قصائد خالد الفيصل **دايم السيف**

[outlook]

قصيدة ياغالي الأثمان



http://img468.imageshack.us/img468/2235/18881195hr0.jpg




يا غالي الاثمان غلّوك بالحيل
من يوم سمّو بك جميل المحيّا

شخصٍ تمنيته على العدل و الميل
و الحمد لله يوم خلّي تهيّا

اشبهه بالّلي عسيفٍ من الخيل
تلعب وانا حبل الرّسَن في يديّا

أورق غرامه مثل غرسٍ على سيل
مشهاة قلبي يوم جالي شهيّا

أعن له عنَّة هَل الكيف للهيل
ما ذاق راعي الكيف انا ذقته هنيّا

حبَّه سرَى بي سرية الغيم بالليل
نسيم ليله قال للشوق هيّا

[outlook]

قصيدة الظنون الثايرة



http://img256.imageshack.us/img256/4503/untitled6uj4.png




استريحي يالظنون الثايرة
لا تشبين الحرايق بالخضر

دام الافلاك بسماها سايرة
كل مطلع شمس له علم وخبر

يستقيم الخط وإلا دايرة
الله اعلم وش مع طيف القدر

العفو ماهي بعيني حايرة
حيرتي بالفكر ماهي بالنظر

وروحي اللي في فلكها طايرة
مالها لو حولت عندي مقر

يوم زادت بالثراء عثايرة
حلقت والجو محفوف الخطر

بعض تلات الخوافق جايرة
والذي قد جرب التلة عذر

التوا قلبي على سرايرة
والهواء فضاح مكنون البشر

لو بغيت اجحد تبين فايرة
له حريق وله شعاع وله شرر

والغزالة في فلاها دايرة
الله اكبر قد لها فوق الشهر

من يبشرني وله بشايرة
السماء ونجومها بشارة قمر

قالها اللي فتحت بصايرة
شاف واستعبر وعبر واعتبر

[rdad55]

والله اني اشك في هذا الرجل
مع احترامي له

[زيــنــه]

أسابق السَّاعه و تسبقنـي السَّاعـه
تقضي و أنا توَّنـي بـأوَّل ثوانيهـا

أبشتري وقت وين أسـواق بيَّاعـه
يالَّلي تبيع الدَّقايق حِـد و اشريهـا

قلبي يبي وقت لو الوقت ما طاعـه
و عيني تبي شمس لو الشَّمس تعميها

و نفسي مِثل باقي الأجواد طمَّاعـه
أبي أجدَّد علـى الفرحـه لياليهـا

لاشك الايَّـام للفرحـات منَّاعـه
لو نوَّرت ليلـةٍ عشريـن تطفيهـا

يظهر ثبات الفتى والنَّفس مرتاعـه
خوفٍ على الَّلي نحبَّه مِن بلاويهـا

لو إن كِـلٍ ينـال منـاه بذراعـه
خذيت حقَّي من أقصـاه و دانيهـا

المشكل إنِّك يابـو لحظيـن بتَّاعـه
تاخذ سِلاحي من الكفَّين و أعطيها

و أنا أدري إن العيون السَّود خدَّاعه
لا شك ودَّي أصدَّق مِنك داعيهـا

و المهتوي لى أهتوى ما يطوي شراعه
يمشي على النَّار كِنَّه ما وطى فيهـا

[زيــنــه]

ساري وأصوِّت لَك أبيك
النَّظره في عيوني تبيك
والرَّعشه في قلبي تبيك

* * * * * *
شعوري ذا الَّليله غريب
كيف الحبيب يشكي حبيب
أنا ملكتك وأنا فقدتك
ليتني لمَّا عرفتك ماتركتك

* * * * * *
لمَّا عيوني عانقوك
في غمضه وحده ضيَّعوك
أسأل زماني والمكان
وأجمع سواليف الحنان
أنا ملكتك وأنا فقدتك
ليتني لمَّا عرفتك ماتركتك

* * * * * *
قلبي وليلي به سرى
والِّلي جرى لي ماجرى
أمشي وأدوِّر في الوجوه
تايه عيونك توَّهوه

[زيــنــه]

قالت من انت وقلت مجموعة انسان

من كل ضد وضد تلقين فيني


فيني نهار وليل وافراح واحزان

اضحك ودمعي حاير وسط عيني



فيني بداية وقت ونهاية أزمان

اشتاق باكر واعطي أمسي حنيني



واسقي قلوب الناس عشق وضميان

واهدي حيارى الدرب واحتار ويني



واحاوم طيور السما حوم نشوان

واسيل الوديان دمعي حزيني



في عيني اليمنى من الورد بستان

وفي عيني اليسرى عجاج السنيني



تهزمني النجلا وانا ند فرسان

واخفي طعوني والمحبة تبيني



ان ما عرفتيني فلاني بزعلان

حتى انا تراني احترت فيني

[زيــنــه]

ليه اذا حبيتك أكثر زدت قــسوه
وان دريت بحاجتي لـك .. زدت جفـوه

وان عطيتـك مـن حياتـي ماتريـده
ماكفـاك وتحسـب ان الحـب نــزوه

والله اني يا أحـب النـاس.. أحبـك
والله ان الـروح لـو ترضيـك.. فـدوة

والله اني تـارك غيـرك .. وجيتـك
مزعـل الزعـلان والـعـذال عـنـوه

كل دقـة قلـب فينـي لـك قصيـده
تكفـي الدنيـا مـع الاحبـاب غـنـوه

وكـل هاجـس مايجيـب ألا خيالـك
سلوتي بالعمر .. فـي صحـوه وغفـوه

اجمع احساسـي واشواقـي واجيلـك
والبس ثياب الهـوى والعشـق كسـوه

وانتقـي مـن سواليفـي حسنـهـا
والقصايـد مـن غزلهـا كـل حــروه

وأنثر العبـرات والضحكـات عنـدك
واقـول انـي احـق النـاس فـضـوه

ادري انـي عـادي مافيـه مـيـزه
وادري انـي كـادح ماحـاش كــروه

وادري اني في خريف العمر ماضـي
مابقـي بينـي وبيـن القبـر خـطـوه

لكن انـي صـادق فـي مـا اقولـه
واطلب مـن الله عـن الـزلات عفـوه

[بسـمـه]

تسلم .. يدينك ..

[صندوق التوازن]

الله يعطيك العافيه.......