شركة مكيون..اللي يعرف عنها يساعدني

[لحظة شوي]

السلام عليكم..

أنا عازم إن شاء الله أشتري شقة بالأقساط في مكة من شركة اسمها "مكيون للتطوير العمراني".. لكن ودي أتأكد من مصداقية هالشركة.. خايف أدفع المقدم.. وتطلع لي مشاكل أو تطلع الشركة مشبوهة.. أو ما يسلموني الشقة بعد سنة.. وغيره.. وأنا عليمي في هالشغلات..
الله يجزاكم خير اللي يعرف شي عن هالشركة ومصداقيتها أومجرب التعامل معها يبلغني..
وسأكون لكم من الشاكرين بإذن الله..

[لحظة شوي]

وينكم؟:(
أنتظر مشورتكم..

[tashkandi]

أعرفهم جيدا
واعرف مؤؤسسينها
أناس ثقات الله يحفظهم ويوفقهم

[معاكم على الخير]

خل فلوسك في جيبك وانا اخوك
اذا هي تعز عليك
واذا ما تعز عليك حطها بالمساهمات العقاريه
وقديما قيل(قدر الشراكه ما يفوح)

او حطها في قطعة ارض(يكون صكها معك في الكمدينو )اذا بغيته لقيته

ولا تعرض نفسك للمرمطه -تجربه من شخص متمرمط مع بن حسن-

[لحظة شوي]

tashkandi (http://www.tdwl.net/vb/member.php?u=3167)
الله يجزاك خير نورت علي الله ينور عليك دنيا وآخرة.. مشكور جداً..

معاكم على الخير..
شكراً أخوي للرد..
بس أنا ما عندي مبلغ يستاهل..
كل ما في الأمر أن عرض الشركة أغراني.. مقدم 25 ألف بس.. وأقساط ميسرة جداً على 6 سنوات.. والإفراغ بعد سنة أو سنتين على ما قالوا..
يعني صراحة عرض مغري بالنسبة لشقة في مكة.. (ولو أنها بعيدة عن الحرم)..
وأنا من زمان نفسي فيها..

أما بالنسبة للمساهمات فخلاااااااص طفشت منهم.. اللي يقول لك سنة يقعد سنتين وفلوسك جامدة.. واللي يقول سنة ونص يقعد 3سنين.. (طقة الشبيلي والنجار وغيره)..
هذا غير أن الأرباح صراحة ما تستاهل 15% 20%.. وما تطلع إلا بعد جهد جهيد..

أنا من كثر ما تأدبت من تجارب غيري في المساهمات قلت أمسك فلوسي في شقة بمكة أبرك لي..
والله يجزاك خير للمشورة ما قصرت..

[سابق]

لو سمحت معلومات اكثر عن الموقع بضبط وعن طريقة البيع واكون لك من الشاكرين

[tashkandi]

أخي الغالي المشرف على الشركة د. مجدي حريري أكاديمي ورجل أعمال محترف صادق في التعامل وسبق لي أن تعاملت معه في الدرهم والدينار مع مؤسسة أخرى له وهي قطنيات حلاوة ، الرجل سبق أن كان عميد لمركز أبحاث الحج لمدة 8سنوات أبدع فيها أيما ابداع، عين أخيرا عضو في مجلس الشورى هذا ما أحببت بيانه أحسبه كذلك ولا أزكيه على الله. www.makkiyoon.com

[لحظة شوي]

الله يجزاك خير أخوي طشقندي.. ما قصرت.. الله يوفقك دنيا وآخرة..

وأخي سابق.. شوف الموقع فيه 3 مشاريع على ما أعتقد اتصل على مندوب الشركة في مدينتك وراح يعطيك النفاصيل عن عملية الشراء والتقسيط حسب أنواع الشقق في كل مشروع..