طلع لي رقم في الصندوق العقاري وابي اتنازل عنه من يشتري

[أول شقردي]

السلام عليكم

ابي اتنازل عن حقي في الصندوق العقاري والي يبي ياخذه يراسل على الخاص

فالي يقدر يحول الرقم باسمه الله يحييه على الخاص لاني ما اعرف كيف طريقة التنازل

[كادي11]

لا يمكن تحويل القرض باسم شخص اخر

[gomernajed]

بعد الانتهاء من البناء يمكنك التنازل لاي سخص حتى ولوكان قد اقترض من قبل ( بشرط ان يكون قد سدد القرض القديم )

[هاوي ولا ناوي]

عساك تأخذ المبلغ الان كله وبعدين نتفاهم ,,,,,,,,,

[أول شقردي]

لا يمكن تحويل القرض باسم شخص اخر

افا اجل ما فيه امل ولا حتى بواسطة

بعد الانتهاء من البناء يمكنك التنازل لاي سخص حتى ولوكان قد اقترض من قبل ( بشرط ان يكون قد سدد القرض القديم )

بعد الانتهاء من العمار مافيها طقة عصا وهذي تحتاج يكون فيه ثقه بين الطرفين



عساك تأخذ المبلغ الان كله وبعدين نتفاهم ,,,,,,,,,

وشلون .. يعني الثلاثمية بتصير معرومة طايحه ربع والا وشلون

[أول شقردي]

اذا كان ما ذكره الاخ كادي صحيح فهل هناك حل ممكن القيام به

مثلا اعطي صاحب الارض توكيل كامل في شراء ارض باسمي وبنائها وبيعها واستلام ثمنها او بيعها صوريا

ويتولى هو باقي الامور ويكون بيننا مكتب محاماة حتى كل واحد يضمن حقه

[كادي11]

صاحب الارض لازم ينقل الارض باسمك وبعدين تعطية توكيل باستلام الدفعات
بس هذي تحتاج ثقة
والصندوق العقاري لاعلاقة له باي اتفاق خارج ادارتة

[أبو ركـــــون]

بعد الانتهاء من البناء يمكنك التنازل لاي سخص حتى ولوكان قد اقترض من قبل ( بشرط ان يكون قد سدد القرض القديم )

وضح اكثر بارك الله فيك
ومن يفيدني بالنسبه لوضعي بنيت فلة صغير بمسطح 280م ولان وصلت لمرحلة اللياسه ومقدم على البنك عام 1424وسمعت انه من المفروض ابلغ البنك عن البناء لكي لاافقد القرض مستقبلا ؟؟؟؟
وش الرائ يالربع وش تنصحوني ؟؟؟؟؟
وفق الله الجميع وسهل امركم واعانكم على البناء ووجع راسه

[خـــــالد2006]

وضح اكثر بارك الله فيك
ومن يفيدني بالنسبه لوضعي بنيت فلة صغير بمسطح 280م ولان وصلت لمرحلة اللياسه ومقدم على البنك عام 1424وسمعت انه من المفروض ابلغ البنك عن البناء لكي لاافقد القرض مستقبلا ؟؟؟؟
وش الرائ يالربع وش تنصحوني ؟؟؟؟؟
وفق الله الجميع وسهل امركم واعانكم على البناء ووجع راسه
عامر بيتك بالارض اللي مقدم عليها ولا غيرت ؟؟
مابلغت الصندوق انك بتبني؟؟
مجموع المسطحات 280 ولا الدور الواحد 280؟؟
انتظر اجابتك
لاني زيك بنيت قبل ما يطلع اسمي وعارف طريقتهم يعني من خبره شخصيه

[samsung2]

السلام عليكم

ابي اتنازل عن حقي في الصندوق العقاري والي يبي ياخذه يراسل على الخاص

فالي يقدر يحول الرقم باسمه الله يحييه على الخاص لاني ما اعرف كيف طريقة التنازل

هل ظهر اسمك ..؟ ومتى قدمت ؟ وإذا تبيع بــــ 50 ألف راسلني إن كان اسمك طالع

[أول شقردي]

هل ظهر اسمك ..؟ ومتى قدمت ؟ وإذا تبيع بــــ 50 ألف راسلني إن كان اسمك طالع


اسمي طالع بارك الله فيك

لكن هنا نقطتين

اولها كيفية التنازل كيف بتكون

ثانيها 50 الف ما تلاحظ انها شوية حبتين يعني بيجيك 300 الف على 25 سنه ومخصوم منها 60 بعكس القروض الي من البنوك بدل ما تعطيك خصم تاخذ منك 90% مكسب

مع العلم انا اشوف سومات ب 63

[مغلي]

الحين مافيه خصم 60 الف

تاخذ 300 وتسدد 300

بس على 25 سنه

[أول شقردي]

الحين مافيه خصم 60 الف

تاخذ 300 وتسدد 300

بس على 25 سنه

افا يا ذا العلم اجل الصندوق يمن بهالستين

صراحة زين سوو عشان ما يتاكل وينحرم كثير من الناس

لكن بشكل عام مادام 300 ترد 300 بدون ما ياخذون 250 الف فايده هذي بحد ذاتها ميزة

[أبو ركـــــون]

عامر بيتك بالارض اللي مقدم عليها ولا غيرت ؟؟
مابلغت الصندوق انك بتبني؟؟
مجموع المسطحات 280 ولا الدور الواحد 280؟؟
انتظر اجابتك
لاني زيك بنيت قبل ما يطلع اسمي وعارف طريقتهم يعني من خبره شخصيه

اشكر اهتمامك اخي خالد واعتذر عن التاخير في الرد
انا بنيت على الارض اللي مقدم عليها ولابلغت الصندوق علشان كذا انا قلقان واسال عن الحل
اما المسطح صغير تقريبا دور ونص بس على قدي وعلى قد الدراهم ومع ذلك لي اكثر من سنتين وانا ادف عمري وابي اخلص وافتك من الايجار شقه صغيره وب26الف ؟؟؟؟؟؟
انتظر ردك وابي الشور من اصحاب الخبره
بارك الله في الجميع

[أبو ركـــــون]

السلام عليكم

ابي اتنازل عن حقي في الصندوق العقاري والي يبي ياخذه يراسل على الخاص

فالي يقدر يحول الرقم باسمه الله يحييه على الخاص لاني ما اعرف كيف طريقة التنازل
يالحبيب تراني سألت عن الناحيه الشرعيه في وضعك وعلى ذمة من اخبرني انه سمع عن الشيخ المطلق بان هذا الامر
لايجووووووووووووووووووووووز

[gsly]

وانا بعد سألت قالوا حراااااااااااااااااااااااااااااااااااااااااااام
تكفون الا الربا

[ابوفيصل 30]

طيب يااخواني الي يجاوبني اللة يجزاه لالف خير انا اشتريت ارض يمكن عام 1416ه وقدمتها على الصندوق ولاكن بعدين اشتريت لي شقة في اسكان طريق الخرج ونقلتها بااسمي والحين بعت الشقة واشتريت ارض ماادري اسمي الي في السرا راح او لا واقدر اقدم من جديد لان قية ناس تقول ماتقدر تقدم خلاص راح علي اسمك
بس حرام انا مااخذت الشقة بلاش اشتربتهاوبعدين الي اشترها مني نقلها باسمه احد عندة علم

[أول شقردي]

يالحبيب تراني سألت عن الناحيه الشرعيه في وضعك وعلى ذمة من اخبرني انه سمع عن الشيخ المطلق بان هذا الامر
لايجووووووووووووووووووووووز


وانا بعد سألت قالوا حراااااااااااااااااااااااااااااااااااااااااااام
تكفون الا الربا


حرام صحيح هذا لو كانت العملية بيع قرض، لكن القرض اصلا ما بعد تم استلامه والي حاصل هو تنازل عن احقيتي في الحصول عليه بعد هذي المدة
هذا في حال صار فيه امكانية تنازل عن القرض عن طريق البنك العقاري، أما اذا كان ممنوع فالتحريم يكون بسبب المخالفة للنظام وطبعا اذا كان هذا مخالف للنظام بيكون غير ممكن العمل به

فإذا كانت هذه الطريقة ممنوعه نظاما وتم التنازل عنه بعد ما يتم التوكيل حسب ما تفضل أحد الإخوة فهذي ما فيها شي لانها بتكون تمت حسب النظام

وهنا احب اعرض جواب للدكتور د. خالد بن علي المشيقح عند سؤاله عن التنازل عن القرض

وهو عضو هيئة التدريس بجامعة القصيم التصنيف المعاملات/مسائل متفرقة في المعاملات التاريخ 9/4/1424هـ

السؤال أحدهم يريد أن يتنازل عن دوره في صندوق التنمية العقاري لعدم حاجته له, علماً أنه يريد مقابل ذلك مبلغاً مالياً، فما هي الطريقة لجعل العملية شرعية؟ هل أدفع له مالاً أو أعطيه سيارة أو أرضاً؟


الجواب الحمد لله والصلاة والسلام على رسول الله، وبعد: التنازل عن دوره في صندوق التنمية العقاري مقابل مبلغ مالي لا بأس به، لأنه تنازل عن حق مالي، والحقوق المالية يجوز بيعها بعوض، لكن لابد من إذن البنك العقاري، فإذا أذن البنك العقاري واتفق الطرفان على أن يدفع له مالاً مقابل أن يقوم مقامه، فإن هذا جائز ولا بأس به.

فالجواب هذا يعني ان المسألة سليمة عن الربا ان شاء الله


وفق الله الجميع

[خـــــالد2006]

اشكر اهتمامك اخي خالد واعتذر عن التاخير في الرد
انا بنيت على الارض اللي مقدم عليها ولابلغت الصندوق علشان كذا انا قلقان واسال عن الحل
اما المسطح صغير تقريبا دور ونص بس على قدي وعلى قد الدراهم ومع ذلك لي اكثر من سنتين وانا ادف عمري وابي اخلص وافتك من الايجار شقه صغيره وب26الف ؟؟؟؟؟؟
انتظر ردك وابي الشور من اصحاب الخبره
بارك الله في الجميع

ليتك والله راد علي قبل الاجازه لكن بعد الاجازه ان الله احيانا

خذ معك فسح البلديه والصك للتبليغ عن البناء وبيعطونك موعد للكشف على المبنى قبل التلييس

للتأكد من تركيب عوازل للحراره (بلك عازل للحراره) هذي اهم نقطه , ويتأكدون من الفسح كم المسطح

تراهم متعاونين وفاهمين الوضع

تمنياتي لك بالتوفيق

[سعدونا]

البيع على كم طال عمرك

[أول شقردي]

البيع على كم طال عمرك

ارسلت لك على الخاص

[hmoud]

مساء الخير أخوي انا جاد جدا في الشراء ممكن التفاهم او تحد القيمة حتى يتم التفاوض للجادين

[أبو ركـــــون]

ليتك والله راد علي قبل الاجازه لكن بعد الاجازه ان الله احيانا

خذ معك فسح البلديه والصك للتبليغ عن البناء وبيعطونك موعد للكشف على المبنى قبل التلييس

للتأكد من تركيب عوازل للحراره (بلك عازل للحراره) هذي اهم نقطه , ويتأكدون من الفسح كم المسطح

تراهم متعاونين وفاهمين الوضع

تمنياتي لك بالتوفيق
بارك الله فيك وجزاك الله خير واجازه سعيد

[أول شقردي]

مساء الخير أخوي انا جاد جدا في الشراء ممكن التفاهم او تحد القيمة حتى يتم التفاوض للجادين

وعليكم السلام

راجع الخاص اخوي حمود

[كادي11]

اشكر اهتمامك اخي خالد واعتذر عن التاخير في الرد
انا بنيت على الارض اللي مقدم عليها ولابلغت الصندوق علشان كذا انا قلقان واسال عن الحل
اما المسطح صغير تقريبا دور ونص بس على قدي وعلى قد الدراهم ومع ذلك لي اكثر من سنتين وانا ادف عمري وابي اخلص وافتك من الايجار شقه صغيره وب26الف ؟؟؟؟؟؟
انتظر ردك وابي الشور من اصحاب الخبره
بارك الله في الجميع



امورك زينه ان شاء الله

مر عليهم واطلب شهادة استمرارية وبيطلع مهندس يشوف البيت

وكمل وانت مرتاح

حتى لو انك مخلص البيت

[أبو ركـــــون]

امورك زينه ان شاء الله

مر عليهم واطلب شهادة استمرارية وبيطلع مهندس يشوف البيت

وكمل وانت مرتاح

حتى لو انك مخلص البيت
جزاك الله خير و الله يوفقك طمنتني