الخطوط السعوديه و صاحب الكلب

[أ بوفهد]

السلام عليكم ورحمة الله وبركاتة
بلغنا و أياكم شهر رمضان المبارك وجعلنا من المرحومين المغفورين المعتوقة
رقابهم من النار

وبعد

السالفة تقول :
كانت فيه رحلة طالعه من الرياض ورايحة لـ لندن
المهم .. وكان أحد المسافرين ( بريطاني ) معه قفص فيه كلب .. طبعاً مع الشنط والعفش
ويوم وصلوا لندن .. إلا والله هالكلب فطس ومات .. ( مات يا عيني عليه )

وأبتلشوا طاقم طيارة .. عاد هم يعرفون أن الخواجات يحبون الكلاب أكثر
من عيالهم , ومهم عارفين كيف يحلو هذي المشكله
ولا يبون يخلون سمعة الخطوط السعودية ردية ( زودن على الردى اللي هم فيه )

فـ قرروا أنهم يقولون لصاحب الكلب .. أن القفص نسوه بالرياض
على بال ما يدبرون له كلب زيه بالضبط .. نفس الألوان ونفس الفصيلة ونفس الشكل
.

.
.


بعد كم يوم أرسلوا لـ صاحب الكلب .. وقالوا له تعال أستلم كلبك
تفاجأ الرجال يوم شاف القفص وبوسطه الكلب

؟؟؟؟؟


قال لهم :
أنا كلبي مات بالرياض وجيت أدفنه هنا بـ لندن
كيف حيا !!


** ماشاء الله عليهم الخطوط السعودية خدماتهم فوق الوصف ونعم الخدمه

[sahood999]

اخوي ابو فهد
احسنت على هذا الخيال الرائع والمفيد ,الحقيقه انهم يستاهلون اكثر حيث الخدمة السيئه والاحتكار ,لاتخصيص ليستفيد الشعب ولاالسماح بدخول شركات اخرى ,,
انه الجشع ,,حسبنا الله ونعم الوكيل

[ابو الوليد2004]

حسبي الله ونعم الوكيل ، خدمات سيئة والحجز عندهم كأنك تنتظر طابور جمعية في مصر .

[حيرة الذيب]

يقولون فيه نيه دخول ثمان شركات للمنافسه مع الخطوط ....... هل هذا صحيح ......... لكني مستغرب ثمان نبي ثنتين والا ثلاث بس ....... لانها لاكثرت دبرت مثل مايقولون ....... تحياتني ,’,

[ابو جهاد1]

فيه خدمة غير الخطوط السعوديه وهي الخيال او خياله ولاكنها غاليه شوي وموجوده هنا بالسعوديه
وفيها خدمات ولا في الاحلام



اما قصة الكلب روعه روعه ههههههههه

[غازي الحربي]

هذا كلب اجنبى له قيمة واحترام ؟؟؟؟؟؟؟؟؟؟؟؟؟