجد في سنونه :604:
ومدري وين راح ينحاها القصيده اطول من ذلك


وصح لسانك يالذيب على الموضوع السنع

faissssal
07-04-2009, 08:23 PM
محمد بن شلاح ...

يا نمر لو المرجله سـدو مسـدوح
كـل نقزهـا حـر ولا بــرادي
لكنها من دونهـا المـر مطـروح
وارض تبي من بذر فعلك سمـادي
رجال تقصيره مع الناس مسمـوح
لا حيث ماله في القديمـة شـدادي
ورجال تقصيره مع الناس مفضوح
وكل يقول النـار تخـر الرمـادي










رشيد الزلامي



الله عطانا نظـر وشعـور حساسـه

ناخذ علوم المعرفه مـن مراجعهـا.

ونساير الوقـت ونقيسـه بمقياسـه

ونواجه النفـس بالواقـع ونقنعهـا.

وترى حياة الفتي مهما قـوى باسـه

محفوفة بالخطـر والمـوت تابعهـا.

من مبتدأ العمر حتى يلفـظ انفاسـه

يمر فـي مرحلـة تكثـر زوابعهـا.

أول حياة الفتـى مشـوار وعساسـه

مسافة في عجـاج العمـر يقطعهـا.

وثاني حياة الفتـى تدريـب ودراسـه

تصعب ظروف الحياة وينشغل معهـا.

وثالث حياة الفتى يرجع على ساسـه

النقطـه اللـي بـدأ منهـا يراجعهـا

يرجع لسن الهرم ويضيـع الطاسـه

ويزحف مع الأرض ويخطط شوارعها.

واليا تلاقت متونـه وارتخـى راسـه

ضاعت جميع العلوم اللـي مجمعهـا



.

اشراقة قلم
17-04-2009, 02:37 AM
إليا تقفّل باب غيـره بـاب واصبـر ماتخيـب=واعلم بـأن أبـواب ربّـك دوم ماهـي مقفلـه


اغنم شبابك قبل شيبك بكـره اتشيـب وتعيـب=وما انته بفايد تال عمْـرك كـان مافـدت أوّلـه

http://www7.0zz0.com/2008/04/15/14/930940522.gif

i1ابونوفi1
04-05-2009, 10:07 AM
رائع في كل شيء مشكور

rdad55
06-05-2009, 01:32 PM
الشغل ...... عبادة
صح لسان الشاعر والناقل

Rradp
29-10-2009, 05:03 AM
أي شغله [/COLOR]واشتغل ترى الشغل ماهو بعيـب

العيـب يـوم انّـك كـذا لاشغـل ولا مشغلـه




عندي اعتراض على هذا البيت

Rradp
13-11-2009, 06:12 PM
ودنـا بـالـطـيـب مـيـر الـطـيـب كـايـد =يـتـعـب الـرجـال مـاحـقـق طـمـوحـه

فـي زمـان بـيـن نـقـص وبـيـن زايــد =الــمـوارد شـح والأنـفـس شـحـوحــه

كــم نـجــيـب وكـم غــدا مـنـا فــوايـد =يـوم بعض النـاس دوبـه دوب روحـه

واحد(ن) مـالـه عـلـى الـطالـه عوايـد =أدقـم الـمــخــلاب قـاصـرةٍ شــبـوحـه

مـشـتـقـا فـالـمـرجـلـه عـنـهـا محـايـد =والرجـال الطـيـب بـيـديـهـا تـكـوحــه

قـالـهـا الـلـي مـونـس(ن) نـار الوقايد =يــجــتـلـد والـنـفـس للـعـلـيـا شـفوحـه



عبدالله صالح الحبردي

صندوق التوازن
03-12-2009, 03:28 PM
بارك الله في الجميع.......

shapa-1
25-12-2009, 12:20 AM
يعجبني الي في شبابه يتعب تقول ذيب --------الي ليامنه تعب يتعب من اجل المرجله
والمرجله ماهي بسهله دربها درب صعيب ---- ولاشي يجهل دربها وماالكفوا مايجهله
ماهو غريب الرجل يعمل لكن الشي الغريب ---- شخص تعدى عمره العشرين ويخسر هله

الى متى ابوك شايل همك اصحى يالحبيب ---- رباك واليوم رجل والحمل عن ظهره شله
الي ماينفع في ذاالزمن ودك عن عيونك يغيب --- ياليت يوجدله قطع غيار عشان نبدله

ماشا الله عليك مبدع يــــــــــــــاالذيـــــــــــــــــــــــــب

كما اودالتضامن مع صاحب الرد رقــــــــــ4ــــــــــــــم لتكملت بعض
الابيات التي اوردها في رده فاليسمحلي مشكور
ياجماعت خير مافيكم حميــــــــــا ----------- كيف صياح الضحى ماتسمعونه
المراجل ماتجينا هسويــــــــــــــــا ------------ كود من طب البحر وحزم ردونه

وهي اطول من ذالك


وسمعت انها للشاعر زيد بن غيام المطيري

سعيـــــد
07-01-2010, 03:08 PM
صح لسانك وسلم بنانك اخي الذيب
قصيده تنطبق على كثير في وقتنا هذا

وليد فارس
10-01-2010, 07:10 AM
يـعـطـيـك الـعـافـيـة