بنك الراجحي ...يعطيك أسهم فوق سيولتك....

[بو رنيم]

أحد الزملاء لديه حساب بالراجحي

طلب 2000 سهم بالنقل الجماعي ولم ينفذ له الامر كرر الأمر مراراً وتكراراً
وفجأه وجد انه اشترى عدد 20000 عشرين الف سهم بالنقل الجماعي مع العلم بأنه لا يملك السيوله سوى لعدد 2000 الفين سهم فقط
عموماً لقى حسابه بالسالب ؛ ويوم باع وربح من العمليه هذه نصف مليون ريال ؛ أخذ الراجحي نصيبه ولاكن لم يأخذ الارباح .

وزميل آخر نفس الطريقه و لكن بالبحري أعطوه 35000 سهم بالنقل البحري وربح 3 مليون ريال وأخذ الراجحي فلوسه بعد البيع وزميلي أخذ خطأ الراجحي وقيمته ثلاثه مليون ريال وأعتزل السوق نهائي . لأنه لم و لن يحلم بالفرصه هذه
مع العلم لا أعلم عن شرعيه ذلك .

الطامه الكبرى

أحد الزملاء أخذ قرض بقيمه 35000 الف ريال وأشترى القصيم الزراعيه بـ 693 عدد 50 سهم ....كررها مرارا أعطوه النشاما 300 سهم مع العلم بأنه لا يملك السيوله كامله .

ونزل السهم 500 ريال
يعني خساره 150 الف ريال .... وهو ماخذ قرض ب 35000 بس يعني فوق الخساره و القرض طلعت له مصيبه ثانيه

راح لبنك الراجحي ليشتكي

قاله الموظف بكل أريحيه

_ لو انه السهم طالع كان ما اشتكيت

- وقال لازم تسددها كاش وتتحمل الخساره كامله

قال زميلي بأشتكيكم ....قاله الموظف تكفى روح أشتكي

يا عيني على الدبلوماسيه الي تعرفونها

شوفوا له حل أو طريق عشان يتصرف

والله الرجل حاله حاله و ما غير يدربي رأسه

[مضمون]

والله صارت معي كم مره لكن كنت كلها ابيعها بارباح واعطيهم حقهم وهذه المشكله تحدث معي دائما
والان انتظر امر وضعته قبل اسبوعين والله يستر

[المحنك222]

انا اشوف السوق انهار :502:

[gram2005]

ابغى نصف مليون يعطيني ليش الفرنسي مايسوي كذا الله اعلم هذا اللي دمرنا

[ابومنصور]

غريبة ؟؟؟


والله غريبة ؟؟1



طيب من المسؤول ؟؟؟

[M199M]

الهيئة فاكسهم 24 ساعه لمثل هالسوالف

وتجاوبهم رائع جداً

2797066 / 01

[مشاري211]

والله انا اليوم شاريلي الراجحي بالاتصالات 20 سهم سعرالسهم 898ريال والتصنيع 2 سهم سعر السهم 940ريال
ومحفظتي طبعا مافيها ولا ريال وصارت الحين بالسالب 19800ريال واكثر وكنت باسأل والحمدالله جاء من
يفتح موضوع ياليت اللي عنده خلفيه يفيدنا
مع العلم ياخوان حطيت كشف حساب وبعدين بحث طلع تاريخ الشراء بالاتصالات بتاريخ شهر 12 / 2005

[x_five]

يا جماعة الخير ما تلاحظون شي:
البنوك عندنا في السعودية هي اللي :
1-تفتح حساب
2- تفتح محفظه
3- تبيع لك وتشتريلك من السوق (وسيط)
4- هي صاحبة الصناديق الاستثمارية.
5-هي التي تعطي التسهيلات والبيع الاجل
6- هي صاحبة لجنة الرقابة الشرعيه :509: :D يعني تحلل وتحرم
7- هي صاحبة القرارات والفض بالنزاع بينها وبين العملاء
8- ماتخاف من اكبر راس:D
9- تجلد الصغار و تشفط فليساتهم
10- ما تخاف من الله حتى لو كانت اسلاميه

[حمدالحيران]

طلال العتيبي 23-3-2006 10:56


السلام عليكم ورحمة الله وبركاته

قصيده للامير عبد الرحمن بن مساعد حصلتها في احد المنتديات

وحبيت انقلها لكم

إحترامي .. للحرامي !!

صاحب المجد العصامي ..

صبر مع حنكة وحيطة ..

وابتدا بسرقة بسيطة ..

وبعدها سرقة بسيطة ..

وبعدها تَعدى محيطه ..

وصار في الصف الأمامي .. !

احترامي .. للحرامي .. !!

احترامي .. للحرامي ..

صاحب المجد العصامي ..

صاحب النفس العفيفة ..

صاحب اليد النظيفة ..

جاب هالثروة المخيفة ..

من معاشه في الوظيفة ..

وصار في الصف الأمامي ..

احترامي .. للحرامي .. !!

احترامي .. للحرامي ..

صاحب المجد العصامي..

يولي تطبيق النظام ..

أولوية واهتمام ..

ما يقرب للحرام ..

إلا في جنح الظلام ..

صار في الصف الأمامي

احترامي .. للحرامي .. !!

احترامي .. للحرامي ..

صاحب المجد العصامي ..

يسرق بهمة دؤوبة ..

يكدح ويملي جيوبه ..

يعرق ويرجي المثوبة ..

ما يخاف من العقوبة ..

صار في الصف الأمامي ..

احترامي .. للحرامي .. !!

احترامي .. للحرامي ..

صاحب المجد العصامي ..

صار يحكي في الفضا ..

عن نزاهة ما مضى ..

وكيف آمن بالقضا ..

وغير حقه ما ارتضى ..

صار في الصف الأمامي ..

احترامي .. للحرامي ..

احترامي للنكوص ..

عن قوانين ونصوص ..

احترامي للفساد ..

وأكل أموال العباد ..

والجشع والازدياد ..

والتحول في البلاد ..

من عمومي للخصوص ..

احترامي للصوص .. !!

[the time]

لا يبيع حتى يجني ربح عليه القيمة

يصبر

[ما عاد بدري]

انا بعد صايره الطريقه هذي معي ورصيدي الان -60000 سالب ستين الف مع العلم ان الاسهم الزائده مضافه لي بسعر ماقبل شهر من الان ونازله اللحين فوق 60%

ارجو من لديه خبره لا يبخل علينا لاني والله محتاااااااااااااااااااار مدري راح اخذ حقي منهم او اتحمل خسارتهم

وهل اذا اشتكيت على الهيئه اباخذ حقي او ما فيه فايده؟؟؟؟؟؟؟؟؟

[تقلي]

أنا صارت لي قبل اسبوع تقريباً وصار الرصيد -26000 وأول بيعه يبدأ السداد إلى ان يصبح حسابك 00.00 بدون ديون ( اجباريه )

[وليد الطائي]

يا جماعة الخير ما تلاحظون شي:
البنوك عندنا في السعودية هي اللي :
1-تفتح حساب
2- تفتح محفظه
3- تبيع لك وتشتريلك من السوق (وسيط)
4- هي صاحبة الصناديق الاستثمارية.
5-هي التي تعطي التسهيلات والبيع الاجل
6- هي صاحبة لجنة الرقابة الشرعيه :509: :D يعني تحلل وتحرم
7- هي صاحبة القرارات والفض بالنزاع بينها وبين العملاء
8- ماتخاف من اكبر راس:D
9- تجلد الصغار و تشفط فليساتهم
10- ما تخاف من الله حتى لو كانت اسلاميه


نسيت انهم منافسين ......... ما هو بس منافسين اي كلام الا عارفين خططك وتحركاتك بعد

[Stock&Stock]

اصبر تعلق الى ان تسدد المبلغ الموجود في المحفظه

[غــريب الـــدار]

السالفه صارت علي ياجماع الخير
وحدوه
لا اله الا الله

تصدقون اني مكتت بينساب وجايني 26 سهم
بعتها عن طريق تداول الراجحي

ويوم دخلت مباشر لقيتها موجوده
وانا اقوم وابيعها من مباشر
والله يالربع ماتصدقون
وانا اتماكن الفرصه قلت الراجحي معقدني بالقسط كل شهر ياخذه قبل الراتب ينزل

وانا اروح للصرافه وانها قدامي
وانا اجلد ابوها

تخيلوا انها وصلتني ثلاث مرات قيمتها

ينفع احط هالسالفه في برنامج
قصص اغرب من الخيال

سلامتكم

[abu anas]

نفس المشكله

طلبت الجوف قبل تقريبا شهر 503 سهم بقيمة 700 ريال ولم يتم التنفيذ


الأربعاء فتحت المحفظة لقيت اسهم الجوف مشرفه في المحفظة

والحساب ناقص 352000 يعني تعليقه في الأسهم

وتعليقه في الحساب


وردد يا لييييييييييييييييييل ما اطوووووووووووووووولك


ما الحكم الشرعي في التصرف في هذه الأسهم وربحها

[ما عاد بدري]

أنا صارت لي قبل اسبوع تقريباً وصار الرصيد -26000 وأول بيعه يبدأ السداد إلى ان يصبح حسابك 00.00 بدون ديون ( اجباريه )


اخوي يعني هم يبيعون اسهمهم من دون ما يخبرونك او ينتظروني لين ابيعها

[نايف الحربي]

يااخواااان اللي رصيده بالسالب لااااااااااااااااااااااااااايبيع بخساره ابدا ابدا , الخساره دبل والربح كذالك

[ابورغد909]

انا يوم الخميس اللي فات طلبت 700الف سهم للراجحي والاتصالات وسابك في اخر الدوام قلت خلني العب يمكن لعلى وعسى ارفع المؤشر لراس المال علشان يصير تحليله تمام بس ما ادري وش صار لاني للحين ما قدرت افتح محفظتي
لاني الظاهر نسيت الرقم السري :603:

على العموم اتمنى على يوم اسوي طلبات وهمية يمكن تصدف ويعطوني 100سهم في الراجحي (طماع)

[سعودي وافتخر]

الموضوع بالفعل حصل مع كثير
الله يرزق من يشاء

[abomouad]

بارك الله فيك وجزاك الله خيراً

[انزووو]

الحـــــــــــــــــــــــــــــــــــــــــــــــ ــــــــــل كالتــــــــــــــــــــــــــــــــــــالي:
1- اكتب خطاب لمدير فرع حسابك الجاري (طبعا يفضل لك معرفة بالبنك عشان يرسلة باميل البنك لقسم الاستثمار)
2- يتم ارسال الخطاب لمدير الاستثمار
3- فتح محفظة ثانية ويتم خلالة نقل الاسهم الى نزلت بالخطاء بالمحفظة الثانية
4- اسهم الفعلية تكون بالمحفظة الاولي ومن خلالة تقدر تبيع وتشتري
5- عند وصل سعر الاسهم التي دخلت بالمحفظة بالخطاء او من خلال اوامر معلقة يتم بيعها وبتالي تنتهي المشكلة
المهم اسهمك الفعلية تكون بالمحفظة الاولي وتدخل السوق من خلال البيع والشراء
شخصيا حصلت لي
ملاحظة اكثر الاوامر المعلقة بتاريخ 22/2/2006 يوم تعليقة ينساب الخطاء من الهئية لكن بامانة الرجحي ما قصرو وجدو الحل مع تحفظي من تعملهم السىء من خلال بعض الموظفين

[المستوفي]

من يوم الاربعاء الماضي عندي في المحفظة بربع مليون أسهم للدريس مشتراها صفر
ما أدري عنها شيئ وليس لى بها علاقة غير وجودها بمحفظتى
يمكن عند الادريس مناسبة ويوزع هدايا

[حظ اوفر]

جبتها على الجرح
انا متوهق مع خويي وعطاني ارقامه السريه وكل شي علشان اشوف له موضوع السالب يعني نفذ كميات على حسابه خوش بنك
لاكن المشكله خسراااان عموما يعني نقول له يصبر دامهم ماياخذون الارباح يصبر اذا الله يسر له وارتفعت الاسهم
مشكووووووووووووور اخوي على الموضوع

حفظك الله ورعاك

[بو رنيم]

هل المشكله من الراجحي

او من جميع البنوك

او مؤسسه النقد


هل يحصل مثل هذا الموضوع ببنوك اخرى غير الراجحي

[مشـــاهد]

الله يهديه بس ما لقى الا القصيم ... انا حاولت في صافولا ولا عطاني وحاولت في سابك كذلك ...

فعلا لو الانسان ربحان ما رجع المبلغ لكن يوم خسر قام يولول ...

الله يصلح الحال .

[<<لابس طاقيه>>]

يستشر محامي في القانون الإداري

[بو رنيم]

الهيئة فاكسهم 24 ساعه لمثل هالسوالف

وتجاوبهم رائع جداً

2797066 / 01


دق على الهيئه

وبطلعت الروح ردو عليه

قالوا له تفاهم مع البنك مالنا علاقه

او دز لنا فاكس و الرد بعد 4 شهور

يعني الموظف ما لومه يوم قاله تكفى رووووح اشتكي

عارف انه ما وراهم الا الدجه

والأخ الفاضل الي طلع علينا بالاخباريه يقول

نستقبل الشكاوي بكل صدر رحب

امحق صدر

4 شهور

[to2]

شكرا لك اخي على هذا الموضوع

[goldeneye]

السالفه صارت علي ياجماع الخير
وحدوه
لا اله الا الله

تصدقون اني مكتت بينساب وجايني 26 سهم
بعتها عن طريق تداول الراجحي

ويوم دخلت مباشر لقيتها موجوده
وانا اقوم وابيعها من مباشر
والله يالربع ماتصدقون
وانا اتماكن الفرصه قلت الراجحي معقدني بالقسط كل شهر ياخذه قبل الراتب ينزل

وانا اروح للصرافه وانها قدامي
وانا اجلد ابوها

تخيلوا انها وصلتني ثلاث مرات قيمتها

ينفع احط هالسالفه في برنامج
قصص اغرب من الخيال

سلامتكم


سويت نفس طريقتك .. لكن ماجاني شي .. يلعن ام الحظ النحس ؟؟



ناوي على الراجحي نيه قشره !!



لو احصل من وراه 5000 ريال بس .. كان انحشت من البلد :605: