ابيات شعر لواحد أدمن السوق. [الأرشيف]

مشاهدة النسخة كاملة : ابيات شعر لواحد أدمن السوق.

الــــذيــب

01-11-2005, 04:07 AM

ابيات شعر لواحد أدمن السوق وضاق صدره بعد ماقفل السوق خلال اجازه عيد الفطر المبارك وقال ابيات شعر يتغزل بأم عياله والسوق مأثر عليه :613: :

ترا أسهم حبك في محفظة قلبي تزيد ******وكل يوم تقفل نسبه في كل يوم عيد

لاتجميع لامضاربه...بس استثمار بعيد***** لامواشي لاتعمير..حبك مثل سابك ويمكن يزيد

ناوي ارفع رأس مالك وأمنحك منحه يالحبيب ***** سهم في المجموعه وزجاج ..والا تدري؟ انت اغلى وتزيد.

وسلامتكم..

ابوفاطمه

01-11-2005, 04:10 AM

بصراحه ما قد شفت واحد مدمن سوق اسهم مثلك ابو مشعل
بس ادمان مفيد

الــــذيــب

01-11-2005, 04:13 AM

ههههههههههههههههههههه

وسع صدرك ياابوفاطمه....مابعد شفت شئ :)

اصبر لك يومين وتشوف الادمان وش يسوي هههههههه

تحياتي

اكسفورد

01-11-2005, 04:23 AM

هههههههههههه..والله أبيات رهيييييييبة...صح لسانك يالذيب الامعط....

maged960

01-11-2005, 04:30 AM

صـــــــح لسانك

الحـبردي

01-11-2005, 04:37 AM

ابوفاطمه

01-11-2005, 04:39 AM

ابومشعل عزوتي مايفك الحـــــديد الا الحديد
دام يمينك طايله مايهــــــــــم لابعيد ولا قريب

لونسيم الليل بارد يتبعه حـــــــــر شــــــــــديد
وكتفينا ونتهنا يوم صار لكل واحـــــد خطيب

والهلامي لايهمك لوكتب وابـــــــــــــدع قصيد
عايشين بعـز يوم بعض الناس يحتاج الطبيب

صــــــــــــــــــــــح لســـــــــــــــــــــانك يابو بدر

الــــذيــب

01-11-2005, 05:27 AM

ابومشعل عزوتي مايفك الحـــــديد الا الحديد
دام يمينك طايله مايهــــــــــم لابعيد ولا قريب

لونسيم الليل بارد يتبعه حـــــــــر شــــــــــديد
وكتفينا ونتهينا يوم صار لكل واحـــد خطيب

والهلامي لايهمك لوكتب وابـــــــــــــدع قصيد
عايشين بعـز يوم بعض الناس يحتاج الطبيب

انصحك ياابوبدر نصيحة حبيب ***** عليك بسابك وسافكو تراها صواريخ عيد

وشيخ لانيب ناسيه ولاهو غريب ***** التصنيع ترا له سعرن جديد

700 و 800 من الماضي البعيد*****وال 900 وال 1000 قريبا وبعد العيد

" والله من زين الشعر " هههههههههههههههه

صقار311

01-11-2005, 05:31 AM

ابـــو مشـــعل

كل عــــام وانــت بخــير
.....
فـرحة الأعــياد بشوفك تكــتمل
وانت عيد القلب يومه يحـــتويك
,
وش يفيد القول وترتيب الجــمل
دام كل حــروف حــبي تنتـخــيك
,
والــرســايل بينــنا همـزة وصــل
وعيدك مبارك عسا الفرحة تجيك
,
والكــواكب دايـــرة دورة زحــــل
والقمــر طالــع بنــوره يحــتريك
...
تحيـــاتـي وتقـــديري

صقار311

01-11-2005, 05:46 AM

جيتك وفاء واخلاص والشوق ذبّاح
ــــــــــــــــــــــــــــــــــــــــــ
جيتك بطـفي حرقــت الشوق وأرتاح
جيتــك جــروح تحـــــترق في حنيني
,,
جيتك وفاء واخلاص والشوق ذبّاح
جيتـك دمــوعٍ تـرتجــــف من ونيني
,,
جيتـك مشاعر عطـرها دوم فـــوّاح
جيتك عـلى وعــد اللقـاء تحــتريني
,,
جيتك وحبـك عـاليٍ فـــوق ما طـاح
زاده غــلى وقــــتٍ قســى ما يلينـي
,,
جيتك معــذب بدنيتي ليــل وصْبــاح
وأرجي تـــــرو ف بحالتي ياضنيني
,,
لو راح عـمـري أرتجيك لا ما راح
ولو طال هجــــرك الأمل باقيٍ فيني
,,
حظـي بعـدكِ أشهـر السـيف سفـّاح
والعمر يســري وإنـت ما ترحميني
,,
يا غايبه قلبي غرامه عكس الأرياح
تلعـبـّه الأقــــدار وإنـــت تجهـلينـي
,,,

صقار311

01-11-2005, 05:57 AM

قولي : غبي جداً وقولي : بعد ... لوح؟!
ــــــــــــــــــــــــــــــــــــــــــــــــ
روحي وخلي طاري الحب تكفين
وأنا لك الله بس دقايق وباروح
خلينا نكذب .. يمكن أنسى وتنسين
أفضل نغيب أحباب في صمت ووضوح
حاولت أطير و ذكرياتك .. جناحين
بس كيف أطير وداخلي قلب ... مذبوح ؟
قولي عرفته خمسه اثنين ... ألفين
ويومه ... عرفت الحب والخوف والبوح
وقولي بكيت وقال : فدوه لها لعين
وقولي ضحكت وقال ,, أشقر ومملوح ,,
وقولي : عطيت من الهدايا كتابين
وسبحه وخاتم وأغنيه بصوت مبحوح
وقولي : عطيته ورد وأزهار .. نوعين
نوع طبيعي ونوع اصفر بلا روح
وقولي : ذكرت الله ورتلت.. ,,ياسين ,,
يومه يجيني يشكي الوقت .. مجروح
وقولي : شذاه الوقت وادري على.. وين ؟؟
لحزنه و.. فقره ..وأسود الحظ و.. البوح
وأنا عرفت الحب يصدق مع... اثنين
ذكي عديم إحساس قاسي ... ومفضوح
ياحب ... يا أبن الكلب .. يا زفت ياطين !!
,,يلعن ابوي,, أن قلت لك يوم مسموح !!
قولي : مجرد شخص ومثله كثيرين
قولي : غبي جداً وقولي : بعد ... لوح؟
..............

الــــذيــب

01-11-2005, 06:14 AM

صح لسانك يا ابوبندر

مبدع بالشعر كما هو ابداعك في السوق :)

بارق1

01-11-2005, 12:36 PM

يا صاحبي يا سيدي يا هلا بك = = صدقني الدنيا بدونك ولا شي

انت الحيد اللي نحسّب حسابك = = اقوم لك واقاسمك في معاشي

بعض العرب عندي كما سهم سابك = = والبعض الاخر مثل سهم المواشي

علي محمدسليمان

01-11-2005, 12:41 PM

يابو مشعل اثريك منتب سهل بعد شاعر ما شاء الله خذ هالبيتين
من مغليك علي محمد سليمان
ابو مشعل دايما اسهمه فوق ***كل يوم نسبة واكثر وزود
ما خسرنا من صاحب الذوق ***وسافكو وسابك كلهم جود
طبعا واقولها بكل صراحة وبدون مجاملة يا ابو مشعل انت صاحب الذوق وصاحب الردود المتزنه بارك الله فيك
وكل عام وانتم بخير ومن العايدين الفايزين

فهد الحربي

02-11-2005, 01:51 AM

:fly: ونتي ياونتي سبت مضارب عنيد :fly: راعي الاسلاك مايوم لناء بخير نوى :fly: الخواجه الوكاد انه شديد :fly: كم ذيب سبته سند الظلع وعوى :fly: يالله اني طالبك تهديه يامحيي العبيد :fly: لجل كل تجميعه على السهم استوى :fly:

General2

02-11-2005, 03:51 AM

من جدا رائعه يابومشعل جتني اليوم بالجوال ودفيتها بعنوان رائع في الاسهم هناك عندك:)
وتصدق انه ناس قرو العنوان فقط وارسلو لي بالخاص يقولون انت متوكد قلت لهم ياناس هاذي مسج:)
عيدك مبارك وكل عام انت والاخوه الكرام بخير

بنادوول

02-11-2005, 04:09 AM

بنــــــك الراجـــــحي يطـــير فوق... ويحـــلللللق

وانا قــــــلبي بســــهم المجــــموعه.... متعلللللق

صـــــدق إننه ســــوق هــوامير... ســـــمـللللق

يفرحـــــــون إذا شـــــافوا الواحــــد.... يتقلللق

هم الواحد فيهم كيف على ظهورنا... يتسلللق

تحياتي لكم.ابوناصر شاعر بالأسهم.. توهق:607:

:613: :613: :613:

SIF

02-11-2005, 06:35 AM

جزاكم الله خير وكل عام أنتم بخير

أدخلتم السرور على قلوبنا

أسمريكا

03-11-2005, 04:19 AM

مـــــــــــاهمـــــني ســـود الليالي والذيب موجـــود.....ماهمني قسى القوت مع لينه..

مـــاهمني لـــوجتني همومي طوابير وجنود*****ماهمني زماني زينه وشينه..

حيثه عضيدي واليا انتخيته موجود*****سيفي ودرعي ليا حان حينه..

شيخ ولد شيخ يافزعه المضهود******كساب المراجل كلها شراع السفينه..

أبومشعل أنـــادونكم شيء مفقود*****صفر على الشمال كلنا عارفينه

والبقيه بالطريق تأتي بأذن الله

olhan999

03-11-2005, 04:04 PM

ما شاء الله طلع عندنا شعراء في المنتدى والاسهم شاغلتهم عن الشعر

تكفون لا تحرمون بما تخط ايديكم وافكاركم لو بالقليل

صقار311

10-11-2005, 01:54 PM

فــرحـة الأعــياد بشـــــوفك تكتـمل
وانــت عـــيد القلب يومه يحــتويك

وش يفـــيد القــول وترتــيب الجمل
دام كل حــــروف حـــبي تنتخـــــيك

والرســـايل بينــــنا همـــزة وصــل
وعيدك مبارك عسا الفرحة تجـيك

والكــواكـب دايــــرة دورة زحـــــل
والقمـــر طـالــع بنـــوره يحــتريك

الــــذيــب

11-11-2005, 01:21 AM

غلاك عندي بالسماء مرتفع فوق ,,,,,,,, دايم مكانه ثابتن عند حده

مهوب سهم تحكمه حالة السوق ,,,,,,,, ولاهوب سلعة تنتهي عقب مده

قلبي يضخه في شرايين وعروق ,,,,,,, عشق سماوي ماخلق من يرده

وسلامتك :509:

صقار311

12-11-2005, 12:35 AM

احـــب الصــراحه والصــراحه بها مســرور
حــيث الصـــراحه تقـطــع الشـــك والضـنــه
,,
واحـــب الــرجال العـــارفه واكــره المغرور
ومــــن اغـــتر في بعــض المظاهــر يغـــرنه
,,
واحـــب الكـــريم اللــي يفــرج عــن المعسور
لـــيا مـــن عـــطا حــتى هــــله مــا درو عـنـه
,,
واحـــب الجـــماله والجـــماله عمــل مــبرور
واحــــب الغــــناه وأعــــز نفســي عـن المنه
,,
وســـــــــلا متــــــك

الحـبردي

12-11-2005, 10:46 PM

احـــب الصــراحه والصــراحه بها مســرور

حــيث الصـــراحه تقـطــع الشـــك والضـنــه
,,
واحـــب الــرجال العـــارفه واكــره المغرور
ومــــن اغـــتر في بعــض المظاهــر يغـــرنه
,,
واحـــب الكـــريم اللــي يفــرج عــن المعسور
لـــيا مـــن عـــطا حــتى هــــله مــا درو عـنـه
,,
واحـــب الجـــماله والجـــماله عمــل مــبرور
واحــــب الغــــناه وأعــــز نفســي عـن المنه
,,
وســـــــــلا متــــــك

واحـــب الــرجال العـــارفه واكــره المغرور
ومــــن اغـــتر في بعــض المظاهــر يغـــرنه

the sea

13-11-2005, 02:16 AM

جزاك الله خير اخي الفاضل

الــــذيــب

13-11-2005, 02:19 AM

أنا من نجد يكفيني هواها
ويبري لوعتي شربي لماها

وشوفي من نبيه ومن نوده
غزال تابع قلبي هواها

غزال ضيعت عقلي وروحي
رمت قلبي وقلبي ما رماها

لها بالروح وفوادي موده
ولا شي من أحوالي خفاها

تعرف إني لها مملوك طايع
أبيع الروح في دورة رضاها

أهيم بحبها واخفي جروحي
وقلبي ما عشق زول سواها

توقد حبها باقصى فوادي
ونار الحب يحرقني لظاها

ملكني بالهوا عذب السجايا
ولا اذكر ساعة قلبي نساها

نحيل الخصر وضاح الثنايا
نظيم الدر منظوم بفاها

فجعني بالهوا ورقا حمامه
إلى غنت يذكرني غناها

يذكرني وليف غاب عني
وعيني منه جاها ما كفاها

ورا دنياي عقبه لوعتني
من الفرقا تكدر لي صفاها