أسوء وضع الان : وضع اسهم الخشاش والعوائد ...السبب بالداخل

[arabou]

السلام عليكم....

بلسان الكثير ممن اثقلتهم الخسائر نريد الراي والنصيحه
الوضع الان في بدايته بالنسبه للخشاش.

ما هو الحل الكل بين :
1- الخوف من النزول الى المستويات 6000-7000 التى ذكرها الكثير ممن نثق بعلمهم واهميه الخروج والبقاء خارجا
2- البقاء بالأسهم الي متعلقين فيها والمضاربه ما امكن داخل السهم ولكن القليل منهم يفعل والسبب اما السهم ذو مجال ضيق او خوفا من ان يطير ويشتريه باعلى مما باعه وهذي صارت وتصير كثير مثل ما حدث لمتعلقين العقاريه اليوم والمراعي قبل اسبوع.
3- تغيير المراكز والتوجه للخشاش. وهو نفسه الى نكب الناس اساسا واسئل اهل الاسماك والباحه

الحل عند الغالبيه من المحللين هو البقاء بالخارج والمضاربه بالثلث وهذي سمعتها كثير جدا. لكن صعبه تثبت خساره فوق 60% وصعبه اكثر انك ترد خسائرك ب الثلث ناهيك اساسا على انك تنجح بالمضاربه بالثلث....

هو موضوع صعب لكن تاكد ان هذا حال الغالبيه ومشاركتك الان اهم من قبل.

[عبدالله الطيب]

والله يالغالي افضل شئ اسهم الخشاش الخفيفة جدا وحتى ان نزلت بتلقى العوائد قبلها ماكلة تراب.

تحياتي.

[khkhkh79]

عليك بالخشاش هو اللى بايعوضك وتعليقاته بسيطه ماسرع مايرجع

[anasami1]

زدتنا حيره على حيرتنا عموما بارك الله فيك

[جنى الورد]

جديدين على السوق وخسرانين ونسمع الكل يقول خشاش ممكن تعطوني أسماء أسهم الخشاش

[عابـر]

نصيحتي للجميع البقاء خارج السوق .........

وفوات الربح ((( القليل )))) ؟؟؟؟؟!!!!!!!! ولا الخساااااااااااااارة ..............

يكفي خساير والله انها أثقلت كاهلني ونفسياتنا ............!!!!!!!!!!!!!!!!!

وكما ذكرت أخي الفاضل ... أن من نثق بهم يقولون البقاء خارج السوق حتى يرتد السوق ارتداد حقيقي .

عليك بالمتابعة من بعيد ... وأوصيك بالبران والكشتااااااات لأنه يبي يجي وقت ( بإذن الله ) لن تستطيع أن تكشت فيه

تقبل تحياتي ومودتي

ودعائي للجميع بالتوفيق والربح السريع

ودمتم ........ محبكم عابـر ...............،،،،،،،،،،،،

[عابـر]

نصيحتي للجميع البقاء خارج السوق .........

وفوات الربح ((( القليل )))) ؟؟؟؟؟!!!!!!!! ولا الخساااااااااااااارة .............. :617:

يكفي خساير والله انها أثقلت كاهلنا وأزهقت نفسياتنا ............!!!!!!!!!!!!!!!!! :607:

وكما ذكرت أخي الفاضل ... أن من نثق بهم يقولون البقاء خارج السوق حتى يرتد السوق ارتداد حقيقي .


وهذا رابط لشخص معروف ويثق به أغلب رواد هذا المنتدى :606:
http://www.****************/vb/showthread.php?t=25257


عليك بالمتابعة من بعيد ... وأوصيك بالبران والكشتااااااات >>>>>>>>>>

لأنه يبي يجي وقت ( بإذن الله ) لن تستطيع أن تكشت فيه :)

تقبل تحياتي ومودتي

ودعائي للجميع بالتوفيق والربح السريع

ودمتم ........ محبكم عابـر ...............،،،،،،،،،،،،

[مدري وش اسمي]

حيرررره

وتدويرررررر

وسووووووووق مخسررررر

وااااه ياراس المال .. وين انت !!!

[(ابو محمد)]

جديدين على السوق وخسرانين ونسمع الكل يقول خشاش ممكن تعطوني أسماء أسهم الخشاش
سابك
صافولا
التصنيع
الراجحي
المراعي
الاسمنتات
البحري
جرير
الاتصالات

[ابو الميز]

:606: سابك
صافولا
التصنيع
الراجحي
المراعي
الاسمنتات
البحري
جرير
الاتصالات
:606: :606::606: :606: حتى إشعار آخر قد يطول لمنتصف 2008

[N.M.N]

عليك بالخشاش

وخصوصاً الخفيف منها

[سهم جوال]

في وقت زمني محدد سابك نزلت من 145 الى 103 يعني تقريبا اكثر من 40 ريال والمواشي وفي نفس الوقت المواشي نزلت من 39 الى 20 ريال يعني تقريبا 19 ريال هذا هو الفرق بين الخشاش والعوائد( وسابك اللتي نحسبها من اعمده السوق ) واللحين وش تقولون سابك والا المواشي؟؟

[جنى الورد]

عليك بالخشاش

وخصوصاً الخفيف منها

طيب عطونا أفضل أسهم الخشاش النقية طبعا خلونا نعوض بعض خسايرنا

aa1 :617: aa1 :617:

[arabou]

زدتنا حيره على حيرتنا عموما بارك الله فيك

والله لا اقصد ذلك .....

نحن جميعا نحاول ان نجد حل وسط هذا الطوفان

[aboyazeed]

من هو مكعيل ؟؟
مكعيل هذا رجل بسيط يماني من صعده .. بلغني انه من يهود اليمن ..
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ..!

الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!

الصدق منجاة .. عطاه اياه على بلاطه .. يقول: فيها تراب
يعني بالعقل .. العلب من الشارع والتراب بالشارع ..

اندهش المحسن ..!
قال: طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
ابي اتقرب الى الله وافك عقدته واشتريها منه وخلصنا ..
والصدقة تجوز على الكلب..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..

وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

قال المحسن : شفيك .. شفيك .. خير .. عسى ما شر .. مالك يا مكعييييييل ؟؟؟! "بلهجتهم"
قال مكعيل : العلب اللي شريتها مني ... ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟

اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتري ثانية .! والله ما تلقى احد ياخذها منك بعدي ..

قال مكعيل : اخلص علي .. ابعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..

يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..

اندهش الجميع وبدأ سوق مكعيل يثير فضول الجميع حتى التجار الشطار ..

جوا عنده اليوم الثاني والا هو صاف له 20 قوطي ومعبيهم تراب ...
الناس تطاقوا عنده .. كل واحد يبي يلحق له اكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ..
ادخلها بسطته بدون علاوة اصدار حتى ..

وعباها تراب وبسط فيها اليوم الثاني

صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..

المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق

وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة باللي عليها ممسوحه مسح ..
مكعيل يالله امداه يتلاحق على !!!!! بغوا يشيلونها مع القواطي يحسبونها علب ..!

عاد الاخوان هناك في صعده يقعد قدام بسطته القرفصاء ..
راز ركبه ورافع وزرته ومنحسره عن فخوذه ومتدليه اطرافها على جنوبه .. والناس ما تميز وقت الزحمة ..

حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..

عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .

راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ..!!!!!!!! عسى ما شر .

قال : صحيح .. صحيح .. والله انا غيرت النشاط ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،

وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ...

المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..

معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!

وهالحين .. يعني هالحين حنا يوم شرينا الاسماك بـ 400 ريال .. او بيشه بـ 280 ريال او الباحة بـ 220 جينا نناظر السهم مالقينا في بطنه ولا تراب حتى ؟ وش السواة فيه ؟؟
يعني التراب ينفع للبناء مثلا ..

وينك يا مكعيل تجي تشتري ما بعته علينا ولو بأقل بنصف التكلفة ..
ههههههههههههههه .. هذا حالنا مع سوقنا .. سوق مكعيل ..

عاد مكعيل هذا يهودي .. ولعبها صح .. وحنا مسلمين .. ولكن على قولة الشاعر..
من بد صهيون بذتنا صهاينا ..
السؤال اللي يمردغ نفسه : من هو اللي وصلنا هالمواصيل ؟
منقول

[arabou]

في وقت زمني محدد سابك نزلت من 145 الى 103 يعني تقريبا اكثر من 40 ريال والمواشي وفي نفس الوقت المواشي نزلت من 39 الى 20 ريال يعني تقريبا 19 ريال هذا هو الفرق بين الخشاش والعوائد( وسابك اللتي نحسبها من اعمده السوق ) واللحين وش تقولون سابك والا المواشي؟؟

الله يهديك سابك نزلت وحسب حسبتك انت اقل من المواشي
المواشي نزلت حسب حسابك من 39 الى 20 يعني 50%
سابك نزلت حسب حسابك من 145 الى 104 يعني 30%

تحياتي

[عبدالله العلي]

عليك بالخشاش هو اللى بايعوضك وتعليقاته بسيطه ماسرع مايرجع


و خل عنك شي إسمه عوائد

[سهم جوال]

الله يهديك سابك نزلت وحسب حسبتك انت اقل من المواشي
المواشي نزلت حسب حسابك من 39 الى 20 يعني 50%
سابك نزلت حسب حسابك من 145 الى 104 يعني 30%

تحياتينعم وانا اخوك كلام صحيح وهذا اللي انا اقصده فرق فقط فقط 20% لكن وانا اخوك قارن على االاقل بين تاريخ الشركتين شركه مثل المواشي هل معقول يكون بينها وبين شركه سابك فقط 20%

[arabou]

نعم وانا اخوك كلام صحيح وهذا اللي انا اقصده فرق فقط فقط 20% لكن وانا اخوك قارن على االاقل بين تاريخ الشركتين شركه مثل المواشي هل معقول يكون بينها وبين شركه سابك فقط 20%

انت صح :606: .............

[october]

في وقت زمني محدد سابك نزلت من 145 الى 103 يعني تقريبا اكثر من 40 ريال والمواشي وفي نفس الوقت المواشي نزلت من 39 الى 20 ريال يعني تقريبا 19 ريال هذا هو الفرق بين الخشاش والعوائد( وسابك اللتي نحسبها من اعمده السوق ) واللحين وش تقولون سابك والا المواشي؟؟
طريقة حسابك خاطئة
سابك نزلت في حدود ال 30%
بينما المواشي نزلت في حدود 50%
فأيهما أشد خسارة ؟
يعني لو لديك 10000 ريال في المواشي فان المتبقي لك هو 50000 فقط
بينما لو كانت في سابك سيبقى لك منها 70000
!!!!

[سهم ماستر]

طريقة حسابك خاطئة
سابك نزلت في حدود ال 30%
بينما المواشي نزلت في حدود 50%
فأيهما أشد خسارة ؟
يعني لو لديك 10000 ريال في المواشي فان المتبقي لك هو 50000 فقط
بينما لو كانت في سابك سيبقى لك منها 70000
!!!!

عمر 10000 متصير 50000 او 70000 الى غدا ان شاء الله عذرا اخي العزيز

[خالد الراشد]

حيرررره

وتدويرررررر

وسووووووووق مخسررررر

وااااه ياراس المال .. وين انت !!!

والله صرت انساه أبي نصفه فقــط:(