قرب الفرج مع خطط المستقبل بأذن الله

[خالد المحيسن]

السلام عليكم

نشرت جريدة الاقتصاديه اليوم السبت الموافق 4-5-1426 هـ اعلان من صفحه كامله وفيه عبارة حدث يستحق الانتظار وتحت هذه العباره كتب ربوة الياسمين( مخطط 11)
وعند الاتصال على الأستاذ موسى الجعيد مدير عام الشركه ذكر بأنه خلال الأيام القادمه سوف يحق للمساهمين بتطبيق اسهمهم على قطع اراضي سكنيه ( نظام التسعيره) واما من رغب بأن ينتظر الى تنتهي تصفية المساهمه فما عليه سوى الانتظار لأنه سوف يتم الحراج على باقي البلكات بعد ايام قلائل وعند سؤاله عن المده المتوقعه بأذن الله لتصفية المساهمه ذكر بأنها في حدود ثلاثة اشهر بحول الله وقوته
اما شركة المهدي والتي وقع معها عقد في وقت سابق لتسويق المخطط فقد جرى فسخ العقد معها لتصبح شركة خطط المستقبل هي المطور والمسوق والمصفي...

نعم تأخروا في تصفية المساهمه لكن لعل وعسى في التأخيره خيره بأذن الله ولا ننسى انهم معنا في نفس القارب وهذا الكلام نقوله لأبراء الذمه وليس لتلميع صورة احد او مجاملة خطط المستقبل بل العكس هم تأخروا علينا لكن الأمر لله من قبل ومن بعد




نسأل الله ان يوفق الجميع للخير ان يرزقنا من واسع فضله بحلاله عن حرامه
آمين

[plaster]

ياخي عيب عليك

انا عمري ما شفت موضوع مدح اسوا من هذا
واذا خاب ضني وماكنت موظف لديهم فانا متاكد انهم لوشافوا موضوعك كان هم اللي بيقولون لك
تراك بالغت



ما لقيت الا خطط المستقبل تمدحهم ياخي خافوا ربكم في اموال الناس اللي ضحكتوا عليهم
بحكايه الثمان اشهر الشهيره وبعدين مغطتوهم سنتين

وبعدين انت تقول اتصلت على النصاب موسى الجعيدي وكلمته بعد
ياخي يرحم والديك عطني رقمه لي سنتين وانا ادور عليه

سنتين وهم يتحججون مره والله اكتتاب اتحاد الاتصالات مأثر علينا مره بنك البلاد مره سوق الاسهم مرتفع

يفكرنا ما ندري بسوق الاسهم او يفكرنا صدقناه

وبعدين ليه 3 اشهر بعد المزاد يبي يخلل الفلوس 3 شهور يخسى في وجهه

عموما انا متاكد انه يقرا كلامي هذا والله العضيم لاخذ فلوسي منك وفلوس كل اللي جو عن طريقي

وخلال ايام


اما انت ياعزيزي فلو لم تكن تعمل لديهم فاسمح لي اقولك انك مغفل

[خالد المحيسن]

والله يا plaster ما مدحتهم لكن متأملين من الله خير اللي صار اني نقلت الكلام اللي دار بيني وبين مديرهم ثاني شي انا نيتي طيبه ان شاء الله ويوم شفت الاعلان في الجريده فرحت وقلت خلني ابشر المساهمين اللي ما يدرون عن الاعلان واللي انتظروا مده طويله عشان ياخذون ارباح من خطط المستقبل

لو سمحت فسر كلامي هذا
(نعم تأخروا في تصفية المساهمه لكن لعل وعسى في التأخيره خيره بأذن الله ولا ننسى انهم معنا في نفس القارب وهذا الكلام نقوله لأبراء الذمه وليس لتلميع صورة احد او مجاملة خطط المستقبل بل العكس هم تأخروا علينا لكن الأمر لله من قبل ومن بعد) هل هو مدح ولا شكوى
ادري انك محروق مثلي على تأخير التصفيه لكن وش نسوي مالنا الا الصبر ولعل وعسى في التأخيره خيره,
صدقني انتقدت وحذرت من المساهمه معهم في اي مساهمه قادمه في كذا منتدى وبالعكس ما خلينا ولا بقينا فيهم شي خصوصا بعد سالفتهم مع مخطط السحاب لشركة املاك على ما اذكر لكن ما راح يفيد السب واللعن اللي بيفيد ان شاء الله هو دعاء رب العالمين

ارجوا انك ما تقولي عيب عليك او تصفني بأني مغفل انا اكتب بأسمي الصريح يعني لو انا فيني شي كان وبكل بساطه اكتب بأسم مستعار مثل غير واكتب اي شي لكن إن شاء الله اني ارفع من هالكلام اللي تقوله واخلاقي وتربيتي تمنعني اني انعت او اصف احد بهالصفه اللتي وصفتني بها او اني ارد عليك سوى بكلمة الله يسامحك


تفضل اخوي plaster هذا الرابط عشان تعرف اني ما امدحهم وانا منيب محتاج لدليل عشان تصدقني بس عشان نبعد عنا الشيطان ووساويسه نعوذ بالله منه
http://***********.com/forums/showthread.php?t=7322
لاحظ المشاركه بأسمي ورقمها اربعه وشف وش قلت فيها

تفضل هالرابط بعد
http://***********.com/forums/showthread.php?t=6941
ولاحظ كلمة (انحش) من خطط المستقبل اللي ذكرتها في المشاركه معقوله ابقولها وانا امدح فيهم؟؟؟؟؟

اخيرا اذكر نفسي واذكرك بقول الله تعالى((يا ايها الذين امنوا اجتنبوا كثيرا من الظن ان بعض الظن اثم)
سورة الحجرات

[خالد المحيسن]

والله يا اخي plaster ما مدحتهم لكن متأملين من الله خير اللي صار اني نقلت الكلام اللي دار بيني وبين مديرهم ثاني شي انا نيتي طيبه ان شاء الله ويوم شفت الاعلان في الجريده فرحت وقلت خلني ابشر المساهمين اللي ما يدرون عن الاعلان واللي انتظروا مده طويله عشان ياخذون ارباح من خطط المستقبل

لو سمحت فسر كلامي هذا
(نعم تأخروا في تصفية المساهمه لكن لعل وعسى في التأخيره خيره بأذن الله ولا ننسى انهم معنا في نفس القارب وهذا الكلام نقوله لأبراء الذمه وليس لتلميع صورة احد او مجاملة خطط المستقبل بل العكس هم تأخروا علينا لكن الأمر لله من قبل ومن بعد) هل هو مدح ولا شكوى
ادري انك محروق مثلي على تأخير التصفيه لكن وش نسوي مالنا الا الصبر ولعل وعسى في التأخيره خيره,
صدقني انتقدت وحذرت من المساهمه معهم في اي مساهمه قادمه في كذا منتدى وبالعكس ما خلينا ولا بقينا فيهم شي خصوصا بعد سالفتهم مع مخطط السحاب لشركة املاك على ما اذكر لكن ما راح يفيد السب واللعن اللي بيفيد ان شاء الله هو دعاء رب العالمين

ارجوا انك ما تقولي عيب عليك او تصفني بأني مغفل انا اكتب بأسمي الصريح يعني لو انا فيني شي كان وبكل بساطه اكتب بأسم مستعار مثل غير واكتب اي شي لكن إن شاء الله اني ارفع من هالكلام اللي تقوله واخلاقي وتربيتي تمنعني اني انعت او اصف احد بهالصفه اللتي وصفتني بها او اني ارد عليك سوى بكلمة الله يسامحك


تفضل اخوي plaster هذا الرابط لعل وعسى يشتغل في منتدانا عشان تعرف اني ما امدحهم وانا منيب محتاج لدليل عشان تصدقني بس عشان نبعد عنا الشيطان ووساويسه نعوذ بالله منه
http://***********.com/forums/showthread.php?t=7322
لاحظ المشاركه بأسمي ورقمها اربعه وشف وش قلت فيها((السلام عليكم

خطط المستقبل اعتذروا عن التأخير اللي صار لمساهمة مخطط رقم 13 بس يا ترى ليه ما صار فيه اعتذار لمساهمة مخطط 11 لأنهم تأخروا عن وعدهم بحدود خمسة اشهر الى تاريخ اليوم ؟؟ بصراحه شركة خطط المستقبل هي اول من ادخل نظام المشاركه الشرعيه بين الشركه والمساهمين بحيث يدخلون كشركاء في المساهمه لكنهم الى الآن فشلوا في تحقيق اي تصفيه لمساهماتهم الثلاث وهي مخط 11 ومخطط 13 ومساهمتم في الخبر والتي اسمها درة الخليج على ما اذكر --- شركة خطط المستقبل الى الآن اساءت لسوق العقار وللعقاريين
لكن ندعوا الله سبحانه وتعالى ان يوفقنا وياهم ولعل وعسى في التأخيره خيره)) لاحظ كلمة اساءت لسوق العقار وللعقاريين) هل هي كلمة مدح ولا ذم

تفضل هالرابط بعد
http://***********.com/forums/showthread.php?t=6941
مشاركتي كانت كالتالي((( نصيحه لوجه الله انحش من خطط المستقبل والي مثلها

لكن الله يعوض علينا خير))

ولاحظ كلمة (انحش) من خطط المستقبل اللي ذكرتها في المشاركه معقوله ابقولها وانا امدح فيهم؟؟؟؟؟

اخيرا اذكر نفسي واذكرك بقول الله تعالى((يا ايها الذين امنوا اجتنبوا كثيرا من الظن ان بعض الظن اثم)
سورة الحجرات

[خالد المحيسن]

اخوي plaster ياليت تكون التصفيه خلال 3 شهور كان زين

[plaster]

اللي قاهرني اني شفت الجعيدي هذا قبل فتره في احد المدن خارج الرياض
وكان في منظر لو شايفه فيه من قبل والله ما اعطيه ريال
حتى اللحيه حلقها
وكل يوم والثاني وهو منزل اعلانات كذب في الجرايد
لا ومن زين الوجه حاط مرطب شفايف
بعد ما كان مطوع
عموما انا بديت اعتبر الموضوع شخصي مع هذا الرجل الكذاب صاحب
المكتب الرخيص اللي سموه شركه

واخير انا اعتذر منك وهذا الحقيقه ماهو اسلوبي
بس من كثر ما في قلبي من حرقه

[خالد المحيسن]

اعتذارك مقبول اخي plaster الله يعفو عنا وعنك

[plaster]

انا رايح لهم اليوم انشالله بعد المغرب انا ومجموعه من الشباب المساهمين لديهم

وما راح نرجع انشالله الا بكامل فلوسنا مع الربح

[خالد المحيسن]

الله يوفقكم ولا تنسى تعطينا الأخبار عشان نعرف وش صار لو تكرمت