سؤال لخبراء منتدانا عن الاسمده ولا يهونون .

[فتى سدير]

بسم الله الرحمن الرحيم

حقيقتا كنت قد ابتعدت عن عالم الاسهم مده شهر تقريبا وبعد ان عدت لها وجدت الامور حاميه وما فيه صفقات فوق والسوق يضحك للكل والف مبروك لكل من استفاد في هذه الحركه وهذا التغير الممتاز .

احبتي الكرام اولا لي سؤال ارجو الاجابه عليه وهو بالنسبه للشركه التي تقفل على النسبه ولنأخذ مثلا الاسمده اليوم فقد اقفلت على سعر 213.7فهل هذا يعني بالضروره انها غدا ستزيد عن ذلك ام لا خصوصوا والطلب الان وصل ثلاثين الف على الاسمده فأنا ولله الحمد لي اسهم بها والسعر اللذي اقفلت عليه سعر مناسب لي للبيع وفيه ربح ممتاز فهل تنصوني بالبيع اليوم ام الانتظار لغدا شاكرا لكم .

وسؤال الثاني ما هي اخر اخبار تداول الراجحي فقد رفع ضغطي اليوم ولكن رفعه ضغط حلوه لاني ناوي ابيع من كان السعر 207 لكن كل تاخيره بخيره وهل هناك وقت للتداول بالراجحي عن طريق النت ومتى يبدا هل هو من الثامنه ام التاسعه صباحا وشكرا لكم مقدما .

فتى سدير

[فتى سدير]

اقفلت على 213.75

[عرين الاسد]

سافكو متجهة الى 250 ريال السبت أو الاحد القادم

[فتى سدير]

تسلم اخوي والله يسمع منك 0

ولكن المدهش انه في المساء اي مساء الخميس كان السهم مقفل على النسبه وكانت اخر نظره لي للاسهم توضح ان الطلب على السهم بلغ ثلاثون الف ولكن بالمساء اطلعت على العرض فوجدته اربعين الف تقريبا فماذا يعني هذا والسهم مقفل على النسبه اي ان سعره بمشيئه الله سيزيد السبت فهل ذلك حركه مضاربين ام ماذا فحقيقتا انا كنت ناوي ابيع على النسبه ولكني فضلت الانتظار للسبت واخشى من نزوله ثم ما مصلحه من عرضو بسعر النسبه ولماذا لم ينتظر الى السبت ؟؟؟ حقيقتا لا ادري عن ذلك الغموض ارجو الافاده منك ايها الخبراء وشكرا .

[Stock Holder]

اخي فتى سدير اولا الحمد الله على السلامة والعودة ، بخصوص عرض 40 الف سهم فهي لعبة مضارب، ولن تجدها يوم السبت مع افتتاح السوق، انشاء الله تبيع فوق 225 قبل نهاية تداول الفترة الصباحية او مع الفترة المسائية
، لذلك لا تقلق وخليك مطمأن

[العضو المنتدب]

هلالالالا بلدياتي والله العظيم اني فاقدك
الله يبارك في سافكو الي جابتك
بس مدري ليش السديراوية منكبين على سافكو

[عرين الاسد]

فتى سدير

ماترأه هو حركات قرعى أيضا الطلب على النسبة فوق ثلاثون الف:
غداُ الافتتاح سوف يكون 215 واتوقع لها أيضا نسبة غداُ.
لان انتاجها محجوز الى نهاية السنة وباسعار ممتازة.
أوصيك ونفسي بعدم البيع قبل 250 علماُ ان هناك توقعات انها سوف تصل الى 280 قبل نهاية هذا الشهر سبتمبر

[قـتـيـبه مـطلق]

خذها نصيحة لاتبيع
اي سهم عوايد
تشوفه يرتفع قدامك!!!!!!!!

[فتى سدير]

Stock Holder هلا وغلا بك اخوي اجل هذي من حركات المضاربين اجل ازهلهم انا بدال ما ابيع ابشتري بكره يكفي تحجيرهم للكهرب كل ما ارتفع نزلوه حسبي الله عليهم !!!!! بس تبي الجد معهم حق لانهم لا نهبو ولا سرقو هذي شطاره والتجاره شطاره ويقولون عندنا بسدير من حصل شي يستاهله على كل حال انا ونت وغيرنا من صغار المساهمين نشكل قوه نقدر ننافس فلازم نعرف طريقه اللعب معهم ولا نروح فيها سيده .

العضو المنتدب هلا والله وغلا بلدياتي بس ياخي كل ما قريت اسم العضو المنتدب تخيلتك حجازي مهوب سديراوي لاني عمري ما شفت عضو منتدب سديراوي وعلى العموم يمكن لك السبق بهالشي لان اهل سدير يا تلقاه مدير عام ولا وكيل ولا مساعد يعني ما عليهم بالوظايف بس عضو منتدي البق للحجازي من السديراوي ههههه على العموم الله من الدرهمان يالعضو المنتدب ماشاءالله اللهم لا حسد .

حبيبي العضو تعرفنا يا اهل سدير راعين علوم غانمه ولا رجعت لا لسافكو ولا لغيرها حسبي الله على شيطانك اللي رجعني موعد للعجوز بالمستشفى اخاف يطوف عليها (( واحد على نياته )) والمهم اخوي خلك معي وطب بسافكو بكره خل يا نرفع علم سدير ونبني مشاريع خيريه لديتنا اذا كسبنا بسافكو ولا الوعد الحاير ههههههه .

تسلم اخو العضو

اخوي الغالي عرين الاسد انشاءالله اجل شارين بكره الله لا يعوق بشر وتسلم يالغالي .

اخوي قتيبه مطلق ابشر نصيحتك على الراس .

[فتى سدير]

اصبحنا واصبح الملك لله الحين ابروح اقرب فوال اضربها فول لانها ماسكه معي من شهر على فوال اعرفه واذا ضربتها فول ابسمي بالله وادخل امر الشراء ويا ينهضم الفول صح قبل الظهر يا يقعد على كبدي الى العصر يا يبلط الى بكره يا يصير معي قرحه الله يجيرنا واياكم اذا ما انباعت الاسهم بربح طيب ..

ادعو لاخوكم ومن اراد عنوان الفوال فهليه الاتصال بي تراه فوال روعه وجنسيته افغاني .

وتسلمون

[mordy]

وش هذا يافتى سدير انت طيرت سافكو علينا ياواد يانصف هامور اكيد مايضرب

فول قبل السوق الا هامور لانه مارايح يبرح مكانه هههههه المهم سافكو من الاسهم

المامونه وبالتوفيق

[Stock Holder]

كاتب الرسالة الأصلية فتى سدير
اصبحنا واصبح الملك لله الحين ابروح اقرب فوال اضربها فول لانها ماسكه معي من شهر على فوال اعرفه واذا ضربتها فول ابسمي بالله وادخل امر الشراء ويا ينهضم الفول صح قبل الظهر يا يقعد على كبدي الى العصر يا يبلط الى بكره يا يصير معي قرحه الله يجيرنا واياكم اذا ما انباعت الاسهم بربح طيب ..

ادعو لاخوكم ومن اراد عنوان الفوال فهليه الاتصال بي تراه فوال روعه وجنسيته افغاني .

وتسلمون

بالهناء والعافية اخي فتى سدير، وكما تعرف جياتي لسدير كثيرة وحبذا لو تذكر لنا اسم الفوال وتوصف لنا محله علشان نروحله
بخصوص سافكو اتمنى لك التوفيق والربح الوافر انشاء اله

[فتى سدير]

mordy هلا اخوي اجل تقول اني نص هامور هههههههههههه يا حبيبي قلبه علبه تونه اوكي اما هامور مره وحده صعبه ذي عموما ابشرك بدال ما ابيع شريت على النسبه يعني ب 235 والله يوفق امين .


Stock Holder هلا بك اخوي والله يالغالي انا صح فتى سدير لكن الحمد لله اني عايش بالرياض وبيني وبينك لو فيه فوال هناك زين من بكره تلقى دبه الفول طايحه على راس العامل والسبب اهل سدير ابخص ههههههههه اذا مريت سدير خل معك سندويش احتياط ولا لا تقرب مطاعمهم لكن اهل البلد فيهم خير وعيب تدخل مطعم ونت غريب .

وينك يالعضو المنتدب ههههههههه .

[فتى سدير]

يالربع على بالي هامور وبصراحه شفت الاخوان متفائلين بسافكو مررره قلت اخذ نظريه الموت مع الجماعه رحمه وبدال ما ابيع اللي عندي شريت زود لكن جرت الريح بعكس ما نريد ونزل السهم من 235 اللي هو مشتراي الى 228 فيا اخوان اسهمي الحين صار بعضها رابح الى الحين وبعضها خاسر يعني شاري فوق السعر وشاري تحته فوش تشيرون على اخوكم ترى ما نستغني ولكم تحياتي .

[كهرباء]

هلا والله ببلدياتي

انصحك ببيع نصف الكمية وابقاء النصف الآخر الى ان تشوف الاسهم وين رايحة نزول والا طلوع
والله يربحنا واياك
وترى الفول في الصيف ثقيل لاتكثر منه هههههه
تحياتي

[حسين 1]

انصحوني على هذا السهم امس شريت على النسبة ،،،،
هل ابيع ام انتظر