حكيم
13-07-2002, 07:07 AM
الجزء الاول
صويلح ولد مملوح صك على عمره بالجامعه سبع سنين وكان صويلح كل يوم يكلم امه وزي العاده كل مره تساله متى تخرج ياوليدى وكل سنه يقول له مابقى شى يمه راح الكثير ولا بقى الا القليل..صوليح هذا شاف انواع المرمطه مايدرى من وين تجيه .هى اجار الغرفه اللى بالجامعه ولا بلاهة المدرسين ولا المطعم اللى غثهم بالرز المعبو.ط والدجاح الاسود (دجاج اسود الظاهر انه دجاج محنط).حتى خوياه اللى معه يطقون عليه انصاف الليالى علشان ينقلون منه الواجب.المهم ان صويلح اخيرا تخرج من الجامعه يتسابق هو وطموحاته لانه حصل عى معدل طيب . صويلح راح يبشر امه ومير تحلف انه تذبح له. ومير يعزمون اهل الحاره كلهم . ومن بعد العزيمه رجع للجامعة ومعه 10 صور للشهاده علشان يصدقهن من شؤون الطلاب .واول من قابل مدير شؤون الطلاب ومن هنا تبدا المأساة الحقيقة . اول شى عيا عليه المدير يصدقهن كلهن .وصويلح ينشد نفسه يقول وراه عيا شكله يبين اجيبله صطمبه ؟؟؟؟.وبصوت مرتفع وراك ياستاد ماتصدق لى الشهادات . ومير يبحلق به المدير ويقول له لانى عارف مارايح تستفيد منهنن.وقال صويلح افا ياستاد انا ابقدم على كل الشركات وابعطيهم صوره مصدقه .المدير بصوت مبحوح بس هذا اذا اخذو اوراقك.وبدات تتحطم امال صويلح على عتية مكتب مدير شوون الطلاب .المهم ان صويلح بعد ماجاب واسطه لمدير شوون الطلاب قدر يصدق العشر نسخ .وطلع صويلح من الجامعه وطوالى على ديوان الخدمه المدنيه .اول شى قابله مالقى موقف للسياره حقته وكل ماراح لشارع لقاه مليان واخر شى راح يلبق بمواقف اقرب سوق (طبعا المواقف بالايجار.ركب اول لوموزين وقاله.صديق لو سمحت انا يبغى ديوان خدمه مدنية.سائق الليموزين يضحك بقوة ويقول ليه ماتتكلم زي الناس (يعنى تكلم عربى)قال صويلح اسمح لى يخوى مادريت انك سعودى شكلك بالبدله ابو رفق.ومير يقوله السواق منتب اول واحد يغلط على والله من واحد هزئن والله من واحد هج ما حاسب والله من حرمتن ركبت معى اوديه وقالت لى خلك بذا ابجى الحين ترجعن لمكانى الاول واعطيك الحساب وشفتك ولا شفته.صوليح :الله يعينك ياخوى لكن وش اللى حدك على هالشغله.السائق:سلامة عمرك بس انى قاعد اتعبر بهالليموزين الين تجى الوظيفه .صويلح :وكم لك بهالشغله ياخوى . السواق:خمس سنين.صويلح :فى داخل نفسه يقول صويلح شكل تخصصه مهب موجود بالسعودية .اكيد انه فيزياء نووية او التجاره عبر الانترنت او علوم الفضاء لكن انا وش دخلن .اسكت صويلح واكتفى بقولة الله يوفقك ولاهم على ابواب الخدمه المدنية.حاسب صويلح راع الليموزين ودخل المبنى واول ماقابله ريحة الصنان لان طوابير الخريجين واصله الفناء الخارجى للمبنى .طبعا صويلح فاهم راح للاستقبال وسالهم وين اقدم .قاله راع الاستقبال اليوم مايمديك .صويلح :طيب ليه تو الساعه ثمان ونص .راع الاستقبال :اللى تشوف ذولا نايمين على الرصيف البارح وماسكين سرا من صلاة الفجر قبل مانجى حنا.صويلح :اجل شكل الوضايف واجد.راع الاستقبال :اغديك تجى بكر ويسهل الله.ومير يطلع صويلح .راح صويلح للمواقف مع ليموزين ثانى واخذ سيارته .طبعا صويلح ماعنده وقت يضيعه. ويمشى على خطى حثيثة . ولقى ان افضل شى يروح له هو عمه وراح لعمه بالبيت يبى يضبط العلاقات علشان الا توظف يخطب نوال بنت عمه.ووصل صويلح لبيت عمه وطق الباب .وبعد شوى سمع صوت دغدغ اذانه وهز وجدانه وكان الصوت هذا يقول من عند الباب.
.................................................. .................................................. .................................................. .................................................. ................................
الجزء الثانى
صويلح :وهو مهب مصدق انه سمع صوت نوال يقول من عند الباب وبغى يقول افتحى انا حصة لكن انه باللحضات الاخيره صحى وقال انا صويلح وين عمى.راحت نوال تنادى ابوه .وفتح العم الباب وقال هلا والله بصويلح ....تفضل.
صويلح:تنيوط وحب راس ابوه (تنيوط يعنى وقف على روس اصابع رجليه) طبعا مالحق الاطرف الجبهه وحول الحبه على خشم عمه ودخل للمجلس .العم :صويلح وش اخبارك بشرنا عنك .صويلح :الحمد لله الحال تسرك ياعمى ابشرك تخرجت من الجامعة.طبعا عمه من الطقه القديمه ماتعنيله الجامعه شى ولا يدرى وش الطبخه ويبي يسوى نفسه فاهم وسأل صويلح عن تخصصه . قال صويلح طب بيطرى ياعم .وارتسمت علامات الذهول على جبين عمه واول ماتذكر المصرى اللى جاء يطق بقرتهم ببره وبعد يومين ماتت.وقال لصويلح طب بيطرى ياصويلح عاد!!!!!!!!!.وليه مارحت تدرس بالهلال الاحمر!!! .صوليح:ياعمى الهلال الاحمر دوره ست شهور بس وتصير مسعف على المرتبه الثانيه او الثالثه.بس الطب البيطرى ياعمى دراسه سبع سنين وتصير طبيب على المرتبه الثامنه.
العم:سكر العم شفتيه واخرج لسانه بينهما واصدر صوت ماهو غريب على احد وخاصة الا صار لحاله او بالحمام(حاول تجرب الحركة وانت تقرأ الان) واردف قائلا ياصويلح قل ماحصلى (بتشديد اللام) اي معالج الاوادم ولا معالج البقر.وبعدين مهب لازم المرتبه اللى تقول عليه. الارض ابرك.وتعجب صويلح من اهدار هذه السنوات على عتبة بيت عمه .واصيب بخيبة امل كبيرة .وكان مخطط يلمح لعمه بالخطبه وهون وقال منيب مفاتحه لين ينسى تخصصى وشرب الشاهى بجميع عواطفه لانه يعتقد ان اللى صلح الشاهى نوال مع انه مصخن عقب امس واللى مسويته العجوز واللى مصخنته الشغاله .وخرج صويلح من عمه وامضى باقى يومه هنا وهناك حتى اتاه الليل وذهب الى شارع ديوان الخدمه المدنية لينام هناك . فادركه الفجر وهو يتقلب على الرصيف بين احذية بافى الخريجين الذين لم يسعفهم التقديم بالامس .وبعد بزوغ الفجر انطلق الجميع فى ماراثون هائل تجاه البوابه ايهم يصل الاول ةيحجز له مكان .وكان صويلح مجتهد حيث احتل المركز العاشر بينهم وطبعا يوم وصلت الساعه الثامنه كل واحد منهم بدا يقلب ملفه ويتاكد منه .الموظفون بدأو فى التجهيز للفطور .البعض منهم مشترك فى الطبخ داخل الديوان والبعض الاخر متعاملين مع بعض الفوالين ومطاعم كبدة الحاشى وهذى هى الطبقة المرفهه فى الديوان.طبعا ريحة المرق حق الطبقة المتواضعة شققت خشوم الخريجين لانهم كلهم على الريق لكن معليش هو يوم بالعمر.وماغطى على ريحة المرقه حقت الطبقة المتواضعة الا ريحة التميز حق الطبقة المرفهه.وعند الساعة التاسعة والنصف انفض الجميع من موائد الفطور واللى راح يكمل الشاهى واللى راح يدخن وعند الساعة العاشرة بدا الدور الموعود وصويلح يراقب ويتامل كل ذلك ويشوف الناس تمشى واحد ورا الثانى الين جاء عنده الدور. ويوم وصل للموظف وبغا يهرج قاطعه الموظف:وش تخصصك . صويلح :طب بيطرى.الموظف :وش تدور عندنا. صويلح :ادور وظيفه الله يرضى عليك. الموظف :معليش والله ماعندنا وظايف تناسبك هلحين تشوف الاطباء حق البشر مالقوا عندنا وضايف و تبينا نامن لك وظيفة ياطبيب الغنم. صويلح :طيب اي شى ياطويل العمر. الموظف:ابقولك شى :تدرى اننا ماعندنا الا اربع وظايف ومحجوزه من قبل مانعلن عنه. صويلح :نعنبوكم اجل وشوله كل هالزحمه . الموظف :حنا كل سنه هذى حالتنا لزوم البهرجه وتضليل المسؤولين. طبعا صويلح لم يعد قادرا على الكلام وتحطمت اماله على باب ديوان الخدمة المدنية.الا انه اصر على النجاح فادار ظهره للموظف وتمتم بكلمات اضحكت الثانى فى السرا حيث لم يسمعها الا هو وخرج مسرعا من ديوان الخدمة المدنية الى اقرب كبرى ليستضل فيه ويفكر اين يذهب.وطرات عليه شركات الالبان حيث المكان المناسب لتخصصه.ومن صباح اليوم التالى فاذا هو بالخرج على ***** احد المزارع المنتجه للالبان حاملا ملفه العلاقي وعشر صور مصدقة من شهادة التخرج .واول من التقى البواب وقال له ممكن اقابل مدير شوون الموظفين.البواب بلغة ركيكة :انت يبغى مين . صويلح :انا يبغى نفر جوا .البواب :ممنوء. صويلح:انا دكتور لازم روح جوا . البواب:ماساء الله طيب انت يدخل بس لازم انت ماينسى انا . صويلح : مافيه مسكل .ودخل صويلح لم الشركه وشاف هكالهندى المفتول الشوارب اللى يقوله بصوت عالى ايس يبغى .صويلح رد عليه بهدوء :آى وونت جوب(انا ابغى وضيفه)
الهندى ما اعجبه الوضع وكاد ان يتفل عليه تفله مترجمه بالعربى لولا انه يدرى عن العجرا اللى يحطونه العرابجه تحت المرتبه ولكن الهندى تمالك نفسه وهو صاحب الفضل فى ذلك و............
.................................................. ..............................................
البقية فى الجمعة القادمة
صويلح ولد مملوح صك على عمره بالجامعه سبع سنين وكان صويلح كل يوم يكلم امه وزي العاده كل مره تساله متى تخرج ياوليدى وكل سنه يقول له مابقى شى يمه راح الكثير ولا بقى الا القليل..صوليح هذا شاف انواع المرمطه مايدرى من وين تجيه .هى اجار الغرفه اللى بالجامعه ولا بلاهة المدرسين ولا المطعم اللى غثهم بالرز المعبو.ط والدجاح الاسود (دجاج اسود الظاهر انه دجاج محنط).حتى خوياه اللى معه يطقون عليه انصاف الليالى علشان ينقلون منه الواجب.المهم ان صويلح اخيرا تخرج من الجامعه يتسابق هو وطموحاته لانه حصل عى معدل طيب . صويلح راح يبشر امه ومير تحلف انه تذبح له. ومير يعزمون اهل الحاره كلهم . ومن بعد العزيمه رجع للجامعة ومعه 10 صور للشهاده علشان يصدقهن من شؤون الطلاب .واول من قابل مدير شؤون الطلاب ومن هنا تبدا المأساة الحقيقة . اول شى عيا عليه المدير يصدقهن كلهن .وصويلح ينشد نفسه يقول وراه عيا شكله يبين اجيبله صطمبه ؟؟؟؟.وبصوت مرتفع وراك ياستاد ماتصدق لى الشهادات . ومير يبحلق به المدير ويقول له لانى عارف مارايح تستفيد منهنن.وقال صويلح افا ياستاد انا ابقدم على كل الشركات وابعطيهم صوره مصدقه .المدير بصوت مبحوح بس هذا اذا اخذو اوراقك.وبدات تتحطم امال صويلح على عتية مكتب مدير شوون الطلاب .المهم ان صويلح بعد ماجاب واسطه لمدير شوون الطلاب قدر يصدق العشر نسخ .وطلع صويلح من الجامعه وطوالى على ديوان الخدمه المدنيه .اول شى قابله مالقى موقف للسياره حقته وكل ماراح لشارع لقاه مليان واخر شى راح يلبق بمواقف اقرب سوق (طبعا المواقف بالايجار.ركب اول لوموزين وقاله.صديق لو سمحت انا يبغى ديوان خدمه مدنية.سائق الليموزين يضحك بقوة ويقول ليه ماتتكلم زي الناس (يعنى تكلم عربى)قال صويلح اسمح لى يخوى مادريت انك سعودى شكلك بالبدله ابو رفق.ومير يقوله السواق منتب اول واحد يغلط على والله من واحد هزئن والله من واحد هج ما حاسب والله من حرمتن ركبت معى اوديه وقالت لى خلك بذا ابجى الحين ترجعن لمكانى الاول واعطيك الحساب وشفتك ولا شفته.صوليح :الله يعينك ياخوى لكن وش اللى حدك على هالشغله.السائق:سلامة عمرك بس انى قاعد اتعبر بهالليموزين الين تجى الوظيفه .صويلح :وكم لك بهالشغله ياخوى . السواق:خمس سنين.صويلح :فى داخل نفسه يقول صويلح شكل تخصصه مهب موجود بالسعودية .اكيد انه فيزياء نووية او التجاره عبر الانترنت او علوم الفضاء لكن انا وش دخلن .اسكت صويلح واكتفى بقولة الله يوفقك ولاهم على ابواب الخدمه المدنية.حاسب صويلح راع الليموزين ودخل المبنى واول ماقابله ريحة الصنان لان طوابير الخريجين واصله الفناء الخارجى للمبنى .طبعا صويلح فاهم راح للاستقبال وسالهم وين اقدم .قاله راع الاستقبال اليوم مايمديك .صويلح :طيب ليه تو الساعه ثمان ونص .راع الاستقبال :اللى تشوف ذولا نايمين على الرصيف البارح وماسكين سرا من صلاة الفجر قبل مانجى حنا.صويلح :اجل شكل الوضايف واجد.راع الاستقبال :اغديك تجى بكر ويسهل الله.ومير يطلع صويلح .راح صويلح للمواقف مع ليموزين ثانى واخذ سيارته .طبعا صويلح ماعنده وقت يضيعه. ويمشى على خطى حثيثة . ولقى ان افضل شى يروح له هو عمه وراح لعمه بالبيت يبى يضبط العلاقات علشان الا توظف يخطب نوال بنت عمه.ووصل صويلح لبيت عمه وطق الباب .وبعد شوى سمع صوت دغدغ اذانه وهز وجدانه وكان الصوت هذا يقول من عند الباب.
.................................................. .................................................. .................................................. .................................................. ................................
الجزء الثانى
صويلح :وهو مهب مصدق انه سمع صوت نوال يقول من عند الباب وبغى يقول افتحى انا حصة لكن انه باللحضات الاخيره صحى وقال انا صويلح وين عمى.راحت نوال تنادى ابوه .وفتح العم الباب وقال هلا والله بصويلح ....تفضل.
صويلح:تنيوط وحب راس ابوه (تنيوط يعنى وقف على روس اصابع رجليه) طبعا مالحق الاطرف الجبهه وحول الحبه على خشم عمه ودخل للمجلس .العم :صويلح وش اخبارك بشرنا عنك .صويلح :الحمد لله الحال تسرك ياعمى ابشرك تخرجت من الجامعة.طبعا عمه من الطقه القديمه ماتعنيله الجامعه شى ولا يدرى وش الطبخه ويبي يسوى نفسه فاهم وسأل صويلح عن تخصصه . قال صويلح طب بيطرى ياعم .وارتسمت علامات الذهول على جبين عمه واول ماتذكر المصرى اللى جاء يطق بقرتهم ببره وبعد يومين ماتت.وقال لصويلح طب بيطرى ياصويلح عاد!!!!!!!!!.وليه مارحت تدرس بالهلال الاحمر!!! .صوليح:ياعمى الهلال الاحمر دوره ست شهور بس وتصير مسعف على المرتبه الثانيه او الثالثه.بس الطب البيطرى ياعمى دراسه سبع سنين وتصير طبيب على المرتبه الثامنه.
العم:سكر العم شفتيه واخرج لسانه بينهما واصدر صوت ماهو غريب على احد وخاصة الا صار لحاله او بالحمام(حاول تجرب الحركة وانت تقرأ الان) واردف قائلا ياصويلح قل ماحصلى (بتشديد اللام) اي معالج الاوادم ولا معالج البقر.وبعدين مهب لازم المرتبه اللى تقول عليه. الارض ابرك.وتعجب صويلح من اهدار هذه السنوات على عتبة بيت عمه .واصيب بخيبة امل كبيرة .وكان مخطط يلمح لعمه بالخطبه وهون وقال منيب مفاتحه لين ينسى تخصصى وشرب الشاهى بجميع عواطفه لانه يعتقد ان اللى صلح الشاهى نوال مع انه مصخن عقب امس واللى مسويته العجوز واللى مصخنته الشغاله .وخرج صويلح من عمه وامضى باقى يومه هنا وهناك حتى اتاه الليل وذهب الى شارع ديوان الخدمه المدنية لينام هناك . فادركه الفجر وهو يتقلب على الرصيف بين احذية بافى الخريجين الذين لم يسعفهم التقديم بالامس .وبعد بزوغ الفجر انطلق الجميع فى ماراثون هائل تجاه البوابه ايهم يصل الاول ةيحجز له مكان .وكان صويلح مجتهد حيث احتل المركز العاشر بينهم وطبعا يوم وصلت الساعه الثامنه كل واحد منهم بدا يقلب ملفه ويتاكد منه .الموظفون بدأو فى التجهيز للفطور .البعض منهم مشترك فى الطبخ داخل الديوان والبعض الاخر متعاملين مع بعض الفوالين ومطاعم كبدة الحاشى وهذى هى الطبقة المرفهه فى الديوان.طبعا ريحة المرق حق الطبقة المتواضعة شققت خشوم الخريجين لانهم كلهم على الريق لكن معليش هو يوم بالعمر.وماغطى على ريحة المرقه حقت الطبقة المتواضعة الا ريحة التميز حق الطبقة المرفهه.وعند الساعة التاسعة والنصف انفض الجميع من موائد الفطور واللى راح يكمل الشاهى واللى راح يدخن وعند الساعة العاشرة بدا الدور الموعود وصويلح يراقب ويتامل كل ذلك ويشوف الناس تمشى واحد ورا الثانى الين جاء عنده الدور. ويوم وصل للموظف وبغا يهرج قاطعه الموظف:وش تخصصك . صويلح :طب بيطرى.الموظف :وش تدور عندنا. صويلح :ادور وظيفه الله يرضى عليك. الموظف :معليش والله ماعندنا وظايف تناسبك هلحين تشوف الاطباء حق البشر مالقوا عندنا وضايف و تبينا نامن لك وظيفة ياطبيب الغنم. صويلح :طيب اي شى ياطويل العمر. الموظف:ابقولك شى :تدرى اننا ماعندنا الا اربع وظايف ومحجوزه من قبل مانعلن عنه. صويلح :نعنبوكم اجل وشوله كل هالزحمه . الموظف :حنا كل سنه هذى حالتنا لزوم البهرجه وتضليل المسؤولين. طبعا صويلح لم يعد قادرا على الكلام وتحطمت اماله على باب ديوان الخدمة المدنية.الا انه اصر على النجاح فادار ظهره للموظف وتمتم بكلمات اضحكت الثانى فى السرا حيث لم يسمعها الا هو وخرج مسرعا من ديوان الخدمة المدنية الى اقرب كبرى ليستضل فيه ويفكر اين يذهب.وطرات عليه شركات الالبان حيث المكان المناسب لتخصصه.ومن صباح اليوم التالى فاذا هو بالخرج على ***** احد المزارع المنتجه للالبان حاملا ملفه العلاقي وعشر صور مصدقة من شهادة التخرج .واول من التقى البواب وقال له ممكن اقابل مدير شوون الموظفين.البواب بلغة ركيكة :انت يبغى مين . صويلح :انا يبغى نفر جوا .البواب :ممنوء. صويلح:انا دكتور لازم روح جوا . البواب:ماساء الله طيب انت يدخل بس لازم انت ماينسى انا . صويلح : مافيه مسكل .ودخل صويلح لم الشركه وشاف هكالهندى المفتول الشوارب اللى يقوله بصوت عالى ايس يبغى .صويلح رد عليه بهدوء :آى وونت جوب(انا ابغى وضيفه)
الهندى ما اعجبه الوضع وكاد ان يتفل عليه تفله مترجمه بالعربى لولا انه يدرى عن العجرا اللى يحطونه العرابجه تحت المرتبه ولكن الهندى تمالك نفسه وهو صاحب الفضل فى ذلك و............
.................................................. ..............................................
البقية فى الجمعة القادمة