الاخوان المضاربين ما رايكم في هذا الطريقه المتواضعه

[ابو يارا]

اخواني الاعزاء اعضاء المنتدي تحيه طيبه

ما رائيكم اخواني وانا والله علمي في السوق وما شئ على حظ وتوفيق من الله

لو اشتريت مثلا ب15000 ريال في المواشئ ولنقل المواشئ سعرها 19.5

15000 / 19.5 يعني عدد الاسهم هو 769

وفي نفس اليوم بعت بملغ 19.75 بفارق 0.25

769 * 0.25= 192 ريال مكسب ويأخذ البنك 15 ريال بيع وشراء
يعني يصفالي في الاخر 162 في اليوم

ما هو رائيكم في هذا الطريقه ولو قلت انني فعلتها في اليوم مرتين يعني
126* 2 = 324 ريال

واذا تكرر هذا معي عشره ايام في الشهر بمعنا 324 * 10 = 3246 ريال

يعني ادخل راس المال خلال عشره شهور

ايش رائيكم يا اهل الخبره بطريقتي
لا تنسون انني غشيم

[ابو يارا]

وينك يا استاذ نديم ما ترد علينا ولا يهنون القراء

[ابو عمار]

اخي الكريم ربما تنفع هذه الطريقة في بعض الاسهم ولاكن استبعد حدوث ذلك في شركة المواشي واذا قمت بذلك فلن تزيد عن عملية واحدة فقط ويشترط لذلك كثير من الحظ.

[riyadhtrader]

مادام راس المال يتحرك فأنت كسبان بحول واحد أحد

[سعدابوالليل]

من وجهة نظري اهم شئ المكسب قل او كثر المهم تسلم من الخسارة حتى لو بعت براس المال الي شريت به يعني انك خسرت عمولة البنك فهذي ايضا خسارة لذلك اهم شئ تطلع صاغ سليم .
و دمتم ..

[انا]

ابو يارا .. انا اقول لك .. طريقتك جدا ناجحه ومعروفة ...
ولكن وش رايك اذا قلت لك ان المواشي بالذات .. والاسهم الرخيصة ... تمر عليها ايام وهي تنفذ بنفس السعر ... ويوم تجي تشتري باقل يبي لك تصف سرا وقدامك تقريبا سبعمية الف... يعني انسى الموضوع
انت لو تقول في الكهرباء .. اقول لك صح .. بس لاحظ ان ربع ريال في الكهرباء يعتبر لا شيء

[السهم المكسور]

الأخ ابو يارا
أنا من وجهة نظري أن المشكلة هو في المبلغ 15000 ريال الذي يلزمك بشراء أسهم في المواشي
وأنت تعلم بأن المواشي قد يمر عليها أسبوع أو عدة أيام وهو لايتحرك
أنا من وجهة نظري أن تزيد المبلغ إلى 30000 ريال حتى تتمكن من شراء أسهم بعض الشركات الأفضل نسبيا من المواشي والتي تتحرك بإستمرار مثل صدق والسيارات ...إلخ والله يرزقك ويرزق الجميع إن شاء الله
والأخ نديم الشاشة قد يعطيك رأي أفضل ولكن هذا رأيي

[ابو يارا]

تسلمون والله على نصايحكم والله يوفقكم

[ابو مسار]

ابو يارا

اذا نزل السهم عن قيمة شرائك 1\2 ريال ماذا ستفعل ؟ هل ستبيع ام تنتظر عدة ايام ؟ طبعا السؤال في المواشي ؟

[ابو يارا]

ابو مسار والله انك صادق المواشى هذا ما لها امان
بس بطلت بروح صدق ولا نماء

[ابو مسار]

الباحة تراها حليييوووه

[Engineer2003]

ثروتي كانت توصل ملايين في جلسه وحده على الاله الحاسبه
بس اذا دخلت السوق تختلف الموازين
لانه بالفعل لو تعمل 30 عمليه ناجحه بربح فقط 2 بالمائه(بعد العموله) على سبيل المثال ولم يتخللها اي خساره سيكون ربحك 80 بالمائه تقريبا اذا ماني غلطان
وبعد 60 عمليه سيكون الربح 300 بالمائه وهلم جره
طبعا بشرط انك تضيف الارباح الى رأس المال
:)

[ابو يارا]

كاتب الرسالة الأصلية Engineer2003
ثروتي كانت توصل ملايين في جلسه وحده على الاله الحاسبه
بس اذا دخلت السوق تختلف الموازين
لانه بالفعل لو تعمل 30 عمليه ناجحه بربح فقط 2 بالمائه(بعد العموله) على سبيل المثال ولم يتخللها اي خساره سيكون ربحك 80 بالمائه تقريبا اذا ماني غلطان
وبعد 60 عمليه سيكون الربح 300 بالمائه وهلم جره
طبعا بشرط انك تضيف الارباح الى رأس المال
:)

اسف ما فهمت اي شئ من يلي كتبت يعني الطريقه ممتازه ولا لا

[أبو رزان]

يا مدور الأرباح رأس مالك لا يضيع

[ابو يارا]

كيف يضيع وانا كسبان

[ابو فيصل]

طريقة حلوه بس مو فعاله

[كل خميس]

تتصيد الأسهم اللي فيها مجال للمضاربة وسعرها تحت المئة معقولة
بس المواشي الكميات هائلة وعشان تربح محتاج للحظ والحظ مو كل مره معك

[الصائب]

أنت كسبان الصحة والعافية إنشاء الله دام فلوسك باقي معك حاول تفكر ززززززين وتززززيد رآس مالك شوي ثم تتجه لأحد الشركات ذات العوائد حتى لوكان سعرها غالي بس تعطيك في نسبة التذبذب أكثر من ريالين أو ثلاثة في اليوم ونتمنى لك التوفيق.

[ابو يارا]

الصائب كلامك عسل والله يعطيك العافيه
لكن الشركات العائده مثل ايش التي تنصح بها

[الصائب]

الشركات ذات العوائد أو الشركات الممتازة كثيرة ولله الحمد مثل:
الكهرباء ، والأسمنتات ، وسابك ، والأسمدة ، وصافولا ، والجبس ، ومكة ,وغيرها كثير ،،

[ابو يارا]

تسلم اخي على سرعه الرد على وبأخذ رأيك بهتمام
الله يوفقك ويوفقنا

[مهم]

حركه حلوه اهم شي تطلع يومك كسبان

[Engineer2003]

الطريقه حلوه اذا عرفت متى تدخل ومتى تطلع
لا تحدد شركه بعينه
حدد نسبة الربح مثلا 1% الى 2%
وبكذا تقدر تضارب في كل الاسهم حتى الراجحي كل يوم فيه تذبذب في حدود ال 8 ريال اي 1 بالمائه وارجع الى هذا الرابط وشوف اخر 6 ايام للراجحي

http://www.tadawul.com.sa/quotes/last5.asp?QuoteCode=1120
الغاز
http://www.tadawul.com.sa/quotes/last5.asp?QuoteCode=2080
الدوائيه
http://www.tadawul.com.sa/quotes/last5.asp?QuoteCode=2070

الخ

الخلاصه حدد نسبة ربحك وضارب في كل الاسهم واقتنص الفرص

وسلامتك

[اسعد]

ما دام انك غشيم بابو يارا ......
:pوشوله تغامر
سو مثل الشيبان .....
اشتر في عدة شركات ... ( وارجن عليهن ) .... بس لا تطول
وإلا شفت اي وحده منهن قازة بعها ....
(( وش رايك بها الحل )))

[ابو يارا]

تسلمون على رددوكم
اخي اسعد اشوف رائ مساهم نشيط دخل نافووووووووووووخي
على العموم جزاكم الله خير

[السهم الطائر]

يا طول بالك

على فكره العموله 15 بيع و15 شراء

ما هو زي ما تفضلت 15 بيع وشراء انتبه
وعلى فكره ما دايم تجي القمراء على هواء الساري

[ابو يارا]

السهم الطائر
جزالك الله خير نعم 15 بيع 15 شراء

ولاكن صدق يبيلها طولت بال خلاص بطلت من المواشى بروح على الاسهم العوائد الحسن وافضل لي

[فقيرالحظ]

الله يوفق الجميع

[abu_ali]

أخوي " ابويارا " ... مع التحية والتقدير
الفكرة فعالة ومربحة 100% ، لكن في غير " المواشي " إذا تبي المكسب لو بالربع ريال .
المهم ... تجي وتاقف قدام الكونتر والشاشة وتختار سهمك ( سهم واحد ) اللي فيه تذبذب ( صعود / هبوط ... والعكس ) ... ثم تنفذ طلبك وبعدها تنفذ عرضك وبدون تردد .
وتطلع من السوق والمحفظة فاضية أسهم .
وطبعاً هالكلام خلال الفترتيين : الصباحية والمسائية .
***
لكن ...
هل عندك الاستعداد للقيام بذلك في كل يوم وكل فترة !!؟
هل لديك القدرة في إختيار نوعية السهم وتحديده للحصول على مكسب بالربع أو النصف ريال ... 100% !؟
***
لوتم تطبيق هالفكرة بقدرة فائقة وناجحة ... سوف تجتاز هوامير السوق كلهم
وبالتوفيق لك - ان شاء الله - .

[ابو يارا]

خبير الاسهم والله رفعت معنوياتي
ولكن صعب تصدق تحدد صعود وهبوط ما ني ما هر
والله ما ادري ويش اسوي والله بايع سيارتي وجالس اتاجر في فلوسها
نسأل الله لنا ولكم الرزق الحلال

[ابو يارا]

خبير الاسهم والله رفعت معنوياتي
ولكن صعب تصدق تحدد صعود وهبوط ما ني ما هر
والله ما ادري ويش اسوي والله بايع سيارتي وجالس اتاجر في فلوسها
نسأل الله لنا ولكم الرزق الحلال

[حرب الخليج]

ودي افيدك يابو يارا بس واللع انا مثلك غشيم وتوي مبتدى
الله يوفقك ويوفقنا