معاكم على الخير
16-12-2005, 01:02 PM
بديت باسم الله علاّم الأسرار يافارض الإسلام وانته نصيره
رافع سماك وباسط أرضك والابحار تفرج لنا الضيقات لوهي كثيره
من بعدها هاضت شجوني للأشعار بكتب بحورٍ وسط قلبي غزيره
بحور شعرٍ شبت بقلبي النار من حر مابي نار قلبي سعيره
انا يتيمه ومات زوجي بالاسفار سفرة علاجٍ لين واجه مصيره
عقبه حياتي ماشيه درب الأخطار مات السند يانيّرين البصيره
خلى لي فروخٍ مساكين وصغار نشرب عنا الدنيا بكاس المريره
الدمع من عيني على الخد مدرار والنفس تعبانه وحالي كسيره
قالوا لي اخواني وربعي هل الدار حطي فلوس الورث تنفع ذخيره
( العيد والجمعه وبن حسن) من الناس الأخيار يعطونك ارباحك بمده قصيره
حطيت اناالمبلغ وزودت الأصفار لكن ظروف الوقت صارت عسيره
راحت فلوسي كلها صار ما صار أصفق على الكفين ويلي فقيره
حطو لنا لجنة وقاست بالاشبار نرجي البشاير ياعسى الأمر خيره
قلبي حزينٍ ياهلي غير صبار والنفس ملتاعه وروحي خطيره
واليوم خدّامه ببيوت الأخيار لجل العيال اللي يبون الستيره
صحيح من قال الزمن دوم دوار بأول حياتي كنت شيخه أميره
واليوم تلعب بي صواديف الأقدار عقب الحراير مالقيت الحصيره
انا ضحيّه والضحايا ترى كثار طافت علينا ياهي لعبه كبيره
يامن يجيب العلم ليّه والأخبار من شان تهنى عيني اللي سهيره
مشكاي لله ثم للحاكم البار مشهود له بالطيب في كل سيره
ياخادم البيتين يامزبن الجار موضوعنا محتاج لمسه أخيره
غيثك لشعبك مثل همال الأمطار وجمايلك في كل بيتٍ وديره
ويا الله يامنْجي رسولك من الغار تحفظ ولاة الأمر أسود الجزيره
رافع سماك وباسط أرضك والابحار تفرج لنا الضيقات لوهي كثيره
من بعدها هاضت شجوني للأشعار بكتب بحورٍ وسط قلبي غزيره
بحور شعرٍ شبت بقلبي النار من حر مابي نار قلبي سعيره
انا يتيمه ومات زوجي بالاسفار سفرة علاجٍ لين واجه مصيره
عقبه حياتي ماشيه درب الأخطار مات السند يانيّرين البصيره
خلى لي فروخٍ مساكين وصغار نشرب عنا الدنيا بكاس المريره
الدمع من عيني على الخد مدرار والنفس تعبانه وحالي كسيره
قالوا لي اخواني وربعي هل الدار حطي فلوس الورث تنفع ذخيره
( العيد والجمعه وبن حسن) من الناس الأخيار يعطونك ارباحك بمده قصيره
حطيت اناالمبلغ وزودت الأصفار لكن ظروف الوقت صارت عسيره
راحت فلوسي كلها صار ما صار أصفق على الكفين ويلي فقيره
حطو لنا لجنة وقاست بالاشبار نرجي البشاير ياعسى الأمر خيره
قلبي حزينٍ ياهلي غير صبار والنفس ملتاعه وروحي خطيره
واليوم خدّامه ببيوت الأخيار لجل العيال اللي يبون الستيره
صحيح من قال الزمن دوم دوار بأول حياتي كنت شيخه أميره
واليوم تلعب بي صواديف الأقدار عقب الحراير مالقيت الحصيره
انا ضحيّه والضحايا ترى كثار طافت علينا ياهي لعبه كبيره
يامن يجيب العلم ليّه والأخبار من شان تهنى عيني اللي سهيره
مشكاي لله ثم للحاكم البار مشهود له بالطيب في كل سيره
ياخادم البيتين يامزبن الجار موضوعنا محتاج لمسه أخيره
غيثك لشعبك مثل همال الأمطار وجمايلك في كل بيتٍ وديره
ويا الله يامنْجي رسولك من الغار تحفظ ولاة الأمر أسود الجزيره