المساعد الشخصي الرقمي

مشاهدة النسخة كاملة : من خسر بشركة الكهرباء ماعنده سالفه ....

كليجا
16-09-2003, 01:52 PM
اقول للإخوان في المنتدى الله يعوض على اللي خسر ويبارك للي كسب ... أبي اتكلم عن شركة الكهرباء خصوصاً ... أنا كان عندي أسهم بشركة الكهرباء وإشتريتها 103 وبعتها 126 والحمدلله هذا من فضل الله وجهد بسيط مني ...
أولا أقول انا رجال ماأعرف بمواضيع الدعم الأولى والثانية ولا المقاومة ولا هالخرابيط الذي طلعت مواضيع وبرامج بخصوصها والغالبية ما إستفادت منها شئ تبغون تعرفون وشلون ماخسرت في شركة الكهرب ؟؟؟؟
أنا أقولكم والعملية سهلة وأبسط من الماء
أولاً يوم السبت لما نزل السهم من 128 إلى 127 الصراحة ما أرتحت فقلت يمكن تذبذب ... لكن اللي أكد لي أني المفروض أبيع بأسرع وقت وأن السهم بينخفس وغريبة إنكم ما لاحظتوا هذا الشي يا أهل الدعم والمقاومة أن اليوم اللي بعده اللي هو يوم الأحد ... وصلت العروض اكيد كلكم تابعتوها وهو العدد المهول ......... (99545) والطلب كم (4991) ؟؟؟؟ هذا مهب دليل واضح على ان السهم مهب بينزل إلا بينخفس فقلت ياولد مابدهاش والطمع مهب زين عصفور باليد ولا عشرة على الشجرة وفي الغالب هذي طريقتي ... لكن أقول الله يعوض ويصبر اللي خسر ويبارك للي كسب وسلامتكم
ابوعمر المفتى
16-09-2003, 04:02 PM
قضية ماعنده سالفة كلام غلط 100% ، احمد ربك على النجاة واللى ماباع شى مقدره رب العالمين ، كله بتوفيقه وقدره اولا باول ، ولا الانهيار ماله اى مبرر واللى صار كارثة غيرمتوقعة على بال احد
ابو عبودي
16-09-2003, 04:24 PM
يلكليجا احمد ربك على الرزق و عسى الله يرزق الجميع
واحد طاير
16-09-2003, 04:29 PM
ايه والله كليجا...
hatemj7
16-09-2003, 04:39 PM
هههههه الله يهدينا وياك
كليجا
16-09-2003, 04:43 PM
اخوي ابو عمر المفتي حفظك الله أنت تقول ان ماعنده سالفة غلط 100% ... وشلون يكون عنده سالفة ويشوف السعر نازل والعروض مايقارب 100.000 والطلب مايقارب 5000 اليس هذا شئ يعو للبيع وأن الأسعار ستنخفض
اخوي الغالي ابو عبودي انا حامد ربي على الرزق ليل نهار وسواء كسبت أو خسرت وأنا قلت إن هذا من فضل الله وقلت بعد الله يعوض على اللي خسر ... إن شاء الله ...
وبعد ين أنا الحين الساعة 50ر4 عصراً رجعت واشتريت 75ر109 شركة الكهرباء لأنها بإذن الله بترتفع والعلم عند الله ... يرزق م نيشاء بغير حساب
كليجا
16-09-2003, 05:39 PM
الأخ حاتم أعتقد ان الموضوع مافيه شي يضحك ولا وش رايك والله يهدي الجميع ان شاء الله
كليجا
16-09-2003, 06:12 PM
انا في رأيي ياجماعة ان الأشياء العلمية في الأسهم الدولية ونقاط الدعم والمقاومة لاتنطبق عندنا ... لأن اللي عندنا مضاربين بيع وشراء حتى مايهمه اسم الشركة يبيع الصباح ويرجع يشتريها العصر .. علشان كذا انا رأيي إن نقاط الدعم والمقاومة والأشياء هذي ماتنفع مع هالمجموعات ... وانا اللهم لك الحمد والشكر شريت قبل ساعة ونص بـ 75ر109 والحين وصلت 75ر116 وهذا من فضل الله وأن لانضيع وقتنا في النقاط والنسب وغيره ... وكل واحد يعمل المناسب له واللي يشوف إن مكسبه فيه وعلى قولة المصريين ( اللي تغلبه العب به ) ...
ايراد
16-09-2003, 08:16 PM
قد يكون كلامك صحيح من حيث الارقام التي اوردتها ولكن ليست كفيله بانهيار السهم

فلو فرضنا انه تم ابتلاع الـ4000 سهم من الطلب ونزل العرض ربع ريال لوجدت الطلب يفوق العرض اضعافا مضاعفه
وبالتالي عملية شد وجذب عند نقطتين سعريتين يفصل بينهما نقطه تكون هي محور التغير
وليس انهيار كما تقول
وهذا نشاهده يوميا في كل سهم
ابوعمر المفتى
16-09-2003, 08:24 PM
الاخ كليجا اللى صار كارثة ماهى فى الحسبان ،،، واذا اتكررت مرة ثانية الله يستر من العواقب ، انت وفقك الله وبعت ، احنا كنا بالصالة وحاولنا نبيع لكن انت تشوف الاسعار فى ثوانى وهى فى نزول والتلفون مشغول والحال مايعلم بيها الاالله ، الكل انشل تفكيره من اللى صار ، اعتقد ان اللى باع كان توفيق له من الله ، واللى ماباع او باع وما لحق على اسهمه اتعلم درس ، وعسى ان تكرهوا شيئا وهو خير لكم وعسى ان تحبوا شيئا وهو شر لكم ، والحمد لله اولا واخيرا ، وفى الاخير نصيحة اهمس بها فى اذان كل اخ لاتكون مثل اللى قال انما اوتيته على علم عندى............:)