حرب بن اميه
14-09-2007, 01:55 AM
اخواني المساهمين في هذه الفلل ذهبت هذا اليوم الخميس بعد صلاة التراويح الى فرع العلي في شارع الملك عبد العزيز بقصد الاستفسار عن اخر مستجدات المساهمه ووجدة شخص في المكتب اخر اسمه العرفج طبعآ يعمل في الشركه قسم التسويق وسألته عن المساهمه المشؤمه تدرون اش قال وكان يبتسم ابتسامه صفراء ؟ احمد ربك ماضاعت فلوسك في صناديق الاستثمار او الاسهم قلت له ان الحين لقيت فلوسي عندكم قال خذلك فله اوشقه من الشقق الى نبنيها الان على طريق الدئري قلت الحين ما خلصنا منكم وحنا صار لنا اربع سنوات كيف نخلص منكم وانتم باقي تخططون تبنون العمائر قال ماعندك حل قلت با اشتكي قال غيرك اشتكو لكن العلي داهيه قال للجان الى طلعت الفلل ماهي هذي وبس باقي فلل السندان قلت ماقلو عند الكتتاب فلل السندان قالو الفرسان من واين طلعت السندان قال من له حيله فل يحتال قلت والان اش تتوقع متى يصفي قال متى اشتهه العلي يصفي المساهمه صفاها قلت في بوادر امل قال اقول تعال خذ فله او شقه قلت الفله يبغا لها دبل مساهمتي ثلاث مرات قال خذ شقه قلت الشقه في علم الغيب قال رح كبر المخده الى ان الله يفرجها قلت الحين ماهو صدر نظام يقضي بتصفيت المساهمه خلال 3 سنوات وحنا الان داخلين السنه 5 قال رح وزارة التجاره اسألهم يمكن يفيدونك قلت ياخي مايبغا لها سؤال واحد زايد واحد يساوى ثنين فيه نظام صادر حتى لوتباع بمزاد علني قال اقول مالك عندي سنع انت بمحض ارادتك جيت للعلى واعطيته فلوسك قلت ياخي على امل تنميت مدخراتي وتوقعت ان وزارة التجاره في حال اخلال العلي با الانظمه سوف تردعه قال سلام ياوزاره ياحبيبي طلعت لجنه مدري من الاماره او جهه اخرى وعجزو يمسكون على العلى شئ العلي فبرك الامور حتى العقود الي معكم مبهمه ليست واضحه قلت والحل قال متى ما طقت في راس العلى قفل مكاتبه وراح ورح دوره قل بس ان الله يحنن قلبه ويرد لكم فلوسكم قلت اباروح لشهري مدير الشركه ضحك وقال رح هذا ان لقيته قلت يا اخي وش الحل اعني بصفتي مسلم اقول لا اله الله محمد رسول الله قال ما عندي لك حل والامل معدوم تمامآ هذا ما حصل وسلامتكم