الي ساكن في بيت أجار يدخل ويشارك

[عقرقوف]

كل واحد يخبرنا عن خطته من ناحية السكن بالنسبه لي شخصيآ استبعد فكرة المسكن المُلك مؤقتاً نتيجة الغلا المتنامي بشكل رهيب
في أسعارالأراضي والحديد وموادالبناء

[اليوبي2005]

الواحد يحلم في بيت ملك واعتقد انة حلم اي شخص لكن نقدم منح ماتجي واذا جاتك منحة بعد 15 سنة واذاهي خارج النطاق العمراني والغلا هذا يادوب الواحد يلحق على المصاريف

[عزي007]

البيت في الجنة ان شاء الله اما الدنيا انسى الا بأذن الله
تحياتي لاحلامكم قال بيت ملك قال

[ابوزيد1250]

أنصح بالإكثارمن الإستغفار وسيرزقكم الكريم الرزاق إن عاجلا أو آجلا .

[faissssal]

عقرقوب.. شكراً لك لطرح هكذا موضوع

وأليك خطتي بارك الله فيك ..

فكرة بيت ملك في الرياض نسيتها من سنتين تقريباً ...الخطة البديلة باذن الله تعالى

سانتظر التقاعد بفارغ الصبر.. ولم يتبقى سوى سنوات قليلة ان الله امهلنا

بعد التقاعد ابجمع مامعي من قريشات واخذ عفشي وابرحل لاحدى المحافظات

القريبة من الرياض .. الخرج مثلاً أو المجمعة أو القصيم ونعم والله بالقصيم

وهناك ان شاء الله قيمة أرض في الرياض .. راح تجيب لي بيت محترم

واريح راسي وناخوك وارتاح ... وش أبغا بالرياض وزحمتها ..

زحمة بشر وزحمة حديد .. وجو ملوث وغبار .. وكل سنة تزيد زحمة البشرية

والمستشفيات اللهم ياكافي زحمة وضغط ع المواعيد بشكل رهيب مدري وش السبب

وانا الحمدلله ماعندي مصالح ولا أعمال بالرياض ولا شيء

وسلامتك .......

[عقرقوف]

انا صار لي 15سنه احلم في بيت ملك مليت من الأجار أوغرابيله الله يرزق الجميع

[ابو فـــــراس]

((قل استغفروا الله يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا))

[TEA TIME]

عقرقوب.. شكراً لك لطرح هكذا موضوع

وأليك خطتي بارك الله فيك ..

فكرة بيت ملك في الرياض نسيتها من سنتين تقريباً ...الخطة البديلة باذن الله تعالى

سانتظر التقاعد بفارغ الصبر.. ولم يتبقى سوى سنوات قليلة ان الله امهلنا

بعد التقاعد ابجمع مامعي من قريشات واخذ عفشي وابرحل لاحدى المحافظات

القريبة من الرياض .. الخرج مثلاً أو المجمعة أو القصيم ونعم والله بالقصيم

وهناك ان شاء الله قيمة أرض في الرياض .. راح تجيب لي بيت محترم

واريح راسي وناخوك وارتاح ... وش أبغا بالرياض وزحمتها ..

زحمة بشر وزحمة حديد .. وجو ملوث وغبار .. وكل سنة تزيد زحمة البشرية

والمستشفيات اللهم ياكافي زحمة وضغط ع المواعيد بشكل رهيب مدري وش السبب

وانا الحمدلله ماعندي مصالح ولا أعمال بالرياض ولا شيء

وسلامتك .......

عجبني كلامك
تفكيرك عملي ما شاء الله

[ابوزيد1250]

الأخ ( أبوفراس ) أرجوالتأكد من الآية بارك الله فيك .

[اساطير]

وش اخبار مشروع مساكن

[الوقار]

((قل استغفروا الله يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا))

فقلت استغفروا ربكم إنه كان غفارا ، يرسل السماء عليكم مدرارا ويمددكم بأموال وبنين ... الآية

بالنسببة للملك عسى الله ييسر ويرزق الجميع ..

[عقرقوف]

faissssal



الأخ faissssal عجبني كلامك بس المشكله اني انا من القصيم الظاهر اني ابهاجر للواق واق

[faissssal]

الأخ faissssal عجبني كلامك بس المشكله اني انا من القصيم الظاهر اني ابهاجر للواق واق

هههههههههههههههه
أين هي الواق واق ياعقرقوب ابهاجر معك .. خذني معك تكفا ،
لاحول ولاقوة الا بالله في بلد مساحته 2.25 مليون كيلومتر مربع ، صحراء قاحلة ،
يعني لاغابات ولاجبال ولا مزارع تحد من الاراضي والعمران ، وعدد سكان
لايتجاوز 22 مليون نسمة فقط ومع ذلك لانستطيع أن نؤمن لأبنائنا سكن ومؤى
قبل أن نرحل من الدنيا ونتركهم ..!
والله جريمة ياجماعة ،

شـابت لحانا مالحــقنا منــانا ***** عزي لمـن شــابت لحــاهم على مـاش

لا المعذرة .. نسيت شبوك طويلين العمر اللي الواحد يمشي عشرات الكيلوات
ومايشوف غير شبوك ولوحات مكتوب عليها أملاك خاصة ..
نسأل الله رحمته وجنته ،


..........