خطط المستقبل وتطبيق الاسهم

[سعد ابومحمد]

:619:


السلام عليكم ورحة الله وبركاته

عندي اسهم في مخطط ربوة الياسمين التابع لمكتب خطط المستقبل ..

وتعرفون المساهمة الى الان ما تمت تصفيتها واظاهر مالهم نية ...

طرات على بالي فكرة اني اطبق الاسهم اللي عندي على شكل ارض اخذها من المخطط

السؤال/ هل هذا مناسب اني اخذ ارض بدالي ارضي ..؟

ارجو التفاعل ولكم جزيل الشكر .........

[عقار 000]

هلا اخوي

طبق لك ارض وريح راسك وحاول انك تاخذ لك شرقيه او جنوبيه ولا تكون مقابله قطع تجاريه او مرفق تعليمي او تجاري وانشاء الله راح تبيعها بمكسب بس يبي لك شوي صبر وشمال الرياض بصفه عامه بأرتفاع والطلب على الاراضي السكنيه بأزدياد

سعر التطبيق للمتر 445 ريال تقريبا وراح تبيعها انشاء الله بحدود 550

والله يكتب لك اللي فيه خير ويوفقك انشاءالله

اخوك ابو ناصر

[سعد ابومحمد]

اخوي ابوناصر ..

اشكر لك سرعة تفاعلك ..

عندك فكرة عن المساحات المتوفرة ..؟

تقبل اطيب تحيه ...

[خالد المحيسن]

السلام عليكم

لقد تم تطبيق اسهمي على قطعة ارض والحمد لله والمندوب حق شركة خطط المستقبل بعد ما تروح لكتابة العدل وتنتهي من افراغ الصك بأسمك يعرض عليك شراء الارض براس مالها. واعرف شخص آخر طبق اسهمه على ارض وقالوا له في مكتبهم اللي في موقع ربوة الياسمين اذا تبغى تبيع ارضك ترى فيه من يشتريها.اما بالنسبة للمساحات المتوفره إللي اعرفه ان اصغر ارض تبلغ مساحتها 390 متر وسعر المتر يتراوح بين 440 و 470 ريال وهالكلام قبل اسبوعين

ولا تنسى انك بعد ما تطبق مساهمتك على ارض راح يعطونك تذكرة مراجعه عشان فيما لو تم تصفية المخطط يكون لك حق في ارباح التصفية.

لا تنسى صلاة الاستخاره قبل اي شيء. الله يعوض صبرنا خير

والسلام

[سعد ابومحمد]

جزاك الله خير اخوي خالد ... اضافة قيمة تشكر عليها

على كذا الاسهم الي معاي يالله تجيب ارض مساحتها في حدود الاربعمية ..

السؤال/ هل طبيعة الاراضي مستويه او بها دفان؟

ارجو الافادة

[عقار 000]

طبيعة الارض جبليه ومرتفعه خصوصا من جهة غرب المخطط اما بخصوص الدفان فلست متأكد من انه لم يتم دفن اي جزء


من اجزأه


ولآكن قبل ان تقرر على اي قطعه استخر لك كم ركعه والله يكتب اللي لك فيه خير

[الضبط]

الي اعرف ان شركة خطط المستقبل تؤكد أن جميع قطع المخطط خالية من الدفان وانها على طبيعتها البكر,,,,

[jeeeep]

وين مكانها بالضبط هذي ربوة الياسمين ؟؟ وهل هي قريبة من دانة الياسمين ( متعب المقبل ) ؟؟

وهل أجد مكاتب تبيع بالتقسيط يعني ندفع مقدم طيب والباقي تقسيط ؟؟

آسف على كثرة الاسئلة بس الواحد يبي يعرف التفاصيل قبل لا يطب وهو مايعرف شي عن المنطقة وطريقة البيع فيها وعن مستقبلها .

أرجوا ممن لدية معلومات افادة الجميع بالاجابة عن هذة التساؤلات أو جزأ منها .

[خالد المحيسن]

السلام عليكم
بعد التحيه للجميع
اخوي سعد ابو محمد الله يخلي لك محمد
ارجو ان لا تنسى انك بتدفع سعي للشركه . اما بالنسبة لطبيعة الارض فهي مستويه لكن فيه بلكات ارضها شوي طامنه وسألت واحد من الشباب قال ترى الارض الطامنه يمكن تكون افضل او اسهل للبناء والله اعلم بس اللي اعرفه مع ان خبرتي جدا قليله في العقار ان الارض تشوفها زينه ولله الحمد والمخطط جدا جميل ويوم رحت لمه بصراحه انشرح خاطري وهذي شهاده لله.

اخوي jeeeep مخطط ربوة الياسمين هو اللي قبل مخطط دانة الياسمين وانت جاي من شارع ابو بكر يعني ربوة الياسمين يقع شرق دانة الياسمين وبينهم شارع وسيع اما بالنسبة للتقسيط فقد ذكر لي موظفهم ان الراجحي يقسط الاراضي في ربوة الياسمين, والله اعلم

بعد اذن المشرف سوف اضع هاتف وموقع خطط المستقبل

رقم خط المستقبل هو 8001222000
http://www.future-plans.net/ProjectList.asp

[سعد ابومحمد]

الف الف شكر لك اخوي خالد .. ولازم اروح لهم اشوف المخطط على الطبيعة .. طبعا بعد صلاة الاستخارة ..

[mohds2000]

انا مساهم وسوف اطبق اسهمي واخذ ارض فمن اراد ان يشتري مني الارض بالنقد او التقسيط يرد هنا

[سعد ابومحمد]

انا مساهم وسوف اطبق اسهمي واخذ ارض فمن اراد ان يشتري مني الارض بالنقد او التقسيط يرد هنا

كم حدك في المتر اخي الكريم بالنسبة للكاش ...

[mohds2000]

كم حدك في المتر اخي الكريم بالنسبة للكاش ...

سوف ابيع الاسهم براس المال (10) الاف ريال ولا تنسى اخي انك تاخذ الارباح والتي تصل الى 55% كما يقولون
علما ان عندي اسهم كثيرة والبيع حسب حاجتك(5, 10, 15, 20,.......... )

[عبــ الإله ــد]

تطبيق الأراضي خيار جيد للخروج من المساهمة خصوصاً وأن مكانها مناسب ..


تمنياتي للجميع بالتوفيق

[المتوهق2004]

انا عندي 7 اسهم للبيع براس المال تروني جاد ومحتاجها في اسرع وقت

[اكثم بن صيفي]

لدي 3 اسهم واريد بيعها بسعر التكلفة
لمن يرغب مراسلتي او الاتصال 0505163719

[الضبط]

عموماً المنطقة لها مستقبل قريب

الله يوفق الجميع

[mohds2000]

اعلانهم الجديد الافراغ فورا

[sarh1117]

وين اعلانهم الجديد

[mohds2000]

وين اعلانهم الجديد
في جريدة الرياض يوم امس الاثنين واتصل عليهم وتاكد بنفسك

[sarh1117]

الاعلان بربوة الياسمين خاص او مخطط درة الخليج معاه او مافي شئ عن درة الخليج

[mohds2000]

الاعلان بربوة الياسمين خاص او مخطط درة الخليج معاه او مافي شئ عن درة الخليج
بل خاص بربوة الياسمين

[mohds2000]

يقولون المزاد يوم 12 شوال

[عقار 000]

صحيح المزاد في 12 / 10 او 13 /10

لآكن المشكله اذا المزاد ماوصل للاسعار اللي هم يبغونها هل راح يوقفون المزاد بحجة ان الاسعار غير مناسبه

وبعدين تدخل معهم بدوامه جديده

مانقول الا الله يعين بس

[mohds2000]

صحيح المزاد في 12 / 10 او 13 /10

لآكن المشكله اذا المزاد ماوصل للاسعار اللي هم يبغونها هل راح يوقفون المزاد بحجة ان الاسعار غير مناسبه

وبعدين تدخل معهم بدوامه جديده

مانقول الا الله يعين بس

اميييييييييييييييييييييييييييين

[mnadi]

ادري متأخره مداخلتي بس اللي حبيت اقوله ان شركة خطط المستقبل تصفي مساهماتها على ظهور المساهمين يعني تبي ارض ولا انطق لين تنتهي المساهمه يمكن تنتهي عام 2050 اذا الله احيانا ونصيحه مالك لا تطبق تطير ولا توقع
اقلها تضمن ارضك ولا المرابحه انسى لانوه شي من متطلبات الغيب والجهل بالغيب يخليك تاخذ ارض ياخي انت في زمن النصابين لا ويقولون انهم ماخذين فتوى من شيخ لهم انك تزكي عن السنين اللي راحت علماً بانك ماتملك شي غمر هواء وحصد ماش

[سيف الجفن]

صبر جميل والله المستعان

[][وسام$الخبر][]

1 بالتوفيق للجميع وارجو المصداقيه

[][وسام$الخبر][]

بالتوفيق للجميع وارجو المصداقيه

[mohds2000]

لا جديد في التصفية

[mohds2000]

هاه وش الاخبار ؟؟؟؟؟

[mohds2000]

هاه وش الاخبار ؟؟؟؟؟

جبت لكم الاخبار : توزيع الارباح سيكون خلال الاسبوعين القادمين ان شاء الله

[9وليد]

جبت لكم الاخبار : توزيع الارباح سيكون خلال الاسبوعين القادمين ان شاء الله
إلي صبرنا اربع سنين عليهم يصبرنا أسبوعين......

[mohds2000]

تم القبض على الجعيدي
والخبر منشور في جريدة الرياض اليوم

[مغترب123]

--------------------------------------------------------------------------------

القبض على هامور مخطط ربوة الياسمين في جدة وطلب ترحيله إلى الرياض عاجلاً
هرب بأموال المساهمين وقدرها 168مليونًا واختفى عن الانظار


جدة - سالم مريشيد:
اكد خالد الحميدان رئيس مجلس إدارة شركة خطط المستقبل القبض على هامور مخطط ربوة الياسمين في المربع 11بمدينة الرياض المدعو موسى ابراهيم الجعيدي.. والذي هرب بأموال المساهمين في المخطط وعددهم (800) مساهم دفعوا (168) مليون ريال مقابل المساهمة في هذا المخطط ولكن الجعيدي بعد جمع اموال المساهمين منذ خمس سنوات هرب بها واختفى عن الانظار وقد شكلت لجنة بأمر من نائب أمير منطقة الرياض للبحث عن الجعيدي واستعادة اموال المساهمين منه.
واوضح الاستاذ الحميدان بأنه منذ أربعة أشهر وبمساعدة مجموعة من المساهمين كان يتعقب الجعيدي حيث تأكد لهم وجوده في مدينة جدة.. وبعد متابعة دقيقة لتحركاته تم القبض عليه يوم الأحد الماضي في جدة وسلم لمركز شرطة السلامة.. وقد بعثت برقية للرياض لإرسال الهامور الجعيدي مخفوراً وتحت حراسة مشددة للرياض لاستكمال التحقيقات معه، واستعادة اموال المساهمين، ومن ثم احالته لهيئة التحقيق والادعاء العام في الرياض لاستكمال الاجراءات والتحقيقات معه.

واكد الاستاذ الحميدان ان هناك تعليمات مشددة من سمو نائب أمير الرياض بتسليم الجعيدي للجهات المعنية في الرياض لسرعة حصر الاموال التي بحوزته واسترداد حقوق المساهمين. وبين الاستاذ الحميدان ان شركة مخطط المستقبل لا علاقة لها اطلاقاً بما فعل الجعيدي وهي شركة تحرص على سمعتها والامانة في عملها.. ومن هذا المنطلق فقد كنت حريصاً على متابعة هذا المختلس والقبض عليه لتبرئة ساحة الشركة التي لم تكن تدرك ما كان يخطط له ويرسمه في مخيلته للهرب بأموال المساهمين الذين دفعوا كل ما يملكون في هذا المخطط على أمل الربح واستعادة اموالهم

http://www.alriyadh.com/2008/04/30/article338646.html

http://up4.m5zn.com/photos/00041/BWF4B0NO5G9N.jpg
__________________