رأيكم مطلوب ومهم؟

[realtreasure]

أبي رأيكم في مستقبل العقار خلال السنتين القادمة كمستثمر؟
ودي أشتري قطعة أرض وأخليها فترة ثم أبيعها بمكسب؟
وين الأراضي الاستثمارية بالرياض؟
فيه يمدحون حي الأمانة؟
وفيه يمدحون بنبان؟
وأنا اشوف المناطق هذي بعيدة كثير ويبيلهم 10 سنين علشان يتحركون؟
أفكر أشتري أرض تجارية وأصبر عليها 5 سنين بس وين ألقى أرض تجارية سعرها معقول؟
اللي يعرف كم سعر الأراضي التجارية في المناطق التالية يعطيني فكرة ويعطيني رأيه:
الشريط التجاري بدر
حي الملقا أو القيروان
الأمانة
بنبان

ماندم من استشار

الله يوفقكم ويجزاكم ألف خير

[يوسف المالكي]

طيب سؤال كم متوسط اسعار الشراء فى هذه المناطق

وبعدين

هل البنك العقاري يعطى منحه على هذه المخططات

وهل بصكوك ام لا

[بنك الهوامير]

اخوي الغالي realtreasure

السلام عليكم ورحمة الله وبركاتة

كما تعرف بأن الأراضي بشمال الرياض اصبحت بأسعار جداً فلكية وليست خيالة فقط .

واصبحت جميع اراضي شمال الرياض مملوكة ومافية أحد يبيعك إلا بسعر فلكي وهذا صعبً للغاية .

فلذلك انصحك بالتوجة نحو شرق الرياض وهو الأن بدأ يزدهر بشكل رهيب واصبح مكاتب العقار بتواجد دائم هناك .

وإن العقار بدأ يتوجة نحو الشرق بعد الشمال . وإذا بغيت القناعة ما عليك إلا انك تشغل سيارتك بعد صلاة العصر

وتروح هناك وتشوف بعينك المنطقة كيف مزدهرة ونظيفة ومرتبة وفلل فخمة وعمائر تجارية تحت الأنشاء .

بس وصيتي لك لا تنسى القهوة والشاي تأخذهن معاك لأن بيطيب لك الجو هناك وتجلس في اي مخطط وتتقهوى فية

.

وبارك الله فيك وإن شاء الله افدناك

وتقبل تحياتي