أبي انفجر من القهررررررررر ..!!

[مـتـعـب]

يا جماعه خلصت كرزين مالبورو احمر في ثلاث ايام والسبه اسهم العوائد اللي قعدت في حلقي ولا اردي وش ازين فيها

شريت 25 سهم في سابك بـ 1850
وصافولا 25 سهم بـ 1905


رايكم اني اقشطها واضارب في بيشه والشرقيه والمواشي وثمار والطقه الباقيه ( ماني قايل خشاش )

وبعدين اعود على العوائد والا انتظر ؟؟؟؟؟

ترى رددت ياليل مطولك
وللحين ما صار شي ..
وآخرها انسرقت محفظتي حسبي الله عليهم يوم جيت ببيع ينساب لا عادها الله من بيعة اسهم

والحال زفت يا جماعه

الفززززززززززززعه

[m1m]

ما لك الا رزقك ..

إذا صار ولا بد بع وحدة منهن :)

المفروض تنوع بين خدماتي وصناعي وزراعي

وبعدين 25 سهم وش تصلح :) في مثل هالاسهم


ابحث عن ريال في الارخص أحسن من عشرة في الاغلى

[ساري9]

عوايد ومتعلق هذا شي طبيعي شرحك سرا إلا أربع مية تردف مية
لكن انسرقت محفظتي هذي المشكلة ليتك توضح الله يبارك فيك

[السلطاني]

أخوي متعب

أفضل شيء وانا اخوك تبتعد عن الشاشه في الوقت الحالي
أسهمك ذهب وما عليها خوف لا تبيع
وأعتقد والله أعلم ان العد التنازلي بدأ لإقلاعها خلال هذا السبوع
الزراعيات متضخمه وسابك في القاع
وصافولا ام المنح رائعه

[ابوعبدالملك8183]

السلام عليكم ورحمة الله وبركاته
الصبر الصبر الصبر

[icq]

حللللللللللوه(خلصت كرزين مالبورو احمر في ثلاث ايام) ترى الأحمر ثقيل غير لكارلتون اخف بكثير،اهم شيء صحتك.
وانتبة تطب في اسهم شبعت ارتفاع خصوصا اليوم.

[أبو يزن 9800]

الغالي متعب لك فيمن سبقوك عبرة جلست اربعة اشهر وانا متمسك في سابك لي مامل الصبر مني وكرهت العوائد وأيامها ويوم اشتغلت في المواشي ولله الحمد صرت يوميا اطلع من الغرفة وانا اضحك بلا عوايد بلا كلام فاضي سابك يوم طلعت ارباحها اعطت على السهم 15 ريال نصيحة ابتعد عن الخشاش ( سابك والمصافي وصوافولا )) وتعال للقياديات وريح بالك

ملاحظة : الزم ماعليك صحتك والفلوس تجي وتروح خفف من الدخان شوي وانا اخوك

[Stock Professor]

أسأل الله ان يعوضك.

أـخي نوع محفظتك بين القطاعات وخل جزء للمضاربه وجزء استثمار ونابع السيوله وين و طب معها.

[الــــذيــب]

خلك مضارب وسريع


سواء خشاش او عوائد


واتجه اينما اتجهت السيوله ولكن بحذر.

[أبن البلد]

ربح الـ 25 سهم في عوايدك ما يجب لك ثمن الكروز الثالثة الي تقول انك خلصتها، وراء ما تخلي الدخان ، وتركز على القصيم الزراعية وسيسكو؟

[المهندس المحترف]

السلام عليكم ورحمة الله وبركاته





صافولا و سابك شركات استثمار
و ليست للمضاربه



مع تمنياتي لك بالتوفيق

[khaleej]

اترك الدخان وبتعين خير

[الشموع السعودية]

لا تنقهر يا رجال وثق بالله قبل كل شيء وأن رزقك لن يأخذه أحد غيرك
وإذا الله ماكتب لك رزق ....فوالله الذي لا إله غيره لن تكسب ريال واحد لو ضاربت وسويت البطيط ....

وأكثر من الاستغفار ثم الاستغفار ثم الاستغفار

ولا تنسى تترك الدخان لأنه محرم ولأنه هلاك للصحة والمال

والله يرزقك من واسع فضلة ويزيد في رزقك من حيث لا تحتسب والسامعين ومن قال آمين

[عبدالجبار15]

التدخين سبب رئيسي لأمراض القلب والشرايين والرئة , حفظك الله من كل مكروه

[المتجرد11]

:619:
قل امين عسى الله يعوض صبرك خير
رح خذلك تمشيه روح عن نفسك وارفق بشرب الدخان ترى صحتك الزم لكن بعد ما تسترجع محفظتك

[Assalimi]

التدخين ضار بصحتك ننصحك بالابتعاد عنه


لن تبلغ المجد حتى تلعق الصبر

[رابح المرزوق]

قل امين عسى الله يعوض صبرك خير
يجب ان تتوكل على الكريم الرزاق
ونصيحه اخويه اذا انت باسهم ثقه لا تخاف
فقط اغلق الشاشه وارجع بعد شهر من الان وانظر الى اسعارها
اخوي وخلال شهر الاستجمام حاول مجرد محاوله مايضرك
حاول الاقلاع عن المالبورو واخوانه ويعوضك الله خير منه
ملاحظه اجعل نيتك بترك الدخان ارضاء لله سبحانه وابشر بالخير

[مـتـعـب]

شكرا لكم من القلب على ردودك التي اثلجت صدري وريحتني شوي .......... ابي اغير لكارلتون لليومين الجايه

m1m
ياخوك هي حوالي الثمانين الف وعليها فراطه .. بعت الشاص حق الشايب وبطامر فالاسهم لين ربك يفرجها
يعني 25 سهم هنا وهناك وتخب علي

ساري9
الله يعين على هالعوائد .. والمحفظه اقصد فيها ( البوك ) وفيه ثلاثميه وخمس طعش ريال .. بالله اذا لقيته دق علي تلقى فيه دفتر تلفونات مقطع وصورتي انا والشايب تلقاه في المخبا الاول وفيه بطاقة صراف الراجحي وابشرك انتهت حلال عليك ..


السلطاني
والله ماذبحنا الا هالحتسي المزركش .. اسهم ذهب واسهم مامنه خوف ..
ابك انا ما انام والسبه هالذهب والشايب كل شوي ناط بحلقي وش سويت فالدراهم :617:


ابوعبدالملك8183
صبرت وبصبر والله يعين


icq
الله لا يبلاك في سابك واسهم العوائد وثم تعرف شلون تحرق تتن


أبو يزن 9800
المواشي وبس والله انك صادق ما كثر الله بالبلد غير راعين الحلال والعلف غالي يادفع البلا لو يفتحون سهم البعارين نعين خير
الليله ان قالها ربك بطب في المواشي وبيشه والشرقيه الزراعيه


Stock Professor
شكرا لك .. والليله طاب طاب في المواشي وبيشه والشرقيه ان قالها ربك مافيها حتسي


الــــذيــب
ارررررحب تراحيب الحيا يالذيب
والله عرشتني هالعوائد ياذيب الله يخارجنا منها والمضاربه ماعرفلها ولا تعرفلي انا ابي سهم اطب فيه واجلس لين اعين خير


أبن البلد
سيسكو وشهي ؟؟ هي معنا ؟؟؟؟
ياخوك والله انك صادق ابطق مية سهم في المواشي والباقي مشكل لين ترتفع ..... فيه واحد يقول شرى في المواشي ب 70 الف والحين عنده ميه وعشرين الف والله الدراهم اللهم لا حسد والله يزيده


المهندس المحترف
وعليكم السلام ورحمة الله وبركاته


khaleej
سلط على الدخان لو هو مضري .......... له حزة عند احتكام المصيبه



شكرررررررررررررررا لكم جميعا


اخوكم


متعب بن حامد

[ابو الصقر]

لا عليك اخوي
واهداء لك سهم النسبه مساء تبوك الزراعيه

[رابح المرزوق]

وش دعوا يا متعب ؟(وجه متعرفط من الزعل)
يعني يوم قلت لك اترك التتن زعلت؟(كشره مستغربه)
اجل ليه ماتشكرني مثلهم(وجه معصب بقوه)
وبعدين تعال ليه تغير كلرتون ما ادري وش اسمه اتركه قلنا لك تبي تعين خير اتركه

[مـتـعـب]

هلا يارابح ارررررررررررررررررررحب تراحيب السيل يالله حيه والله يالغالي ما شفت ردك الا الحين ولا تحسبني سفهتك لا قسم بالله لكن حقك علي وابشر بالحق يابعدي وبعدين ازريت اقطع الدخان والله اني عند الحلال ماغير اهوجس ولا يسليني الا التتن لكن ولا تزعل بغير الي كارلتون والكارلتون خفيف على قول الشباب نسبة النكلوين والكربونات واحد فاصله واحد يعني ماعندك احد
تحياتي لك وشكرا جزيلااااااااااااااااا


وشكرا للجميع لنصحهم وتفاعلهم

اخوكم

متعب بن حامد الهاجري

[معيده]

حلوه سهم البعااااارين :509:


اضحك الله سنك وربي يفرجها علينا وعليك




اخوك/معيده

[العيص]

شكرا لكم من القلب على ردودك التي اثلجت صدري وريحتني شوي .......... ابي اغير لكارلتون لليومين الجايه

متعب بن حامد


سوق اسهم ومارلبورو ما تجي ابد حاول تترك واحد منهم

[رابح المرزوق]

يا ابو حامد العفو انا مازعلت
وانت مواريك مواري رجال سنافي
يا خوك لياااه يغلبك المخزي(التتن)
هذا وانت راعي حلال ياخي وسع صدرك بالدله الصفرا هيل وزعفران
هذا هو الكيف
الله يعينك على تركه ويوفقك دنيا واخره

[مـتـعـب]

انا قلت تتن وابتلشت والله انه مخزي ولا ينذكر لا بخير ولا شر عوووذه
حرام ماعاد هو بمخباي من اليوم وان ذكره يخزي

الاخوان جميعا شكرا لكم من القلب واللي ما رديت عليهم تراهم غالين لكن مافيه وقت وماعليكم زود جميع والله يجملنا معكم وتقبلوا تحياتي
واعذروني والله لو الدراهم لي مانشدت عنها وقلت عساها ما تعود والله يعوضنا خير منها لكنها دراهم الموتر

والمواشي وبيشه في الحافظه من اليوم وادعولي


تحياااااااااااتي

[الشيحان99]

اشتر دخان روثمن يمكن لا شربته تطلع سابك a5 a5 a5 a5


ههههههههههههه امزح معاك aa1 aa1 aa1

[السهم العافوري]

لا يضحكون عليك ويقولون أبتعد عن الشاشه


هذه طفره و مارااح تتكرر ..

لا تشاور أحد أطمر في الشرقيه الزراعيه ولا الغذائيه لمدة أسبوووع وراح تدعي لي وراااح أرفع موضوعك أذكرك .. وخسارك علي.

الله يرزق الجميع

[هاموره !]

والله يا أخي حل مشكلتك هي ترك الشركات المحرمه والمشبوهه
لديك مايقارب 23 شركه نقيه

جرب اخي وسترى رزق الله يأتيك مطراً

هنا موقع العصيمي

http://www.halal2.com/default.asp

والشركات النقيه هي:

1. الراجحي.

2. الغذائية.

3. التعمير.

4. نادك.

5. حائل الزراعية.

6. تبوك الزراعية.

7. الجوف الزراعية.

8. القصيم الزراعية.

9. الخزف.

10. الجبس.

11. النقل الجماعي.

12. النقل البري (مبرد).

13. مكة.

14. طيبة.

15. فيبكو.

16. الصحراء.

17. إسمنت العربية.


18. اتحاد اتصالات.

19. اللجين.

20. بنك البلاد.

21. الغاز

22. المراعي.

23. المواشي.

[عاشق الاشقر]

لا عليك اخوي
واهداء لك سهم النسبه مساء تبوك الزراعيه


تحت المجهر


تقول وتطول يا ابو الصقر

10 دقايق الا وهي نسبهa4


انت تحت المراقبه

[الموج 911]

الغضب مع التدخين يسبب مشاكل :)

يابن الحلال رزقك هذا من عند الله

[مـتـعـب]

خلاص يارجال رميت البكيت ماعاد فيه رفعة ظغط مع المواشي وبيشه ولا تهون تبوك الزراعيه

الف شكرررررررررر لك من وصى عليها


تحيااااااااتي لكم اخوكم متعب بن حامد

[الحب الخالد]

بع سابك

ورجع لها بالكثير بعد عشرة ايام

اذا ما ارتفعت اليوم سابك طبعاً


لا بد من ارجع لسابك في اقل من عشرة ايام راح تعطيك خير بإذن الله

[الحب الخالد]

التعمير بعطيك اليوم

[s30761]

فيه حل !!!

تطبح من أطول عمارة بحارتكم ...
وترتاح من هالسالفه .... لا عوايد ولا خشاش ولا شي a5

(( لا تصدق وتسويها تراك منت صاحي يمكن تفعلها لأنك قبل هالمره نافض 3 كروز
الله يعين صدرك عليك ))


المعذرة .. بعيد عن المزح ... اصبر لعل الله يفرجها !!


أخوك ابو خالد ,,,,

[أبو المنذر]

{والذي نفسي بيده لن تموت نفس حتى تستوفي رزقها وأجلها,فاتقوا الله وأجملوا في الطلب,فإن ما عند الله لا ينال بمعصيته}
هكذا قال حبيبك صلى الله عليه وسلم الذي تنافح عنه بمقاطعتك لمن استهزؤا بشخصه العظيم الكريم أخي الحبيب متعب.
والله وبالله وتالله لو بقي لك ريال واحد ما أخذته من رزقك وجاء أجلك_وكلنا سيجيئه_فستأخذ ريالك ثم ينقضي الأجل
وكلنا رزقه مكتوب وهو في بطن أمه في ظلمات ثلاث.
وتألمت والله(زعلا) عليك لشراهتك في شرب الدخان لأنك مسلم أحبه لإسلامه_ وأخوة الإسلام فوق الدم واللحم وانا اخوك_
لكن وصيتي لك ألا تشتري وتبيع من غير أن تأخذ خبره ولو بسيطه في المؤشرات من خلال البرامج البسيطة مثل برنامج :تكر تشارت.
ثم _نصيحة من القلب_:إنو ابتغاء المال الحلال وألا تصرفه إلا في الحلااااااال فقط وسترى من الله أكرم كريم كل الخير والبركة التي هي أحسن والله من كنوز قارون.
بالطبع مع الحرص على أداء الفرائض واجتناب المحارم-وأنا أنصح نفسي قبل أخوتي القراء-{وإن الرجل ليحرم الرزق بالذنب يصيبه}
حبيبي سامحني طولت عليك لكن من محبه والله.
أخوك أبو المنذر المدني.

[مـتـعـب]

اررررررررررررررررررررررررررررررررررررررررررررررررر رررررررررررررررررررررررررررررررررررررحبو

مافيه غير المواشي والعلوم الطيبه

وتبوك تنسيك امك وابوووووووك


تحياتي لكم والعشا الليله عندي والحاضر يعلم الغايب

[hany747]

خد سهم البلاد وانت مش تنفجر تموت ويجيك سكر وضغط وكل امراض الدنيا:crhod:

[حاسب]

يا جماعه خلصت كرزين مالبورو احمر في ثلاث ايام والسبه اسهم العوائد اللي قعدت في حلقي ولا اردي وش ازين فيها

شريت 25 سهم في سابك بـ 1850
وصافولا 25 سهم بـ 1905


رايكم اني اقشطها واضارب في بيشه والشرقيه والمواشي وثمار والطقه الباقيه ( ماني قايل خشاش )

وبعدين اعود على العوائد والا انتظر ؟؟؟؟؟

ترى رددت ياليل مطولك
وللحين ما صار شي ..
وآخرها انسرقت محفظتي حسبي الله عليهم يوم جيت ببيع ينساب لا عادها الله من بيعة اسهم

والحال زفت يا جماعه

الفززززززززززززعه


:619:
خمسة وعشرون سهماً في سابك وصافولا ومزعجنا أحسبها خمسة وعشرين الف سهم .
أقول نصيحه الأرباح الي بتأخذها بتروح في فاتورة تلفونك ومباشر لا بعد ومطينها تدخن عز الله ما هنا أرباح حتى لو دبلت دامك في هالبلية الدخان . تراه مضر بالصحة . أنا أشره على واحد شارك وقالك صك الشاشة

[الباب العالي]

عسى الله يعوض صبرك خير

[الفرسان]

الله يعوضك خير ويرزق ربي

الصبر مفتاح الفجر