مشروع أستراحة عزاب ...كم التكاليف؟؟؟

[koogak]

السلام عليكم ورحمة الله وبركاته

أخواني عندي أرض مساحتها 675م(العرض27 العمق 25)

وودي أقسمها لثلاث استراحات وأجرها أستراحة عزاب(كل إستراحة 9×25)

سؤال قبل كل شيء هل هالمشروع مجدي ؟؟

الشيء الثاني كم راح تكلفني

يعني تقريبا في بالي الحين تكون الاستراحة مكونه من:

1- مجلس (4×7)

2- مطبخ (3×3)

3- دورة مياة( تكرمون) (2×2)

4- دكة (3×4)

(ياليت اذا احد عنده ملاحظة على اللي ذكرت ينورني فيها)



**أنا ناوي اسور الارض تسوير عادي أعمدة أسمنتيه (صبه)

كم تقريبا تكلف مع التليص من داخل وواجهة الاستراحة؟؟



** ابي القواطع اللي بين الاستراحات (قاطعين) يكون بلك واعمدة حديد (ليس صبه) ليسهل إزالته

كم راح يكلفني تقريبا مع التلييص من الجهتين لكل قاطع مع ملاحظة أن طول كل قاطع 25م



** بالنسبة للملاحق بعد هي ماراح احطها صبه راح تكون بلك مصفوف وأعمدة حديد مكان الصبات

والسقف (شينكو) أو هينقر المستخدم في المظلات مع وضع عازل حراري وتغطيته من الداخل بسقف مستعار.



هذي اللي في بالي اسويه

فياليت تساعدوني كم راح تقريبا تكلف

اي شيء يحتاج اني اذكرة ولا ذكرته ياليت تقولون لي عشان توضح الصورة

اي ملاحظة او خطاء انا راح اسويه برضوه ياليت تعلموني

شاكر ومقدر لك من دخل على موضوعي

وجزاء الله خيراً لكل من ساعدني

شكراً لكم

[koogak]

وينكم ياربع مازلت انتظركم

[البزنس]

أخي كوجاك تستطيع تقسم أرضك إلى قطعتين فقط لأن من شروط التقسيم أن يكون أقل عرض للقطعة هو 12 متر

وتراك نسيت تضيف قيمة حفر الخزان والبيارة (أكرمكم الله) ونصيحة لك أنك تضع السقوف من القرميد الاحمر وليس الشينكو لأن شكله أحلى مع أنه بيكلفك ضعف تكلفة الشينكو

بالنسبة للتكلفة أحضر عدة مقاولين وانظر كم يأخذون على متر للسور ودعهم يعطونك آرائهم بشأن الصبات والبلك وطريقة التسوير الغير مكلفة

ولا تنسى تحسب قيمة الكهرب بالإضافة للفسح ستحصل على فسح للتسوير لأن فسح الاستراحات موقف

[koogak]

أخوي البزنس
مشكور على ملاحظاتك
ومازلت انتظر باقي الاعضاء